عايزن حد يمتلك او اجر او جرب او سمع من حد جرب او شاف او مشافش
تهم حاجه عايز معلومات ههههههههه
عن العربيه دى ماتور 2000 سىس اربعه سلندر
مزنوق فى معلومات
عايزن حد يمتلك او اجر او جرب او سمع من حد جرب او شاف او مشافش
تهم حاجه عايز معلومات ههههههههه
عن العربيه دى ماتور 2000 سىس اربعه سلندر
مزنوق فى معلومات
العربية فوق الممتازة في السواقة والراحة والثبات, بس فشلت فشل زريع في مصر عشان ديزيل..
تخيل بتقف في صف العربيات النقل واللوري عشان تفول سولار, والناس تبص للي راكبها أيه اللي داخل شمال مع النقل دا.
المشكلة مش في أنها تقف معاهم وتتزنق ما بينهم, المشكلة إن الديزيل عندنا هنا مش نضيف زي بتاع أوروبا
ودا عمل مشاكل كتير مع الموتور..
حبيبى انا متشكر ان لقيت حد يرد عليا
انا بتكلم على البنزين مش الديزل يا باشا
لو ليك تجربه اتمنى اسمعها بتفصيل
أنا معايا العربية وكمان sw لكن داخل من الموبايل أول ما أفتح من الجهاز هاكتبلك معلومات كاملة إن شاء الله
حسام بيه فى انتظارك ياكبير عايز تفاصيل ممله
يا قوم نرجو الافاده
معاه والد صاحبي , بيشكر فيها اوي
قل لي انت عايز ايه بظبط و اسألهولك
عايز تجربه عيوب مميزات حاله حيه
حد ركب و قابل مشاكل
حاله حيه متلاقيش غير الاستاذ حسام
حاله ميته ممكن تلاقي كتيير
بحكم اني بشوفها عند ميكانيكي البيجو بتاعي
عربيه ممتازه مفيهاش عيوب ملحوظه
يعيبها ارتفاعها منخفض عن الارض
وطلعتها بطيئه سيكه ونص
لاكن عربيه ثبات ولا اروع قويه جدا دقه توجيه عاليه تكييف محترم
نظام صوت عال العال
ايرباجز
استهلاك بنزين معقول جدا
عربيه محترمه
لو ركبت 406 هيه اكتر رشاقه منها فقط
كتر خيرك يا كبير فى انتظار حسام بيه
أنا أسف علي التأخير لظروف خارجه عن إرادتي
نبدأ بالكماليات
طبعا العربيه بتنزل بكماليات كتير كل يوم بتحببك في العربيه أكتر
الزجاج كهربا أوتوماتيك لجميع النوافذ طلوع و نزول و الباور(كهربي ميكانيكي ) و التكييف ثلاثي المناطق (أمامي أتنين و خلفي واحده) و له أكتر من وضع و تاتش
راديو سي دي (فيه موديلات ببلوتوث و تليفون)
طارة دركسيون من الجلد (رباعية خياطه و دي الموديلات الأوروبيه بتبقي رباعيه بخياطه ) ثلاثيه في مصر
مالتي فانكشن
مثبت سرعه
عدادات بإطار نيكل كروم و بها عداد حرارة زيت
شاشة عدادات بها (بيان مثبت السرعه و تشيك للوظائف و عداد رحلات و كيلومتر العربيه و ضغط الإطارات)
شاشة بيانات التكييف و درجة الحراره الخارجيه و بيان الأعطال (كمبيوتر الأعطال ممتاز جدا بيحدد العطل بدقه عاليه)
درج التابلوه ملحق به مبرد
الكاسيت و النظام الصوتي ممتازين جدا و العربيه بتنزل بسي دي تشانجر في بعض الموديلات
طبعا بتنزل بـabs ,ebd ,esp
و 11 أو 10 أو 9 إيرباج
مرايات تعيتم و مرايات جانبيه قابله للطي كهربا و التعديل كهربا
العربيه تنزل جنط 16 و 17
بتنزل مصر ديزل تيربو 1600 مانيوال (مشاكله تنحصر في ردائة الديزل المصري )
