السلام عليكم انا معايا نيسان صني الشكل القديم موديل 2013 ولسه عامل صيانة الالف وحطيت زيت 10000 ولما شغلت التكييف العربية سحبها ضعيف وتحس انها مخنوقة ده ممكن يكون ايه وتنصحوني بايه
عرض للطباعة
السلام عليكم انا معايا نيسان صني الشكل القديم موديل 2013 ولسه عامل صيانة الالف وحطيت زيت 10000 ولما شغلت التكييف العربية سحبها ضعيف وتحس انها مخنوقة ده ممكن يكون ايه وتنصحوني بايه
ممكن يكون الزيت اللى اتحط زياده عن الطبيعي وده بيخنق العربية
طب انا اعمل ايه اشوف الزيت ازاي او اقيسه ازاي
الزيت مالهوش علاقة بالمشكلة دي, لأن علي كلامك العربية لسه جديدة لو انت لسه عامل صيانة الالف وكمان أي زيت 10.000 بتبقي لزوجته مناسبة للعربية. ومفهاش مشاكل.
بس ممكن تقولنا الكود اللي كان علبة الزيت كام او نوعة برضه.
وعشان تقيس الزيت بتفتح الكبوت وبيبقي فيه مقياس بتشده لفوق وتشوف الزيت قد ايه.!
ممكن تراجع عال الكتالوج أو تخلي حد تعرفة او ميكانيكي يوريك مقياس الزيت فين.
ولو العربية لسه جديدة كدا ومش واخد عليها, ممكن تركب واحدة تانية مع حد وتشوف أداء التكييف فيها.
لأن طبيعي لما بتشغل التكيف في يوم حر, بيحمل علي الموتور وبياخد 15 حصان منه تقريباً فأكيد هتحس أن العربية تقيلة.
لو جربت التكيف في عربية تانية زي بتاعتك لاقيت المشكلة عندك أزيد,
ساعتها ممكن تروح التوكيل يكشوفو لك علي التكييف والدينامو.
التكييف فى النيسان الصنى الشكل القديم فعلاً مؤثر على عزم السيارة و التسارع وذلك عن تجربة .. معى نيسان صنى 2010
ممكن يكون البنزين وحش ... حاول التفويلة اللي جاية تحط من بنزينة مضمونة وجرب وانشاءالله هتظبط معاك
انا كمان بحس بية صنى شكل قديم 2013
لسه موضوع السحب حاصل معايا كنت مسافر وشغلت التكييف ولقيت سحبها زي البطه البلدي بس كنت بحسب في عربيتي بس طلع المشكله في الصني عامه كده وع فكره التكيف كنت مشغله علي 2 يعني يعتبر في الطبيعي ومشكله ديه تضايق جدا فعلا وخاصه في السفر والطرق المفتوحه والحر جدا
التكيف بيحمل على الماتور جاااامد