مشكلة في السحب العربية مع التكييف

**a7med7mdy** · 23-06-2013 02:23 AM

السلام عليكم انا معايا نيسان صني الشكل القديم موديل 2013 ولسه عامل صيانة الالف وحطيت زيت 10000 ولما شغلت التكييف العربية سحبها ضعيف وتحس انها مخنوقة ده ممكن يكون ايه وتنصحوني بايه

**D.Tarek** · 23-06-2013 02:44 AM

ممكن يكون الزيت اللى اتحط زياده عن الطبيعي وده بيخنق العربية

**a7med7mdy** · 23-06-2013 02:51 AM

طب انا اعمل ايه اشوف الزيت ازاي او اقيسه ازاي

**Ahmed Amin** · 23-06-2013 03:15 AM

الزيت مالهوش علاقة بالمشكلة دي, لأن علي كلامك العربية لسه جديدة لو انت لسه عامل صيانة الالف وكمان أي زيت 10.000 بتبقي لزوجته مناسبة للعربية. ومفهاش مشاكل.
بس ممكن تقولنا الكود اللي كان علبة الزيت كام او نوعة برضه.

وعشان تقيس الزيت بتفتح الكبوت وبيبقي فيه مقياس بتشده لفوق وتشوف الزيت قد ايه.!
ممكن تراجع عال الكتالوج أو تخلي حد تعرفة او ميكانيكي يوريك مقياس الزيت فين.

ولو العربية لسه جديدة كدا ومش واخد عليها, ممكن تركب واحدة تانية مع حد وتشوف أداء التكييف فيها.
لأن طبيعي لما بتشغل التكيف في يوم حر, بيحمل علي الموتور وبياخد 15 حصان منه تقريباً فأكيد هتحس أن العربية تقيلة.

لو جربت التكيف في عربية تانية زي بتاعتك لاقيت المشكلة عندك أزيد,
ساعتها ممكن تروح التوكيل يكشوفو لك علي التكييف والدينامو.

**خالد عادل** · 23-06-2013 12:29 PM

ممكن يكون البنزين وحش ... حاول التفويلة اللي جاية تحط من بنزينة مضمونة وجرب وانشاءالله هتظبط معاك

**مانويل مايكل** · 23-06-2013 04:52 PM

انا كمان بحس بية صنى شكل قديم 2013

**jojojojo** · 23-06-2013 09:11 PM

لسه موضوع السحب حاصل معايا كنت مسافر وشغلت التكييف ولقيت سحبها زي البطه البلدي بس كنت بحسب في عربيتي بس طلع المشكله في الصني عامه كده وع فكره التكيف كنت مشغله علي 2 يعني يعتبر في الطبيعي ومشكله ديه تضايق جدا فعلا وخاصه في السفر والطرق المفتوحه والحر جدا