و بتنزل 2000 سي سي بنزين أوتوماتيك 4 سرعات ستيب ترونك مع وضع رياضي و وضع تزحلق
دي الكماليات اللي أنا فاكرها
نيجي للتقيم
من حيث التصميم الخارجي فهي سابقه زمانها بيجي 10 سنين و في وجهة نظري هي أجمل سيارات فئتها
داخليا فخمة جدا جدا و واسعه بشكل ملحوظ (في فئه السيارات العائليه الكبيره)
مرتبه جدا من الداخل جميع الخامات جلد أو قطيفه أو نيكل كروم (خاماتها ما بتتأثرش بالإستخدام)
المقاعد مريحه جدا و أماكن التخزين كتيره و واسعه بالخلف فيه مخدع و بداخله خزنه و مكان للأكواب و الكنسول الأمامي واسع
الرؤيه الداخليه ممتازه و مفيش مشاكل معاها و الزوايا الميته قليله
نيجي للأداء
الموتور الـ2000 سي سي في الأر بي أم تحت 2000 موتور عادي صوته مش مسموع و هادي و أقتصادي في البنزين جدا بين 2000 :3000 عزم جيد و أستجابة ممتازه مع الإحتفاظ بهدوئه
لكن لو دوست عليه و فتح العربيه بتتحول بمعني كلمة بتتحول أداء رياضي بحت و موتور قوي جدا و عصبي و بيحقق تسارع ممتاز بالنسبه لوزن العربيه
الفتيس نقلاته سلسه و الحمد لله مفيهوش مشاكل تذكر و في الوضع الرياضي بيحول العربيه لغول و طبعا في المانيوال بتاخد أداء أحلي لو إنت حافظ العربيه
العفشه عامله أحلي شغل مع العربيه و العربيه بتنزل بعفشة Double wishbone suspension و دي مقصات مزدوجه علي كل عجله بتدي راحه رهيبه و مبتحسش بأي مطب و طبعا في الثبات دبابه
و في التحميل مبتهبطش مهما حصل
شنطة العربيه ممكن الواحد يجيب بطانيه و ينام فيها
تقييم العربيه في المجمل
العربيه ثابته ثبات خرافي و التوجيه في منتهي الدقة و عن نفسي مبحسش بالسرعه و بسرح منعزله عن العالم الخارجي
الموتور قوي و مكفي العربيه
الشكل فوق الممتاز
عربيه فرنساوي و بها أجزاء كتير ألماني
و أخيراً الحمد لله معنديش أي مشاكل مع العربيه
قطع غيار السيرفيس أرخص من عربيتي الماتريكس مع فارق التكنولوجي و الفخامه و الأداء و طول عمر قطعة الغيار
قطع الغيار في التوفيقيه و شارع دمشق و الحرفيين
و للعلم العربيه دي كانت أغلي من البي أمات و بتمن مرسيدس في فئتها لكن حظها إنها وقعت في شعب فتاي طلع عليها إشاعات و توكيل معندوش أي من مبادئ التسويق و المبيعات و مع ذلك بايعه كتير و موجوده
علي فكره سعر الـsw بتاعتي كان 544 ألف و بالطلب و عربيتي علشان تدخل مصر قربت من 600 الف
عربيتي بقي مختلفه في البانوراما و باب الشنطه المذدوج (بيفتح زجاج و بيفتح بالكامل) و حبة حاجات تانيه
العربيه تحفه لو بتفكر فيها
لو محتاج تسأل عن أي حاجه تانيه ده رقم تليفوني
01111987557 علشان أكيد أنا ناسي حاجات كتير
وعندك ورا العفشة قايمة علي نظام Multi-link ودي أفضل وأريح حاجة في نظام التعليق الخلفي,اقتباس:
العفشه عامله أحلي شغل مع العربيه و العربيه بتنزل بعفشة Double wishbone suspension و دي مقصات مزدوجه علي كل عجله بتدي راحه رهيبه و مبتحسش بأي مطب و طبعا في الثبات دبابه
مش زي باقي العربيات الأوروبي torsion-beam ولا زي الكوري والكلام دا.
