النترا 2012 فولى لودد والا سيفيك 2013 اول فئة

**FrozenFire** · 24-06-2013 02:44 PM

المشاركة الأصلية كتبت بواسطة mohamed.ramah

لنكون عمليين اكثر بعيداً عن الشكل الخارجى :
دة مقارنة سريعة :

1-التسارع الهيونداى تتفوق ب 128 حصان عزم 157 nm
2- استهلاك الوقود الاتنين متقاربين 6.8 متوسط استهلاك الهوندا مقابل 7 ليتر للالنترا
3-قيادة السيارة والاداء على الطريق متساويين
4-steering/handling/braking افضل فى الهوندا عن الالنترا
5-العزل الداحلى افضل بنسبة بسيطة لصالح الالنترا
6-التحكم فى السيارة افضل بنسبة بسيطة لصالح الالنترا
7-التفاصيل الداخلية افضل لصالح الالنترا
8-راحة الجلوس للركاب فى الامام افضل لصالح الالنترا
9-راحة الجلوس فى الخلف متساويين

.... من راى متغيرش سيارتك واصبر للموديل الجديد لانة افضل من الموديل الحالى فى عدة نقاط انا ذكرتها هنا: http://www.nilemotors.net/nile/3875060695-post7.html

ودة تقييم شامل لهوندا سيفيك 2012 وهيونداى النترا 2012 :
http://www.nilemotors.net/nile/288639-2012-2012-a.html

هو حضرتك جايب الكﻻم ده منين

ياسيدي الفاضل أنا معايا سيتي 2010 اللي هي أقل مكانة من السيفك وصديق ليامعاه النترا 2012 فولي لودد بييجي يوصلني بيها المطار لما بكون مسافر.

أوﻻ من ناحية التسارع والعزم فالإلنترا ﻻزم الأر بي إم يبقى فوق ال 3 عشان تحس بالتسارع في حين ان عربيتي الﻷر بي إم قليل لما بيوصل معايا لل 3 أصﻻ.

الثبات فرق واضح لصالح عربيتي حتى قبل ما نوصل لل 130.
العزل فإسمح لي إني أقول الحمد لله على نعمة الهوندا. عزل مين يا راجل اللي أحلى في الإلنترا.

بإختصار
طبيب صديق ليا بيركب معايا كتير وكان دايما يقولي نفسي أركب الإلنترا الجديدة شكفها حلو وكلها زراير وأوبشنز. وأقوله دي مش حلوة على الطريق يقولي مش مهم. المهم ان شكلها رهيب.
وشاءت الأقدار إنه يركب مع صديقي اللي معاه الإلنترا. وبعدها قابلني وقالي إنت كان عندك حق. وقال كمان روحت بيها مشوار طويل مع وكان واضح فرق الثبات والهدوء اللي في عربيتك.

بعد ده كله تقولي ان الإلنترا أفضل من ااسيفيك

ولصاحب االموضوع قدامك حل من اتنين
لو الإفنترا مكفية حاجاتك يبقى خﻻص ليه تغيرها
لكن لو عايز تغيرها يبقى كلم توكيل هوندا واحجز تيست درايف وأحكم إنت بنفسك لأن اللي حلو بالنسبة ليا ممكن يبقى وحش بالنسبة لحضرتك . ومتطلباتك أكيد مختلفة عن متطلباتي.

والسﻻم ختام

**Mohamed.Ramah** · 24-06-2013 02:45 PM

اولا بما ان حضرتك منسق القسم لاحظ انى عدلت المشاركة وبعت تقرير بعد كتابتها مباشرة لانى كتبتها الساعة 2 صباحا وفى النقطة
الثالثة تحديدا انا كنت بتكلم على احساس والشعور اثناء القيادة بالطريق وطلبت تعديلها لان اختلط عليا فى الكتابة واة الاحساس بالطرق الغير مستوية متقاربين

ثانيا استهلاك الوقود انت لو قرات كلامى حتعرف انى قايل وبالارقام ان الهوندا افضل

ثالثا بالتجربة : الهيونداى النترا التسارع من 0 ل 100 فى 10.7 ثانية من 0ل 120 15.1 ثانية

- الهوندا سيفيك 0 ل 100 فى 11.3 ثانية -- من 0 ل 120 15.9 ثانية

رابعا انا كاتب العزل الداخلى عن الطريق مقولتش مين صوت موتورة اعلى ياريت تقرأ كلامى ومش كاتب فرق شاسع انا كاتب بكل موضوعية فرق بسيط

النقطة رقم 6 التحكم المقصود بيها التحكم الداخلى فى محيط السيارة من الوصول لكل شىء فى الانتريور واستخدامة

