سير الكاتينه للفلونس ؟؟

**mah_khourshid** · 21-06-2013 08:50 PM

السلام عليكم وحوش الرينو
عربيتي رينو فلونس بقالها 3 سنين و 4 شهور
وانا بعمل صيانه ال 55 كم المهندس قالي المفروض تغير السيور عشان عدا عليها 3 سنين (60000 كم او 3 سنين) كلام منطقي بس طبعا زي مانتو عارفين الصيانه هتكلف فوق 2500 جنيه
المهم قلتلو هعملها بعدين قالي متتأخرش
سؤالي هنا هل اقدر اسافر الساحل من القاهره لمده اسبوع وارجع اغير السيور
ولا بلاش مغامره انا بصراحه بستمتع بالسفر بيها ومش متخيل اني اركب عربيه غيرها الفلونس ملهاش بديل
انا محتاج نصيحتكم في اقرب وقت ميعاد السفر بكره ان شاء الله

**aldesha989** · 21-06-2013 09:18 PM

الافضل حتى تغير سير التقسيمه لان لو اتقطع لا قدر الله مش هيبقى فى اى عربيه تستمع بيها نهائى فبلاش افضل وغيره

**M I D O** · 21-06-2013 09:36 PM

انا هقول لحضرتك الي حصل معا خالي معاة اسبرانزا 516 وكان المفروض يغير سير الكاتينة برضو تقريبا علي 40 الف علي ما اتذكر وخالي كان ماشي بالعربية 23 الف وشوية ورفض ان التوكيل يغير السير المهندس قالة كدة هيخرج برة الضمان خالي قالة انا مهندس وشايف ان السير لسة سليم ومفيهوش حاجة وغيرة بعدها في صيانة ال 50 الف بس برضو خليك في المضمون وغيرة احسن المثل بيقول حرص ولا تخونش

**Hany Saad** · 21-06-2013 11:43 PM

متقلقش خالص.....اطلع اجازتك واستمتع و متفكرش فى الموضوع نهائى....٣ سنين أو ٦٠ ألف ده أمان الأمان......يعنى قدامك على الأقل كمان سنة أو لغاية ال٦٠ ألف و كمان تبقى فى الأمان.......

مواعيد التغيير بره لنفس السيارة أعلى من كده بكتير......

أنا فى الميجان ii غيرته على ٥٠ ألف و كان مر ٥ سنين على السيارة......لا تقلق.