ماستر دبرياج الاسترا 1200 ضرب

فوجئت اليوم بالدبرياج فصل ومفيش غيارات وبحمد الله وصلتها بالطريقه الى الميكانيكى ووجد ان ماستر الدبرياج ضارب والزيت مغرق الفتيس وقالى هنفك الفتيس ونشوف ولما فك وجد الاسطوانه ضايعة والديسك كذلك والبليه طبعا هى والماستر حته واحده وكانو بايظين وعرفت ان افضل اختيار للاسطوانة والديسك هو الساكس الالمانى اللى سعرة يصل الى 900 ج وان البلية بالمستر ثمنها حوالى 1000 ج الالمانى الاصلى وان هناك نوع صينى تمنه حوالى 450 ج بتاع الاكسسوار يحبزه ولكن الميكانيكى شايف ان الاصلى افضل ولا داعى للمجازفه هذا ما حدث اليوم وذلك للمشاركه فى الرأى والخبره وربنا يسترها معانا جميعا

قدر الله وماشاء فعل وأنا لو منك اجيب الالمانى الاصلى من غير كلام... شوف حضرتك اللى كان فيها بقاله قد ايه...بس الموضوع ده بيحصل فجأة كده بدون أعراض أو تنبيه !

اقتباس:

---

المشاركة الأصلية كتبت بواسطة mohammed dodda

قدر الله وماشاء فعل وأنا لو منك اجيب الالمانى الاصلى من غير كلام... شوف حضرتك اللى كان فيها بقاله قد ايه...بس الموضوع ده بيحصل فجأة كده بدون أعراض أو تنبيه !

---

الحمد لله على كل شىء انا برضه ميال جداً انى اجيب الاصلى بالاخص ان الاصلى اللى ضرب كان اول مره يتفك بتاع الفابريقه الجى ام الاصلى والميكانيكى مستغرب جداً ولما عرف ان العربيه عامله بيه 174 الف كم وانا كنت متوقع ان العربيه محتاجه طقم دبرياج من سنتين اول ماخدتها من اخويا وكانت عمله ساعتها 158 الف كم وكانت العربيه فيها رعشه خفيفه فى الطلعه وبرضه امبارح وانا مروح بيها كان الدبرياج تقيل شويه و كان على عكس ماكان بيفصل عالى اصبح بيفصل على الدواسه كل ديه مقدمات للاسف انا كنت مطنش نظراً للظروف ومشاكل لمبة الاعطال والحساس اللى لسه مصلحها وسربنتينة التكييف اللى دوختنى والاكبر من كده عندى حد ثانويه عامه بيمتحن كل ده مخلينى جايب من الاخر والحمد لله

اقتباس:

---

المشاركة الأصلية كتبت بواسطة إبراهيم المصرى

الحمد لله على كل شىء انا برضه ميال جداً انى اجيب الاصلى بالاخص ان الاصلى اللى ضرب كان اول مره يتفك بتاع الفابريقه الجى ام الاصلى والميكانيكى مستغرب جداً ولما عرف ان العربيه عامله بيه 174 الف كم وانا كنت متوقع ان العربيه محتاجه طقم دبرياج من سنتين اول ماخدتها من اخويا وكانت عمله ساعتها 158 الف كم وكانت العربيه فيها رعشه خفيفه فى الطلعه وبرضه امبارح وانا مروح بيها كان الدبرياج تقيل شويه و كان على عكس ماكان بيفصل عالى اصبح بيفصل على الدواسه كل ديه مقدمات للاسف انا كنت مطنش نظراً للظروف ومشاكل لمبة الاعطال والحساس اللى لسه مصلحها وسربنتينة التكييف اللى دوختنى والاكبر من كده عندى حد ثانويه عامه بيمتحن كل ده مخلينى جايب من الاخر والحمد لله

---

....كان الله فى عونك وديه ضريبة ركوب الاوروبى فى بلدنا للأسف

قدر الله و ما شاء فعل
و 175000 رقم كبير مش قليل على طقم دبرياج

الف مليون شكر يا طنانى انا عارف انى دوشتك بالتليفون بس حسيت انى مش لوحدى فى وقت كنت فى امس الحاجه للمشوره جزاك الله خيراً

العفو يا باشا على ايه
احنا اخوات

ماتخدش الراى من بياع لانه هينصحك باللى هيكسبه اكثر مش الافضل ليك