قطع غيار اوبل فكترا

**ENG\AHMED** · 22-06-2013 07:52 PM

السلام عليكم

كيفكم يااوبلاوية , بما انى بقالى فترة طويلة معرفش اى حاجة عن الاوبل والفكترا تحديدا فا كنت عايز اعرف اسعار شوية حاجات لزوم الصيانة

" كل الحاجات اصلى"

- سير كاتينة بالبلية بتاعتة
- سير دينامو بالبلية بتاعتة
- فلتر هوا
- فلتر تكييف
- فلتر بنزين
- بوجيهات
- فلتر زيت
- كاوتشة كوبلن
- عقربة الفتيس استيراد
- فانوس الاشارة الامامى استيراد
- سعر المقصات الامامية استيراد وجديد ( اللى انا فاكره ان الجلب مبتتغيرش لوحدها)
- جوان كارتيرة زيت الموتور
- علامة الـ gls اللى على الجريدة بتاعة الباب
- فرش السقف , تجديده او استيراد

**tananybasha** · 22-06-2013 11:06 PM

ايه يا عم احمد
انت هتغيرها كلها و لا ايه
والله كان نفسى افيدك
بس انت عارف
اخوك بتاع ايه
ملوش فى البى

**tananybasha** · 22-06-2013 11:07 PM

- فلتر هوا 60
- فلتر تكييف 80
- فلتر بنزين 50
- بوجيهات 120
- فلتر زيت 50
فرش السقف , تجديده او استيراد من 200 ل 300

**tananybasha** · 23-06-2013 12:25 AM

ربنا يكون فى عونك
انا نفسى اوقف العربية شوية
لأحسن شوية
و هتعمل فيا عمايل مش ظريفه

**فادى محمد** · 23-06-2013 02:09 AM

المشاركة الأصلية كتبت بواسطة ENG\AHMED

السلام عليكم

كيفكم يااوبلاوية , بما انى بقالى فترة طويلة معرفش اى حاجة عن الاوبل والفكترا تحديدا فا كنت عايز اعرف اسعار شوية حاجات لزوم الصيانة

" كل الحاجات اصلى"

- سير كاتينة بالبلية بتاعتة جايتس او ليمفوردر=90ج
- سير دينامو بالبلية بتاعتة ليمفوردر=75ج البليه ب90ج
- فلتر هوا ب45ج مصري
- فلتر تكييف ب 65 ج فلتر الهوا --ب95ج فلتر الفريون (جرين ايريا)
- فلتر بنزين ب35ج توبران او مايلي
- بوجيهات ب85ج بوش - 125ج جي ام
- فلتر زيت ب35ج هنجست الماني
- كاوتشة كوبلن من 45 الي 60ج
- عقربة الفتيس استيراد مش متاكد بس متهيالي 250ج بمجموعه الغيارات
- فانوس الاشارة الامامى استيراد ب75ج الجوز
- سعر المقصات الامامية استيراد وجديد ( اللى انا فاكره ان الجلب مبتتغيرش لوحدها) استيراد ب350ج الجوز - جديد مش عارف - لو مقصاتك سليمه غير الكاوتش بس بيحتاج مخرطه)
- جوان كارتيرة زيت الموتور اما تغير الجوان الكاوتش بس داير مايدور الكارتيره بنوع كويس زي
الجلاسير الاسباني ب70ج او انك تغير الكارتيره بجوانها ( الاصلي بيبقي built in ) ب375 ج الالماني وب270ج برازيلي
- علامة الـ gls اللى على الجريدة بتاعة الباب صعبه شويه لانها بتبقي مع الجريد والجريد مع الابواب ,
- فرش السقف , تجديده او استيراد

فرش السقف صعب شويه تلاقيه لانهم بيبيعوه مع السقف

ممكن تجدده عند سروجي ب150ج

**فادى محمد** · 23-06-2013 04:49 PM

المشاركة الأصلية كتبت بواسطة eng\ahmed

منسق اوبل فعلا :))

اللى فاكرة ان الكاوتش مطبوخ جوة المقص ومبيتغيرش لوحدة
هل حوار تغيير الكاوتش مجدى وهيرجع زى الاول فعلا ولا مقص استيراد وخلاص
مركون لان
جوان الكارتيرة انهى الاحسن ؟؟؟ , انا من الموتور من فوق شايف تعريق على الموتور من تحت فا غالبا هو الجوان وهو متغيرش قبل كدة

بالنسبة للسقف , لو سروجى يعملة هجيب القماش نفس اللون والخامة منين

ياباشا انا اتعلمت منك ولا نسيت؟؟
-روح لسرور شوف نوع الكاوتش اللي عنده ,لو الماني اصلي وعجبك خامته ,غيره , بينفض ويركب في المخرطه سهل مش صعب .انما لو الكاوتش تركي ,برازيلي .. هات مقص بكاوتشه
بس مايكونش مركون لان الركنه بتنشف الكاوتش
-جوان الكارتيره الاحسن طبعا هو الكارتيره بالجوان . لو حبيت تغير الكاوتش بس دور علي جلاسير او راينز غير كده ماتشتريش ..الميكانيكي هيشيل الجوان القديم علي الجلخ ويركب الجوان الجديد اللي بيبقي علي شكل حرف u ويربط مساميره
-بالنسبه للسقف لو عاوز تشتري القماش والسروجي يلزقه ,,هتجيبه من واحد اسمه (الشيخ) بيبيع حاجه السروجي . من شارع الجيش تدخل الشارع بتاع الموبيليا اللي اخره بيتقاطع مع ش محمد علي هتلاقي المحل قدامك ,عنده انواع ,اشتري الامريكي او الالماني .