Peugeot 407 Multi-link Design
http://www.nilemotors.net/Nile/image.../wol_error.gifهذه الصورة تم اعادة تحجيمها . الحجم الافتراضي لها هو 1600x1131.http://pictures.topspeed.com/IMG/cro...18_1600x0w.jpg
http://www.nilemotors.net/Nile/image.../wol_error.gifهذه الصورة تم اعادة تحجيمها . الحجم الافتراضي لها هو 1600x1131.http://pictures.topspeed.com/IMG/cro...28_1600x0w.jpg
بصراحة بيجو أبدعت في ال 407.
شكراً علي الإضافه
و فعلا العفشه الخلفيه السبب الأول بعد الوزن في تحقيق ثبات خرافي للعربيه دي
و بمناسبة الثبات العربيه دي ما بتملش في الملفات بتحس إنك داخل الملف بعربيه صلبة جداً بتلف الملف و الركاب ما بيحسوش بالقصور الذاتي مع إن عفشتها مشهود لها بالنعومه الفائقه
الظاهر إن فيه حد كلمك علي شاشة الصالون :10D5C8w1107:
علي العموم شاشة الصالون بتبوظ من الشمس و إن حد يمسحها بملمع تابلوه أو مياه
لازم بقطعة قماش نظيفة و جافة و كده كده كل مشكلتها إنها لما بتبوظ بتغمق الألوان شويه في الشمس و لو مشغل التكييف عمرها ما هاتغمق الألوان و أنا سألت علي الدي في دي بتاعها لاقيته هايبقي رخيص لو أشتريته من علي النت و طبعاً بيزود الصالون فخامة هاجيبه لو العربيه ما بعتهاش
لكن لو علي العيوب أو المشاكل فالحمد لله العربيه بدون عيوب أو مشاكل لأن دي فئه غير محتمل فيها العيوب
و المقصود بالعيب هنا إن يبقي فيه مشكله غير قابله للحل
لكن لو قصدك علي المشاكل فإنسي المشاكل طالما بتعمل صيانتك في الميعاد و بقطع غيار أصليه
و علي فكره العربيه مش محتاجه فني خارق للصيانة عادي اللي بيشتغل في الكوري هايستسهل الصيانة فيها
والله يا حسام بيه انتا فيدتنى
انا هتكل على الله بناء على كلامك و الله المستعان
نجيب دى فى دى منين بقا لانى عايز اجيبو بس لو جبتو هلغى شاشه دى ازاى و هى فيها وظليف التكيف و الرحلات و لا ايه
انا بسالك على شاشه دى لان العربيه الهشتريها شاشه دى فيها بايظه اصلن ههههههه
تسلمم ممكن لنك االمكان دى فى دى لانى مش لاقيه على نت
و انا فى سعوديه مش مصر يا باشا
لو تقولى دى فى دى بكام وا جيبو منين بدل مجيب شاشه لانى مش لاقيها اصلن
وهوافيك بالتفاصيل بس ادينا نبزه عن الديفيدى
طالما إنت في السعوديه يبقي مفيش غير الطلب من EBAY و ده لينك PEUGEOT 407 SAT NAV SCREEN +RADIO/CD TELEPHONE +NAV DISC- FREE POSTAGE | eBay
أنا ممكن أطلبه أو أجيبه إستيراد أنا موصي علي واحد لو مجاش هاجيبه من ebay
يا باشا كتر الف خيرك
بس هو ده يعمل عمل شاشه المحروقه دى فى كول المهام
يعني 407ديزل ولا اوكتافيا a5