عربيتي استلمتها شهر 7 2012 وموضوع صوت الفرامل ظهر في بعد 3 شهور تقريبا وعملت شكوي وقالولي محتاج تغيير صاجة المهم غيروها والصوت اختفي
وبعدها بشهر تقريبا بدا يظهر صوت صفارة مع الفرامل الامامية عملت شكوي وروحت عملوا صنفرة للتيل الامامي مكملش اسبوعين وظهر تاني عملت شكوي في نيسان وحجزوا لي
ولما كشفوا في الفرامل قالوا المشكة في التيل الامامي عشان ناشف وخامته سيئة (المهندس قالي ممكن يكون سوء تخزين علي اساس انها متخزنة تقريبا من 100 سنة)
وقالولي التيل لازم يتغير وده مش في الضمان كلمت نيسان وقلتلهم هاعمل شكوي في جهاز حماية المستهلك وهارفع قضية المهم هما لموا الدور وغيرو التيل الامامي قلتلهم ممكن يكون التيل اثر كمان عالي الطنابير المهم غيروا الطنابير كمان والصوت اختفي والحمد لله

من اسبوع بقي بدا يظهر صوت الفرامل الخلفي تاني بسيط وكمان مع بداية التحرك بحس كان في الكاوتش الامامي ماشي علي زجاج مكسور ولما بصيت عليه في كل مرة مفيش زجاج ولا حاجة
وكمان في الملفات وانا مهدي بدا يطلع صوت بسيط كان كاوتشة بتحك في حديد

انا مستني شوية لما اتاكد انها مشاكل فعلية وهارجع اعمل شكوي تاني