تسعير لانسر بومة

**hplv** · 22-06-2013 12:17 AM

السلام عليكم
انا عارف انى تعبتكم فى المنتدى اسئلة بس ده العشم برده.
امامى سيارة لانسر بومة 2011-خليجى -ستريبتونيك - 25 الف كيلو العداد -كلاسيك - 1600 cc فابريكة بالكامل
صاحبها طالب 113 الف جنيه ايه راى حضراتكم
وفين ممكن اكشف على العربية سواء فى مركز خدمة معتمد او مركز صيانه كويس بس ياريت يا اما فى (طنطا -بنها -الزقازيق -هل فى مراكز خدمة معتمدة اصلا فى الاماكن دى )
وشكرا جزيلا مقدما

**monamize4** · 22-06-2013 12:54 AM

حسب ما اعرف ان الكلاسيك دى مفهاش abs او ايرباج ,,, صح كدة ؟

لو صح يبقى اصرف نظر احسن ,,

**monamize4** · 22-06-2013 01:59 AM

المشاركة الأصلية كتبت بواسطة hplv

مش عارف يا فندم والله
وايه وجهة نظر حضرتك ؟؟؟

فى مشكلتين لو العربية مفهاش abs و ايرباجز

الاولى و دى الاهم ,, هى سلامة حضرتك لان بجد بيفرقوا اوى و للاسف (بعد الشر عنك و عنا جميعا ) فى ناس بتدرك كدة متاخر

تانى مشكلة ,, لما حضرتك تبيع العربية مثلا بعد 5 او 7 سنين هتبقى بتبيع عربية ف 2018 - 2020 مفهاش abs و لا ايرباجز !!!!!!!!!! اكيد مش هتتباع بسهولة ف وقت اعتقد هيكون فيه ال lane departure warning بقى من الاساسيات

**monamize4** · 22-06-2013 03:00 AM

لازم يا يا باشا تحدد الفئة بالظبط عشان بتفرق ف التسعير
و ع فكرة انا راجعت مواضيع سابقة و اتاكدت ان فعلا الكلاسيك مافيهاش abs و لا ايرباجز
لو العربية كلاسيك ,, متهيالى ان السعر محتاج ينزل شوية و اكتر واحد يفيدك ف التسعير هو استاذ شريف
http://www.nilemotors.net/Nile/329130-a.html

لو المواصفات دى لعربية حضرتك لاقيتها معروضة ع النت , فا احب اقولك متصدقش اى حاجة لحد ما تكشف عليها كويس اوى حتى لو ماشية الف كيلو بس لان ناس كتير منهم بيبقوا نصابين

**hplv** · 22-06-2013 01:22 PM

المشاركة الأصلية كتبت بواسطة monamize4

لازم يا يا باشا تحدد الفئة بالظبط عشان بتفرق ف التسعير
و ع فكرة انا راجعت مواضيع سابقة و اتاكدت ان فعلا الكلاسيك مافيهاش abs و لا ايرباجز
لو العربية كلاسيك ,, متهيالى ان السعر محتاج ينزل شوية و اكتر واحد يفيدك ف التسعير هو استاذ شريف
http://www.nilemotors.net/nile/329130-a.html

لو المواصفات دى لعربية حضرتك لاقيتها معروضة ع النت , فا احب اقولك متصدقش اى حاجة لحد ما تكشف عليها كويس اوى حتى لو ماشية الف كيلو بس لان ناس كتير منهم بيبقوا نصابين

احب اشكر حضرتك شكرا جزيلا يا فندم على الرد
خلاص بأذن الله هكلم صاحب العربية واسأله على الفئة بالظبط وبعدين اسال استاذ شريف على السعر
وبالفعل العربية معروضة على النت وانا يا اما اتصلت بناس ومنهم الى منقص صفر فى العداد مثلا والى كاتب حاجة ويقول انا غلطت معلش حاجة قرف والله
انتا راى حضرتك العربيات الى معروضة فى النت اتفق مع صاحبها اشوفها الاول وبعدين اروح التوكيل ولا اقوله فى التليفون من الاول نتقابل فى التوكيل علشان تضيع الوقت ويبقى الموضوع جد ....

**hplv** · 22-06-2013 01:23 PM

المشاركة الأصلية كتبت بواسطة aboamina

حرام تجيب عربية مستعملة سعرها فوق ال100ألف ومايكونش فيها abs

ماهو انا اقتنعت فعلا بما قاله استاذ
monamize4

**monamize4** · 22-06-2013 07:52 PM

من وجهة نظرى انك لو بتفهم كويس ف العربيات يبقى تروح تبص عليها بنفسك و لو معندكش خبرة كويسة يبقى خد الميكانيكى و السمكرى معاك ,,, لان احتمال تلاقى مشكلة كبيرة و بالتالى يبقى العربية مش محتاجة تروح التوكيل اساسا ,, و لازم تكون موضح لصاحب العربية من قبل ما تروح انك هتكشف عليها سواء ف التوكيل (الافضل) او ف بنزينة عشان فى ناس بترفض و يقولك العربية مش هتتحرك من تحت البيت

ع فكرة انا كنت بدور من فترة على عربية مستعملة و دورت كتير ع النت بس للاسف معظمهم اسعار عالية و كتير منهم بيكون موبايلة مغلق اساسا و نادرا لما هتلاقى فيهم واحد محترم و نصيحة ليك حاول تشترى عربية من اسرة مباشرة مش من تاجر او وسيط و نصيحة اخيرة اكشف على العربية ف المرور كويس و اتاكد انها مش مسروقة و ان لها ملف ف المرور قبل ما تدفع مليم واحد

الموضوع دا انا قعدت فيه حوالى 5 شهور ,,, فا انا معاك ف اى استفسار