قال ايه سيات أحسن من Bmw علشان سبقتها مرة لأ أنت اللي بتفهم يا ابيزا ز أسأل اي حد سيات و لا أوبل قوللي قالك ايه.
عرض للطباعة
قال ايه سيات أحسن من Bmw علشان سبقتها مرة لأ أنت اللي بتفهم يا ابيزا ز أسأل اي حد سيات و لا أوبل قوللي قالك ايه.
انا قلت مش هدخل معاك في مناقشات تاني و متعدش توجهلي كلام فيه سخرية عشان ملجأش للادارة و اول خطوة ليه في منتدي الشكاوي تبقي ضدك
محتار بقى مين ياراجل
مش دى كانت اول رساله فى الموضوع وبدأت بيها التوبيك ..!!!!
واحد داخل يسأل عن الفرق بين عربيتين مش داخل علشان يمدح فى واحده ويقلل من التانيه
ياراجل دى مش داخله واحد داخل يسأل ..
دى دخله واحد شغال فى المبيعات بتاعة اوبل !!!
السيات وحشه من كل حاجه .. مفيش مشاكل .. طيب مكنتش تسأل واشترى الاوبل علطول
ملحوظه للى بيقولوا المانى برضوا وخلاص ...
مرسيدس
بى ام دبليو
مايباخ
اودى
بورشه
فولكس فاجن
اوبل ... تفتكروا فى القائمه دى مين يبقى الاخير !! مش هاقول الاول
على فكره يامحمد انا والله كنت ناوى اكتب الكلام اللى كتبته ده من امبارح
وكتبته قبل ماقرأ كلامك ...
علشان محدش يفتكر انى باعيد كلام حدا او داخل ادافع وخلاص
الموضوع من الاساس وانا مستغرب له
هجوم على ماركه لصالح ماركه تانيه وفى الاخر المفروض انها مناقشه واستفسار مش تقلليل وتهميش من عربيه بشهاده اللى مالوش فى العربيات ان امكانياتها اعلى وشكلها اشيك بمراحل
الله ينور عليك يا باشا واحد داخل يناقض نفسه و اي حاجة ترجح كفة عربية عن التانية يقولك لا 8 ايرباج لا مش 8 تصميم احلي لا مش احلي اوبشنز اعلي بكتير و تكنولوجيا رهيبة لا لا مليش فيه انجازاتها كذا و كذا ليه يعني عشان سبقت مش عارف مين مرة تبقي ايه الاستطلاع 58% و كسور لليون لا برضه مش مهم فولكس احسن و امتن من اوبل لا مش صحيح مع ان احمد علاوي نفسه معترف بالفرق ده!!!!!ليون هي تطوير اودي كموتور و فتيس لا برضه مياكلش معايا تكييف ياباني و ايه يعني!!!حاجة كده بتناقض نفسها يعني و في الاخر يقولك قارن ليون بفيكترا اذا كان الفئات مختلفة اساسا و لو قارننا برضه الليون هتكسب في الاداء لان القوة واحدة تقريبا و الحجم و الوزن اقل فتيس close ratios لا لا لا ملوش لازمه و كمان عايز مقارنة بالفيكترا طب اساسا المقارنة بينهم غلط و كمان الفيكترا هتخسر في الاداء يبقي ايه التناقض ده و الواحد عمال يشرح و يقول و يعيد و يزيد و ده داخل عايز يموت ماركة لصالح ماركة و في الاخر فشل برضه و فشل زريع كمان و بيعترض علي كل حاجة الكبيرة و الصغيرة من الاخر عايز يطلع الليون خسرانة و معني ان الليون تخسر ادام الاسترا يبقي الجولف والاودي كمان يخسروا يااااااااااه دي الاسترا دي جبارة علي كده :cuss: معلش بقي HARD LUCK الناس كلها اللي دخلت الموضوع صوتت لليون اللي هي الافضل معلش حاول مرة اخري!!
