الموضوع: تركيب مثبت سرعه فوكاس ٢٠٠٦

المشاركة الأصلية كتبت بواسطة eng\ahmed

اى خدمة على جهاز الانذار , فى ناس معاهم العربية من سنين وميعرفوش ان فيها انذار

ال esp لو موجود هتلاقي زرار جنب الزجاج الحرارى تحت زراير التكييف وهتلاقى معاه فى نفس السيستم traction control & emergency brake assist

يا باشا ربنا يخليك لينا وللقسم كله
كده مفيش esp هو إنذار بس :)
بس هو الإنذار ده بقي بيشتغل امتي؟

والله أنا كل يوم بحب العربية دي اكتر مفيش غير حاجة واحده بس هي اللي مديقاني منها ان سحبها تعبان قوي :(

المشاركة الأصلية كتبت بواسطة Maghraby1987

يا باشا ربنا يخليك لينا وللقسم كله
كده مفيش esp هو إنذار بس :)
بس هو الإنذار ده بقي بيشتغل امتي؟

والله أنا كل يوم بحب العربية دي اكتر مفيش غير حاجة واحده بس هي اللي مديقاني منها ان سحبها تعبان قوي :(

الانذار بيشتغل بعد 30 ثانية من قفل العربية وعلى الكابوت والابواب والشنطة
ده غير العربية فيها dead lock لو دوست على القفل من الريموت مرتين العربية مش هتفتح غير بالمفتاح او الريموت الاصلى , يعنى ممكن تحبس حد جوه العربية ومش هيعرف ينزل
وده فى الفكترا كمان على فكرة

ولو قفلت على النسخة التانية من المفتاح جوه العربية هيتعمله de-activation ولازم تبرمجة تانى علشان تعرف تشغل بيه العربية

موضوع السحب متنساش وزن العربية وانها اوتو ده غير انها مصممة على 95 مش 92 بتاع مصر
عموما خليك متابع فلتر الهوا والبوجيهات باستمرار وممكن كل فترة منضف دورة بنزين واوكتان بوسستر هيضبط شوية
زمان كنت بعمل القصة دى مع 95 بس طبعا بعد ماغلى خلاص بخ

المشاركة الأصلية كتبت بواسطة a3reda

نقاشكم رائع طبعا ربنا يباركم
انا معى فوكاس 2005 واكتشفت بعد اكتر من سنه ان فيها ازاز كهربا والعربيه معى من 6 سنوات وفيها حاجات كتير معرفهاش للان وبستكشف فيها كل فتره حاجه

بخصوص مفتاح مثبت السرعه اتمنى ان اركبه لو ينفع

معرفش فيها جهاز انذار ولا لاء

بالنسبه للبنزين بستخدم بنزين 92 وعلى باب التانك مكتوب 91 وطبعا بنزين 91 غير متوفر فى مصر

اعتقد موديل 2005 فهو مصرى مش خليجى وده اخر شحنه دخلت ايام التوكيل القديم اولاد رجب

2006 ده اول الشكل الجديد و اعتقد موتور مختلف عشان كده بيطلب 95 مش 91 زي ال 2005 بس انا بحط 92 عادي و العربيه تمام و مش بتكركر بس كذا حد قاللي ال95 هيفرق معاك في السحب