حد يقولي مواصفات الليون ايه و مواصفات الأسترا الجديده الهاتشباك ايه لأني بجد محتار و أهم حاجه قوة الموتور و التوكيل.:help:
عرض للطباعة
حد يقولي مواصفات الليون ايه و مواصفات الأسترا الجديده الهاتشباك ايه لأني بجد محتار و أهم حاجه قوة الموتور و التوكيل.:help:
ككماليات الليون تتفوق و كموتور الأسترا تتفوق بس خد بالك مفيش ليون اوتوماتيك
انا بقيت بصراحة بحب جدا الليون
ابحث فى المنتدى
على فكره انا لسه امبارح مدور باسم البحث "ليون" فى اسم الموضوع بس
كان فى اكتر من مقارنه بين الاتنين
مكنتش عايز أرد نهائي بس حسيت إن الليون هتتظلم على الفاضي
و حتى لو اتظلمت مش هاكون زعلان بس أبين بعض الحقائق
الاسترا مش أقوى من الليون ولا أسرع نهائياً
الموضوع مش موضوع ١٠٢ أو ١٠٥ حصان
في عوامل كتير تانية تخلي الليون أسرع
وككماليات وعوامل أمان الليون تتفوق وبجدارة وبمراحل طويلة عن الاسترا
الليون مانوال بس والاسترا فيها الإيزي ترونيك
قطع غيار الليون أرخص من الاسترا
عملياً صيانة الليون خارج التوكيل أسهل ألف مرة من الاسترا علشان كل القطع الميكانيكيه فيها زي الجولف والسكودا A5 والأودي A4
إلى الآن ماشفتش حاجة وحشة من الوكيل لذلك مش عارف اللي بيقولوا وكيل مش كويس بيتكلموا على أي أساس هل هو أساس السمع واللا التجربة ؟!
Thanks
Eng.Sherif Shaker
مازلت مع الليون الى النهاية
الليون ليون برضه
اما الأسترا بالنسبة ليا (مش مقنعة)
بما اني عاشق الليون و هشتريها بأذن الله خد عندك كمالياتها الكتييير و امكانياتها:
1-سيات ليون
2-1600 سي سي 102 حصان\5600 د.د 148 نيوتن\3800د.د عزم نفس مواصفات الجيتا مع اداء اشد ل الليون نظرا لانها اصغر و اخف
3-الفئة هاتش باك رياضية بطابع عائلي
4-الصالون مصنع من اجود الخامات الاسبانية علي مستوي عالي من الجودة
5-مانيوال مفيش اوتوماتيك لان نسخة واحدة اللي بتنزل
6-لم تنتشر نظرا للكمية المحدودة جدااااااااا اللي نزلا منها
7- 8 ايرباج سائق و راكب امامي و الجناب
8-شاشة داخلية
9-جنوط سبور 16 و فرد 205\55
10-راديو cd
11-فتحة سقف كهربائية
12-باور ستيرينج
13-طبعا في انوار للصالون و الحاجات دي
14-فوج لايت
15-باور لوك+ريموت كنترول+نظام امان+lock+unlock
16-تكييف كليماترونيك
17-عجلة قيادة متعددة الوظائف
18-ايموبليزر
19-كاب هولدر و الحاجات دي موجودة في كلة طبعا
20-سعة الشنطة 341 لتر
21-التانك 55 لتر
عاملين حركة جامدة في الباب الوراني الاكرة بتاعته من عند ااشراعة كده تديك احساس الكوبيه و هي 5 ابواب وزن العربية 1205 كيلو و الفرامل طبعا abs\tcs\ebd و هي8 صباب و ده طبعا يوفر بنزين عن ال 16 صباب
و اي سؤال عنها اسأل انا حافظها :)
الأسترا الجديدة الهاتشباك و الgtc ا4 اير باج و الليون 2 اير باج بأمارة ان في ليون هنا في المنتدي عاملة حادثة كبيرة و 2 اير باج بس اليطلعوا(بالصور في قسم سيات في المنتدي). و علي فكرة الليون واخدة 4 نجمة في اختبار السلامة و الأسترا 5 علي euroncap.com
خش علي الموقع و بعد كده تعالي قوللي ليون أأمن من الأسترا.euroncap.com و روح لسيات و شوف الحادثه و كام اير باج طلعوا ممكن أي شركة تقول ان العربية 8 اير باج و هي 2 أنت في مصر.
ما هي موجودة في المنتدي و شوفتها و 2 بس اليطالعين. عند قسم سيات و لا انت خايف تواجه الحقيقة.