ايه جاب سيرة علاوي في الموضوع بس..؟؟ :) :) :)
انا لحد دلوقتي معلق المشاركة و التعليق علي الليون لحين التجربة.. :) :) :)
مش هاتكلم علي الكلام النظري.. لأنه واضح.. و سهل تجيبه من علي النت..
التجربة والراحة النفسية للي هيشتري العربية..
انا جربت الاسترا.. و عجبتني.. و اتبسطت بيها.. مع العلم اني مجربتهاش في الجري و اللعب..
جربتها ف السواقة العادية..
الليون لسة مجربتهاش اساسا.. ولا كده ولا كده..
يا نهار أبيض ...إيه كل ده ...ده فعلا و لا الأهلي و الزمالك ...الأهلي فاز بالدوري لا الزمالك خد أفريقيا الأول ....طب مين اللي جاب الجول :laugh6:
لو رجعنا للسؤال الأصلي ...مين أحسن كمواصفات ....في مصر الليون ....لو عايز أوتوماتيك يبقى استرا .....من الآخر الاتنين كويسين جدا و محترمين جدا ....مش مستاهلة السجال ده كله
حبايب هارتي ..ابيزا باشا و علاوي باشا و شريف باشا .....منورين كل سنة و أنتم طيبين و ألف مبروك لهشام باشا مقدما .....عندي احساس دفين انك حتجيب ليون في الأخر :innocent:
يا دكتور و انت طيب.. و ربنا يجعل ايامك كلها خير و سعادة ان شاء الله..
انت اللي دايما منورنا والله..
شكلها هتطلع كده ف الاخر.. :) :) :) :)
و هاقولكم مفاجأة الموسم.. انا حجزت عربية ليون.. :) :) :) :) :) :)
لأ دي دعابة.. بس بارد علي الدكتور هشام.. :) :)
عموما ربنا يوعدنا باي حاجة الماني تصبيرة كده لحد ما نجيب البي ام ان شاء الله :) :) :)
هو ممنوع اجيب سيرتك ولا ايه يا احمد كمان انا بستعين بيك عشان انت قلت الصح قبل كده و اللي بينه الواقع العملي مش كلام تحيز و خلاص بص انت في مشاركات الراجل ده و شوف استفذاذ واضح يكاد يكون بيكذب كل حاجة انا بقولها واحد شكله جاي من مبيعات اوبل فعلا زي ما حافظ قال يعني طب انت مقتنع بحاجة ما تجيبها و تيرح دماغك و تريحنا احنا كمان يا اخي يعني ينفع كده انا ابقي داخل عشان افيده و اقوله معلومات حسب ماهو طلب في الموضوع الاساسي و هو يدخل يعد يقول في كلام ملوش لازمه و كل ما تقوله العربية دي مثلا فيها اوبشنز كذا كذا يقولك لا طب انت مش مصدقني يعني بتكدبني و باقي الاعضا متفقين معايا يبقي بيكدب الاعضاء كلها خلاص بقي حل غن نفوخي انما ميعدش يقول كلام زي اللي انت شايفه ده و انا لحد دلوقتي مش عايز الجأ لمنتدي الشكاوي بسبب اسلوب السخرية اللي حتي مراعاش المجهود اللي عملته معاه و ممكن اعمل العكس اركبه الغلط لحد ما الادارة تاخد معاه موقف بس انت عارف ان ده مش اسلوبي عاجبك انت الكلام ده!!!!!!
يا هشام باشا النور نورك و مفيش اهلي و زمالك ولا حاجة و اللي عصبني مش انه بيفضل دي علي دي لا انه بيكدب كل كلامي و المشكلة ان كلامي صح لا و بيختبرني فولكس انشأت سنة كام!!يعني يا ريته اسلوب نقاش لا اسلوب هو كده و مفيش غير كده !! غلطت انا عشان بوضحله كل حاجة و بفهمه و قلتله كل المعلومات الممكنة عن الليون و في الاخر اطلع انا مبفهمش و كلامي غلط و اسلوبه في سخرية كمان يبقي علي ايه بقي الكلام معاه اساسا غير مجدي!!
