غسلت الموتور ويارتني ما عملتها
عربيتي نوبيرا 2001 مانيوال
المتور كان عليه تراب ورمله من مشوار صعب قلت اغسله
سبت العربية لما بردت خالص وجبت خرطوم المية وغسلت المتور وضغط المية كان متوسط مش شديد ولا حاجة ... وسبتها يمكن ساعتين ولا اكتر من غير ما اشغلها خالص
بعد جت شغلت العربية تمام شغاله زي الفل والر بي ام على 0.8 وثابت
بدات اتحرك بالعربية لقيتها مبرجلة خالص وبتفتف جامد جدا ومفيش اي سحب ضعيف جدا جدا لعند الر بي ام يوصل 2.5 كاني عملت كيك داون المتور صوته يرجع طبيعي والسحب يبقى طبيعي انقل على الثاني نفس الحوار والثالث والرابع زيه اما الخامس بقى عشان الر بي ام بيكون قليل اعتبر العربية مفيش سحب لو انا مغير على 80 للخامس عشان اوصل 100 انسى برحتك خالص
الحل اني اغير على 3.5 او 4 ار بي ام بس دا كارثة طبعا
مش عارف المشكلة تبقى انهو حساس اللي عمل كدا ولا فيشة من فيش الرشاشات فصلت ولا الموبينة لو ايه
ارجو الافادة