طيب الأسترا الgtc و لا الليون قولولي بقه.
عرض للطباعة
طيب الأسترا الgtc و لا الليون قولولي بقه.
الgtc لو هنقارن بينها و بين الليون هنقارن في الِشكل و السعر لان الgtc هي هي الاسترا الايزي ترونيك ال gtc الكوبيه فيها هو اللي محليها غير كده لا و سعرها oveeeeeeeeeer ليه يعني 165 الف جنيه كتير اوي يعني الليون كل اللي بيشوفها بيفتكرها كوبيه عشان الاكرة المستخبيه:D وب 150 الف يعني لو هجيب هجيب ليون برضه
و انا لو هجيب هجيب الليون برضه
ديه مسألة اذواق يا استاذ هشام .... عادي يعني
السلام عليكم..
طبعا محمد ابيزا و الباشمهندس شريف مستغربين انا كنت فين كل الوقت ده و المقارنة مشتعلة بين الاسترا و الليون.. :) :) :)
بس معلش مكنتش موجود.. مش بادخل ع النت كتير..
أولا احب اشكر الاستاذ الفاضل هشام و الاخت كتكوتاية.. :) و محمد ابيزا طبعا و اكيد الباشمهندس شريف علي حاجة مهمة قوي..
ان الناس بتتعامل باسلوب راقي و محترم.. و اللي كان قافش شوية.. لما عرف انه كان غلط.. اعتذر,,
و اللي مكانش عارف معلومة عرفها و تأكد من مصدرها.. عشان الموضوع يكون راقي و كويس..
نيجي بقي للمقارنة.. من فترة قريبة قوي وخاصة قبل معرض اوتوماك.. كنت هاختار الاسترا بدون اي نقاش ولا جدال.. عشان انا اوبلاوي صميم.. ميم.. :) و مشجع جدا لكل ما هو الماني و بيمشي علي عجلات.. :) وده نفهم منه اني باحب الفولكس فاجن جروب طبعا و منها سيات..
اللي عرفته في المعرض اوتوماك.. ان الاسترا اللي بتنزل مصر.. و للأسف.. مفيهاش غير ايه بي اس بس.... مفيس ايه بي دي.. ولا تراكشن كونترول ولا الكلام الجامد ده.. يعني من الاخر مضخوك علينا قوي هنا في مصر.. العربية متقلبة.. و سعرها عالي شوية..
يعني السعر ده هيكون مناسب ليها جدا لو كانت كاملة.. و فيها كل حاجة.. لكن هنقول ايه..؟؟
لا تعليق.. علي التوكيلات..
الليون حاليا كماليات اعلي.. و شكل شيك جدا و كل حاجة.. بس كل اللي ينقصها عن الاسترا الفتيس الاوتوماتيك.. (انا باقول كده و انا لسة مجربتش الليون المانيوال..)
لكن التجربة خير دليل..
دلوقتي و بمنتهي الحيادية.. هاقولك لو المانيوال (بتاع الليون يعني لو جربته و عجبك.. و استمتعت بيه و قررت تتغاضي عن الاوتوماتيك عشانه..) كويس بالنسبة ليك.. يبقي الليون تكسب..
عشان الامكانيات الاكتر..
لكن لو الاوتوماتيك بالنسبة ليك مهم.. بغض النظر عن الليون و المانيوال الحكاية بتاعها (اللي انا لسة مجربتوش..) يبقي الاسترا افضل ف النقطة دي..
مش هننكر ان في ناس استعمال الرجل الشمال عندها بقي مشكلة.. و ناس ضهرها بيتعب و حاجات كده.. يعني الموضوع مش متعة سواقة بس.. ولا شورت ريشيو ..
يعني من الاخر.. التجربة هي اللي هتحدد.. و الراحة النفساوية.. :) :) :)
لسه من 10 دقايق كنت بسأل نايل ستورم عليك:):)
انت فين يا زعيم الاوبل غطسان فين يا عم وحشتنا:)
احبك و انت محايد ومسالم كمان:D
شفت بقي الاسترا متشال منها كل الانظمة اللي هي موجودة في الليون الليون بقي فيها abs-ebd-tcs-esp اقول كمان ولا كفاية كده :D بالاضافة للسعر 150 الف بتاخد بيه كمالياااااااااااااااااااا اااات لا حصر لها من الابره للصاروخ:D ده عير انك بتاخد حاجة من عصارة خبرة اودي و فولكس و سيات ده غير بقي و دي اهم حاجة الفرق اللي كان موجود و مازال موجود و هيفضل موجود بين مواتير و اساسيات الفولكس و الاوبل ولا ايه الكبير كبير برضه:sifone:
معلش والله يا محمد بك..
مكنتش ف البيت الاسبوعين اللي فاتوا.. كنت بادخل ع النت تخاطيف.. و مش بالحق ارد كمان..
يعني ريد اونلي.. :) :)
اولا اشكرك على كلامك ... و هوه ده اللي المفروض يكون موجود في اسلوب الحوار
( الرقي ) ثم ( الرقي ) :sifone:
ثانيا انا هقول على تجربتي الشخصيه في سواقة الليون وهي ان المانيوال بتاعها في غاية السلاسه ماتقولش ده مانيوال ابدا ...
اولا الدبرياج بتاعها هيدروليك بيطبع بسرعه جدا جدا جدا
ثانيا الفتيس بتحركه بصباعك من كتر ما هوه ناعم
ثالثا الباور بتاعها كهرباء و جمييييييييل بشكل :laugh6:
بس طبعا في الاول و الاخر ده اسمه مانيوال يعني بتنقل !!!!! بس نقل عن نقل يفرق
معلش :driving:
اللي هيفرق معاه الموضوع بتاع المانيوال ده يبقى الليون ماتنفعهوش :wink:
اما بالنسبه ليا انا مايفرقش ابدا ادعولي ربنا يحققلي حلمي ياااااااااااااااااااااااا اارب :driving:
لأ بجد ارفع القبعه لسعاتك كتكوتاية.. :) :)
انا بس عايز اتأكد انتي واحدة مش كده..
نادرا ما بيكون في بنات بتهتم بالحاجات دي الاهتمام ده..
و طبعا حبيب هارتي.. احمد بك سامي.. ان شاء الله هانت.. كلها كام يوم و اشوفك يابو سمسم يا جامد..
شايفين بقي معايا في العصابة محترفة جديدة اهو عشان تعرفوا السياتاوية بيزيدوا و بينتشروا في المنتدي احذروا منننا بقي :d:d