صيـــانة ال 40 الــــف "لانســـر شــارك "

**kemoelord** · 22-06-2013 05:53 PM

السلام عليكم :-
لو سمحت يا جماعه كنت عاوز اعمل صيانه ال 40 الف في لانسر شارك في توكيل دايموند موتورز فرع طريق الاسماعيليه ,,, فلما كلمتهم اول مره قالولي هنغير [زيت + فلتر + سير المجموعه+ فلتر الهواء] ,, ولما كلمتهم بعدها باسبوع لاقيتهم قالولي نفس الكلام وزودوا عليه انهم هيغيروا ( ماء الريدادتير وزيت الفتيس) ,, وسالتهم ع البوجيهات قالولي بتتغير ع 80 الف مع اني شايف انها كتيير ,, المهم كنت عاوز اسال هل فيه حد قبل كده عمل صيانه ال 40 الف في الشارك والي عمل غير ايه ؟
ثانيا :- ماء الريداتير اصلا المفروض تتغير ع كام الف او كل قد ايه ( مدة زمنيه ) ؟؟ لاني قعدت 4 سنين مش غيرتها والناس قالولي كتييير اوي ؟
ثالثا :- هل زيت الفتس بيتغير ع 40 الف ؟؟؟؟؟
رابعا :- هل سير المجموعه ده الي هو سير الدينامو + التكيييف ؟؟؟

وتنصحوني هل ممكن اعمل الصيانه دي بره يعني اروح بنزينه موبل اعمل الكلام ده ولا اروح التوكيل ؟

وشكرا جزيلا ,,,,,,

**msds_eg** · 22-06-2013 06:51 PM

سلام عليكم معالي الباشاصيانه ال 40 بيتم تغير
1-سير المجموعه (التكيف والدينامو)
2-بوجيهات
3-فلتر هواء
4-زيت محرك با الفلتر
5-سائل تبريد (ماء ردتير)
6-زيت الفتيس
7- عمل الصيانة العاديه (تربيط عفشه رجلشه الفرامل تزويد زيت الفرامل والبور الكشف علي التكيف واي حاجه انتا بتحس انها مش عجباك في العربيه بيعملوها)
ويارب اكون افدتك لان انا لسه عملها من ثلاث ايام بس في الفرع الرئيسي عند ابورواش

**MIVEC.A92** · 22-06-2013 06:57 PM

متابع لأني هعملها ان شاء الله يا تري التكلفة كام في المصرية؟ دايموند قالولي 1950 تقريبا غير اني هغير التيل الأمامي.

**IronHead** · 22-06-2013 07:36 PM

هو فعلا زى ما قالولك اخر مره يكمن كمان زيت الباكم بس مش متأكد

العربيه فيها سير واحد بس اسمه السير المجمع بتاع التكييف والدينمو وبيتغير على ال40 الف
البوجيهات فعلا بتقعد من80 الف الى 100 الف عشان اريديوم, حرام تغيرها على ال40
زيت الفتيس ممكن يقعد لحد 60000 بس فى ظروف تشغييل عاديه مش الهلك والزحمه بتاعت شوارع المحروسه واللى تعتبر ظروف تشغييل قاسيه, فغيره على ال40 اضمن
مياه الرديتير على 40 الف

**ahhazem** · 23-06-2013 12:46 PM

ياترى ده بيشمل البومة برضة والا الوضع مختلف!!!!

**IronHead** · 23-06-2013 09:20 PM

المشاركة الأصلية كتبت بواسطة ahhazem

ياترى ده بيشمل البومة برضة والا الوضع مختلف!!!!:n_no[1]::n_no[1]:

البومه هتزيدزيت وسير باور وبوجيهات

**kemoelord** · 26-06-2013 02:23 PM

طبعا شكرا ليكم جميعا على اهتمامكم وردوكم ,,

انا كده ان شاء الله ومن خلال كلامكوا انا هغير :_
1- زيت وفلتر زيت
2- سائل تبريد (ماء ردتير)
3-سير المجموعه (التكيف والدينامو)
وانا كنت مغير مع نفسي فلتر هواء اصلي ,,, وفعلا البوجيهات الناس هناك قالتلي بنغيرها ع 60 او 80 الف كيلو مش فاكر لانها اريديوم

لكن يا استاذ "msds_eg" حضرتك مش تعرف اسعار الحاجات الي انا هعملها وذكرتها دي هتكلفني كام ؟؟؟؟؟
وهل ممكن اعمل الحاجات دي بره التوكيل ولا اعملها في التوكيل احسن ؟؟ ( حابب اعرف رايكم الشخصي ) ! ,,,

الموضوع: صيـــانة ال 40 الــــف "لانســـر شــارك "

LinkBack

أدوات الموضوع

عرض