واكيد مقصدتش فى نقطتين وحناقض كلامى انى اكتب تحكم فى السيارة والمناورات فى نقطة لصالح الهوندا ودة واضح فى رقم 4 وفى رقم 6 حكتب تحكم فى السيارة افضل للالنترا مش معقول اكيد

الكراسى ناشفة فى الالنترا متفق معاك بس مش مقياس انا مقارن على عدة اشياء اخرى ودة شعور نسبى اثناء القيادة بتختلف من شخص لاخر

.... لاحظ انى كاتب افضل بنسبة بسيطة مش كاتب فرق شاسع فى كل شىء وكاتب بكل حيادية تامة وبالارقام ودة رأى الشخصى حضرتك مختلف معايا اهلا وسهلا بالاختلاف مفيش مشكلة
دة بترجع لتجربة كل شخص للسيارة مش حنجتمع كلنا على راى واحد ونكتب كلنا زى بعض ممكن شخص تانى حاسس ان المساحة اوسع نظرا لحجمة دة اختلافات ومش مكتوب هنا ان الالنترا افضل من
الهوندا فى كل شىء وياريت حضرتك تقرأ كلامى مرة ثانية حتلاقينى كاتب دة ..

**SAMEH_FOUAD** · 24-06-2013 04:20 PM

المشاركة الأصلية كتبت بواسطة mohamed.ramah

ثالثا بالتجربة : الهيونداى النترا التسارع من 0 ل 100 فى 10.7 ثانية من 0ل 120 15.1 ثانية

- الهوندا سيفيك 0 ل 100 فى 11.3 ثانية -- من 0 ل 120 15.9 ثانية

لأ طبعا الرقم دة مش صحيح السيفيك بالمحرك 1600 سى سى من صفر الى 100 فى 10.3 ثانية

رابعا انا كاتب العزل الداخلى عن الطريق مقولتش مين صوت موتورة اعلى ياريت تقرأ كلامى ومش كاتب فرق شاسع انا كاتب بكل موضوعية فرق بسيط

ماشى ياباشا هو العزل اية فى وجهة نظر حضرتك او خاص بأية ؟؟؟؟؟
وبعدين حضرتك كاتب لصالح الالنترا وهو على غير الحقيقة دة العكس وبفرق كمان للسيفيك

النقطة رقم 6 التحكم المقصود بيها التحكم الداخلى فى محيط السيارة من الوصول لكل شىء فى الانتريور واستخدامة

لو حضرتك بتتكلم على النقطة مش هتلاقى اختلاف اصلا , الكلام دة ممكن يتقال لو عربية زرايرها زيادة وكتيرة اوى ودة غير موجود فى الاتنين

الكراسى ناشفة فى الالنترا متفق معاك بس مش مقياس انا مقارن على عدة اشياء اخرى ودة شعور نسبى اثناء القيادة بتختلف من شخص لاخر

ياباشا حضرتك بتقول كراسى ناشفة يبقى ازاى عامل الراحة موجود ؟؟؟
على فكرة بس هية هيونداى عاملة الكراسى ناشفة وتحس انها غير مبطنة كويس ودة لسبب انخفاض السقف جدااا, فهية مرفعة اوى الكراسى عشان تحس بالوسع اللى حضرتك بتقول علية فى الكراسى الامامية بس ليس اكثر , ودة هيبان اكتر فى الكنبة الخلفية , تحس انهم حاطين لوحش خشب ومكسى جلد بطبقة سفنج مضغوط وشكرا

.... لاحظ انى كاتب افضل بنسبة بسيطة مش كاتب فرق شاسع فى كل شىء وكاتب بكل حيادية تامة وبالارقام ودة رأى الشخصى حضرتك مختلف معايا اهلا وسهلا بالاختلاف مفيش مشكلة
دة بترجع لتجربة كل شخص للسيارة مش حنجتمع كلنا على راى واحد ونكتب كلنا زى بعض ممكن شخص تانى حاسس ان المساحة اوسع نظرا لحجمة دة اختلافات ومش مكتوب هنا ان الالنترا افضل من
الهوندا فى كل شىء وياريت حضرتك تقرأ كلامى مرة ثانية حتلاقينى كاتب دة ..

ياباشا ماشى كل واحد لية رأى بس الحاجات اللى حضرتك بتتكلم فيها غير موجودة على ارض الواقع
يعنى انا الصراحة اول مرة اشوف فى حياتى سيفيك بتجيب من صفر الى 100 فى 11.3 ثوانى دية تاريخ السيفيك كلة مافيش عربية كدة الا بقى السبعينات واوئل الثمانينات