الحمد لله رب العالمين والصلاة والسلام علي اشرف المسلين
ربنا يشفي ابني اولا هو واطفال المسلمين
كنت عايز رايكم ازاي ابدأ اشتغل في سوق العقارات من بناء وغيره
ازاي بتكون الخطوه الاولي
عرض للطباعة
الحمد لله رب العالمين والصلاة والسلام علي اشرف المسلين
ربنا يشفي ابني اولا هو واطفال المسلمين
كنت عايز رايكم ازاي ابدأ اشتغل في سوق العقارات من بناء وغيره
ازاي بتكون الخطوه الاولي
رائى الشخصى
اولا : تحدد المكان اللى انت عاوز تستثمر فيه وتشوف مستقبل المكان ده ايه حاليا وبعد كده.
ثانياً : تبدأ تعرف رينج الاسعار فى المكان (سعر الاراضى - سعر المبانى - سعر الشقق ايجار وتمليك - تكلفة البناء - ..........)
ثالثاً : تبدأ تدور على ارض صالحة للبناء وتتأكد من اوراقها انها سليمة
رابعا : تبدأ البناء ثم التشطيب
الاهم من ده كله صلاة الاستخارة فى كل عملية من دول علشان ربنا يباركلك فيها
ربنا يعينك ويقويك
تفهمه
سوق العقارات ازاي يعني ؟؟
سمسره ووساطه ؟؟
ولا مقاولات ؟؟
ولا تبني وتبيع ؟؟؟
طيب انت عارف المواضيع دي ؟؟
اشتغلت فيها قبل كده ؟؟ ليك في الاسمنت والحديد والعمال والجو ده ؟؟؟
عموما يفضل فعلا انك تشتغل في مناطق معينه او منطقه معينه
هتشوف الاراضي المتاحه
وتتأكد انها متسجله باسم اللي بيبيعها لو المنطقه ليها جهاز (زي 6 اكتوبر مثلا)
والبناء يا اما مقاول واحد يمسكها
يا اما انت تكلم مقاول للحفر ومقاول مسلح (مثلا يعني) لو ليك في المجال
هي في الأول ممكن تكون مقرفه شويه, بس انت ودماغك يعني لو ليك في الشغل ده ان شاء الله الأمور هتمشي
بسم الله الرحمن الرحيم
طبعا انت المفروض يكون معاك راس مال كبير على الأقل يغطى تمن الأرض
وجزء بسيط للبناء وبعد كده
اى حد هيجى ياخد شقه اثناء وانت بتبنى بتاخد منه دفعات بتستغلها فى بناء العماره
وبعدين هتروح لمكتب هندسى او اى مهندس معمارى ومهندس مدنى يصمموا ليك المبنى ويمشوا فى اجراءات اصدار الترخيص ويحسبلك كمان تكلفة تقديريه للمبنى بالكامل
بعد كده بالنبه للبناء عندك 3 طرق
1- انك تجيب مقاول وتجيب مهندس اشراف يشرف على المبنى ووظيفته انه هيستلم بس النجاره والحديد وده بياخد نسبه من 1 الى 2 فى الميه من قيمة الاعمال او رقم معين حسب عدد ادوار المبنى
وهو رقم مش كبير
2- انك تجيب مهندس يكون واقف معاك طول فترة بناء المبنى وممكن تتفق معاه على مرتب شهرى
3 انك تجيب مكتب هندسى يقوم لك بتنفيذ المبنى وياخد نسبة ربح تقدر من 10 الى 20 فى المائه
وطبعا هيسلمك المبنى وهوه هيكون مسئول عن المقاول وعن شراء المواد حديد - اسمنت - زلط - رمل وخلافه
طبعا متحاولش تسترخص لان كده كده عملية الاستثمار العقارى مربحه بس لما تكون جايب حد ثقه وعارف اصول الشغلانه يبقى ده ثقة ليك.
وبالتوفيق
انا عندى قرايبى شغالين فى المجال ده من سنين هقولك من قعدتى معاهم مبادىء الموضوع اولا الموضوع ده محتاج خبرة ومحتاج راس مال ومحتاج علاقات او بمعنى بتعرف تتعامل مع اجهزة الدولة ثانيا صعب حد يبدا لواحدة الموضوع فى البداية بتكون بشراكة مع ناس شغالة فى المجال ده اولا الموضوع مرهق ومحتاج وقت فالشراكة بتساعد على تقسيم الوقت بينهم وكذلك الجهد غير كده وفير راس مال كبير لان انت بتكون بتينى عمارة مثلا وبتدور على قطعة ارض لقطة لحد العمارة ماتخلص ممكن تكون بعت الارض دى واشريت غيرها اكتر من مرة يعنى فلوس كتير دايرة فى السوق المشكلة ان ربنا يوقعك فى ناس محترمة تدخل معاهم وتتعلم المهنة معاهم غير كده ممكن بقى تدخل معاك اخوك ابن اخوك يساعدك واشتغل على مهلك اهم حاجة خلى بالك احيانا اراضى كتير بيكون عليها مشاكل خصوصا المواقع المتميزة ويامانا ناس بترمى جتتها وتقولك دا احنا معانا ورق علشان تخلص منك مصلحة وخلاص ربنا يوفقك ويصلح جالك انا بس حبيت اقولك من واقع الحكاوى اللى بسمعها