انا معرفش مستوي جودة الزيت دا, دا بيبان علي PP2000 ولا أيه ؟
أن يوم ما غيرت الزيت بس زي ما قلت لك خليته يوريني الضغوط علي PP2000 وكانت في الرينج الطبيعي والمعقول,
ايون وليه رينج جوده
وكروتني يومها زود ال ٤ لتر مرة واحدة من غير ما يقيس, ودا ضايقني بس ارتحت بعدها شوية لما لاقيت الضغوط مظبوطة
الضغط المضبوط بيكون 3 علي ال D
وحط لي زيت ماركة swag وقالي دا زي وأخو الأصلي, وحاسبني علي سعر الزيت الأصلي,, ربنا يسامحه بقي,,
عشان كدا انا هغير الزيت قريب تاني,,
متغيرش غير في اطار حل شامل عموما ال SWAG مش وحش حيفرق انه عمره اقل فقط
انت لما غيرت الكولر كان أيه السبب, وغيرته بكام إستيراد,
وهل الاستيراد كويس ولا ممكن يكون فيه وحش وأجيب جديد أحسن.؟
فجاه كده لقيت القربه عمله طحينه اتخضيت غيرته تقريبا في حدود 500 جنيه بس فكيت الردياتير وغسلته كمان والاستيراد كويس
وانا فعلا محتاج أغير مياة الرادياتير لانها لسه بتاعت العربية ومتغيرتش, وكنت بفكر أجيب ACDelco
تعرف كويسة ولا أحط بتاعت تويوتا.؟ لأن فيه فرق ما بينهم.
تيوتا انا مجربها بقالي 4 سنين دلوقتي مخيبتش معايا في كذا عربيه بتضبط الحراره جامد التجربه في اوبترا و 406 و A4
وانا زيك من ٢٠١٠ شغال علي زيت شيل الترا, ودلوقتي بفكر اغير لوولف أو زادو لانه بقاله فترة بحسه بيبخر.
مفكرتش تجرب حاجة من الجديد, ؟
حطيت ليكولي وذي الزفت وعمره قليل فالفولين حلو وخصوصا في الشتاء 5W-30 وكذلك كاسترول
شوف مشاركتي في الموضوع دا, ورد أستاذ كريم بالزيوت اللي جربها,,
http://www.nilemotors.net/Nile/375062-a.html