المشكلة ان كل واحد فيهم ليها مميزات وعيوب من ناحية الكماليات والوسعة , ومن ناحية اخرى التكييف وقوة الموتور , ومن ناحية تانية قطع الغيار واسعار الصيانات , رحت جربت دى ودى , وخلاص دماغى هتنفجر مش عارف اشترى حاجة , ولا ارسى على ايه ؟.؟؟؟؟؟؟؟؟؟؟؟؟؟ يارب
عايز اراء حازمة قاطعة ارجوكم ؟
والله أنا هقولك على العيوب والمميزات في العربيتين وحضرتك اللى تقرر
أولا : الفيرنا
المميزات / قطع غيار رخيصة جدا ومتاحة بشكل كبير - عربية قوية جدا وتكيف ممتاز - كل المكانيكية حافظين أعطالها عن ظهر قلب
العيوب / واطية من الأرض بذات لو محمل أفراد - خفيفة مع السرعات العالية وثباتها وحش بعد ال140
خامتها فقيرة وصاج ضعيف
ثانيا : الإمجراند
المميزات / واسعة جدا - فخمة من الخارج - كماليات كتير- مناسبة لعائلة كبييييرة - خامات الكونسول أفضل من الفيرنا
العيوب / طويلة ولذلك لا تنفع في المناورات بعكس الفيرنا - دهان ردئ وبيقشر - عدادات تحس معاها باللعب الصينى - كراسى الصالون ناشفة جدا ومتعبة بعكس الفيرنا
اتفق معاك في كل كلمه بس كراسي الفيرنا ناشفه برضوه ومرهقه مع المسافات الطويلهاقتباس:
المشاركة الأصلية كتبت بواسطة eldeep
طيب متبص على ال frv بالمره العربيه دي عجباني برضو واسعه وثابته وصاج كويس وطبلوه كويس وخامات جيده واشيك من الفيرنا
الموضوع ده جايز يفيد حضرتك
http://www.nilemotors.net/Nile/363604-7.html
بص انا متابع جروب الايميجراند على الفيسبوك وملاحظ ان في ناس قابلتهم اعطال فيها مع انها جديدة
لو عايز عربية تعيش تبقى فيرنا وكمان هتبيعها بعد 5 سنين بنفس السعر اللي اشتريته بيها
الايميجراند افخم واحلى طبعا لكن مش هتعيش اخرها 5 سنين ومش هتجيبلك حاجة لما بيعها
خليك في المضمون وهات فيرنا واعتبرها فلوس تحت بيتك
....الراجل ده بيقول كلام زى الفل...أساسى فيرنا... خصوصا فى الوقت دهاقتباس:
المشاركة الأصلية كتبت بواسطة kazamodia
انا هقولك راى المتواضع
انا ركبت الاتنين
نوع الدهان زى بعض
خامات التابلوه زى بعض ممكن نقول الايمجراند احسن سنه صغيره جدا
كوسع طبعا الايمجراند تتفوق
كمحرك الفيرنا 1600 سى سى و لكن المحرك كبير جدا على عربيه زى الفيرنا علشان كده ال 1500 سى سى فى الفيرنا فيفا افضل من ال 1600
الايمجراند 1500 سى سى بتكنولوجيا يابانيه تويوتا ياريس
فى النهايه انا شايف ان الايمجراند تكسب
تحياتى
اتفرج على الــــــــــــــ byd وفكر تانى من جديد اعد نظر مره اخرى .
اللي نعرفه احسن من اللي مانعرفوش.....فيرنا تكسب
على الاقل عشان اعادة البيع
أنا لا أعترف بأي عربية صيني في مصر ...مش علشان الصين وحشة ..لا ..علشان احنا بناخد أسوأ فرز في كل حاجة حتى العربيات ....ده أولا
ثانيا : أنا لا أحبذ فكرة شراء سيارة لم يتم تجربتها في السوق على الأقل 5 سنوات ..ولنا في الميجان أول مانزلت والناس انفهشت بيها والاسبيرانزا كذلك وطلع فيها عيوب سيئة ..
ثالثا : أوعى تشتري عربية ماتعرفش تبيعها وأوعى تشتري عربية تخسر فيها كتير
رابعا : ممكن تضحي بثالثا في حالات قليلة للغاية زي سيتروين مثلا أو فولفو ماركة محترمة وتقيلة مش صيني !!!
خامسا : لأننا بلد عاوزة قنبلة نووية عشان تنظف ...فنحن شئنا أم أبينا نخضع لثقافة الميكانيكي أو بوجه عام الصنايعي المصري ...ومن وجهة نظري المتواضعة وبناءا على تجارب دقيقة شخصية فالصنايعي المصري خاصة الميكانيكية والكهربائية في حالة مزرية ومابيعرفوش في الحاجات اللي إيديهم شغالة فيها باحتراف ...يعني لو العطل مش واضح وصريح مش هيسلك فيه ..لو فيه تريك بصيت الصنايعي بيحتاس والمنتدى مليء بالقصص وخبرات كل واحد فينا مليئة بالآلام :)
لذلك فخليك في اللي الميكانيكي بيفهمه نسبيا ...
ومع كل ماسبق وبقمة الموضوعية وبدون تحيز فأنا لا باخد فلوس من دول ولا من دول : الفرنا تكسب
اولا البى واى دى موتورها وفتيسها يابانى ومفهومين لدى الكل ده غير انها شغاله تاكسى فى مصر وده دليل على اعتماديتها وتوفيرها للوقود وقطع غيارها المتوفره وبأسعار رخيصه جدا
verna all the way
انا شايف ان البى واى دى احسن عربية فى الفئة دى .. مجرد رأى
عن تجربه .... طبعا طبعا الفيرنا برقبه الامجراند توكل على الله و مش هتندم ان شاء الله
ال بي واي دي مش مشتركة في الاختيار بس أنا كنت بشتري قطع غيار الستروين من حد بتاع قطع غيار بي واي دي في صقر وقال لي بالحرف : دي عربية زبالة والاسبيرانزا برقبتها !!!!!!!!!
أنا لا فارق معايا تبقى حلوة ولا وحشة أنا بس لي وجهة نظر ...مادام فلوسك عزيزة عليك خليك في المضمون المتجرب ...بلاش تجيب حاجة عليها كلام أو جديدة مش متجربة
فيرنا طبعا... انا معاك ان الامجراند شكلها و وسعها مغري لكن تجيى ايه جنب جرى الفيرنا و تكييف الفيرنا و اعتماديتها و .... و ... يا راجل دانا بقيت بحب الفيرنا اكتر من اللانسر هاهاها
اكبر عيب فى الفيرنا صالونها الضيق, لو مش فارق معاك الصالون و معظم سواقتك جوة البلد مش سفر هاتها بدون تردد و مش حتندم
الف شكر يا رجالة وربنا يقدم اللى فيه الخير اين كان .