ايه مبتروضش ليه خلاص شوفتها و سدئتني علي فكرة ممكن يكون كلامك مضبوط بس بره انما الليون اللي هنا 2 اير باج. عايز تصدق صدق مش عايز و ده هو الأغلب متصدقش و روح هاتها و سيب الأسترا الأحسن منها.
متشكرين علي النصيحة
انت تقصد موضوع الباشمهندس شريف !!!!!!
اولا لو تلاحظ ان الخبطه او بمعنى اصح الحادثه كانت في الجزء الامامي عند الكبوت
فطبيعي جدا ان الايرباج الاماميه بس اللي تفتح ,, مش هيصه هيه اي خبطه هيفتحوا ال 8 ايرباج ده يبقى خراب بيوت :)
يعني ايه اللي مخليك متأكد انها 2 ايرباج بس ؟؟؟؟؟؟؟؟
انا شوفتها قبل كده وركبتها و عرفت اماكن الايرباج فيها و همه فعلا 8
2 امامين و 2 في جمب الكرسين الامامين و 4 في السقف
أي خدمة. يا ليون 8 اير باج
و بعدين طالما انت ركبتها فين ال8 اير باج اللي سعادتك بتقول عليها.
علي فكرة اللانسر 2007 مكتوب علي الدريكسون و التابلوه اير باج و أنا و أصحابي شوفنه واحدة مقلوبة و الكابوت تقريباً مش موجود و مفيش حاجة طالعة لأنه كدب في كدب
طب خلاص مالك أقفشت كده الأسترا عربية زبالة و مش ألماني كوري يا عم و لا تزعل و منزلش حاجة اسمها اير باج في أي أوبل بس متقفش كده كل واحد بيقول اللي هو شايفه صحز خلاص متقفش بقه هة ايه رأيك في السبيرانزا:original::smartass:
و الليون اصلا أسباني معلش بقه دي حقيقة يا katkootaya
مش موضوع افشت ولا مأفشتش ده كله حديد في حديد بس اديني انت مبرر عشان الايرباجات الجانبية تفتح و بتوع السقف يفتحوا و الخبطة اساسا كانت من ادام بس ال 8 يفتحوا ليه هي الايرباجات اللي في السقف مثلا تفتح ليه اذا كان السقف مجاش نحيته حاجة خالص ولا اي صدمات؟؟!!
لأن السواق مثلا مكنش رابط الحزام يعني حيطوح يمين و شمال و هي اشعرف العربيه هو رابط الحزام و لا لأ. عموما الليون عربية محترمة جدا و أنا مبقلش كده علشان أفشت هي بجد حلوه بس مظنش تبقي أحسن من الأسترا و الله أعلم لازم أدرس الأثنين.
أهم حاجه متكمنش أفشت يا ابيزا الليون أحسن يا سيدي مع ان مبيعاتها قليلة بس أحسن متزعلش بقه و فكك من الحوار كله الللللللللللللللللللييييي ييييييييييييييييووووووووو ووووووننننننننننننننننننن
قشطه عليك هاجيب ليون علشان خطرك يا سيدي من غير مأدرسهم حتي بس ممكن ادرسهم بعد ماشتري الليون.:rockon::auto::evil1:
أستاذ Hesham256
حضرتك واضح جدا انك واخد قرار الأسترا
يبقى الموضوع ده لازمته ايه ؟؟؟
المقارنة هي وسيلة لجمع أكبر كم من المعلومات عن السيارتين من أكبر عدد من الأعضاء لتتيح لصاحب المقارنة المفاضلة على نور
حضرتك على نور ...و عملت المفاضلة فعلا ...و بتناقش و بتدافع و بتهاجم وده هايضعف موضوعك
انت لازم تكون على الحياد مستقبل أكثر منك مهاجم أو مدافع
وتقبل تحياتي
الليون على فكرة :)
مأفشتش ولا حاجة يا هشام بس انا حافظ سيات اصلا وكل الموديلات عشان كده بتكلم و انا عارفهم كلهم مش اكتر انما مأفشتش ولا حاجة
عايز اوضح لحضرتك حاجه
وقت الحوادث فى العربيات المحترمه مش كل الايرباج بتطلع
يعنى لو سواق بس فى العربيه وعمل حادثه كل الايرباج تطلع ؟؟ طيب ليه هو خراب بيوت يعنى
تصليح الايرباج مكلف جدا جدا ..
كمان بيبقى فيه سنسور واعتقد انه موجود فى الليون على الكرسى جنب السواق علشان لو مفيش ثقل مناسب عليه يبقى مفيش حد موجود يبقى الايرباج مش محتاجينها يبقى مش هتتفتح يبقى مش محتاج تغير التابلوه علشان الحادثه
باقى الفنيات على باقى الايرباجز الاخوه هنا يدلوك عنها احسن منى