بدون الدخول في تصعيد مستوي المناقشه من عربيتين بنسبه كبيره معروف مين الافضل - علي الاقل علشان محدش يزعل - ووصوله لمستوي مناقشات مابين جي ام و فولكس
اللي برضه معروف مين الافضل و مين اللي الشركات بتحاول تعمل موديلات علشان تواجه موديلاته و اكيد اقصد فولكس فاجن فعلي سبيل المثال :
الكل يحاول يتفوق علي الجولف و الامثله كثيره من الاسترا لهيونداي اي 30 لكيا سييد و غيرها
الاوبل انسينيا الجديده و اللي صممت لمواجهه الباسات و هكذا
من الاخر اشعر دائما ان اوبل او جي ام تقوم برد الفعل و ليس بالفعل و ايضا غالبا يتفوق الفعل علي رد الفعل علي غير المعهود
لكنها فولكس فاجن :)
المهم خلينا في الموضوع
ليون و استرا
او " جولف الرياضيه " و استرا
العربيتين متقاربتين كاداء
لكن كماليات الليون تكسب
و كشكل بصراحه كمان
كفايه ان فيها 8 ايرباجز
باختصار العربيه بتنزل بكل ما فيها مفيهاش حوارات هاف اوبشن و فل ابشن و غيره و غيره
علي فكرة بس محدش يشتم أنا أبويا جابلي الليون هدية عيد ميلادي من 3 أسابيع مع أني كنت عايز الأسترا فكنت عايز أشوف جابهالي ليه و مجبش الأسترا و بعد ما عملت الموضوع جانلي البروشور بتاع التنين عشان أقارنهم و معاك حق تكيف الليون جبار أحسن من الأسترا 2004 اللي عند أبويا لأني مبحسش بيه أساسا في المشاوير القصيرة و أنا عندي 20 سنة يعني ما بشتغلش في أوبل هي الحكاية كلها حصلت مش في أوقاتها ده قبل ده و ده بعد ده و في اللأخر فوجئت بالليون الأحسن و أنا صاحب الموضوع اللي قدامه الليون و الأسترا يبعد عن الأسترا مش عشان وحشة بس غالية علي الفاضي و أنا بشكر كل اللي ردوا عليا و أثبتولي الليون محترمة و يا علاوي الليون أفضل من الأسترا بس الأسترا هتديك أحساس بالتقل بس الليون متمسمرة علي الطريق و يا ريت متزعلش مني يا أبيزا لأني غلط في حقك و أنا بعتذر يا ريت تقبله عشان عايز أقوللك حاجة عن الليون بس لما تقبل الأعتذار.
حصل خير يا هشام
ألف ألف مبروك يا هشام باشا و اختيار موفق جدا من الوالد ....كل سنة و أنت طيب
عيب يا باشا.. أنا قولتلك حتجيب الليون ......طلعت معاك فعلا :laugh6:....
ياللا صالح التنين الاخضر و زعيم عصابة سيات محمد باشا ابيزا ....الراجل ده عمره ما بيتاخر على حد ....و هو برضه زيك كده من شباب المنتدى الصاعد :002:
الله يخليك يا Chicco باشا علي الكلام الجميل ده :):):)
\/\/\/
العفو يا جميل إنت فعلا مالي المنتدى حماس و نشاط غير اللي أنت ساعدتهم ربنا يبارك لك و يخليك للمنتدى .....أنا رأيي بقى هشام باشا عشان تقبل اعتذاره يخليك تعمل تست درايف لعربيته ....أقل حاجة بعد ما طلع معاه الليون من الأول .....أنا بهدي نفوس بس :049:
إن شاء الله تبقي من نصيبك زيي و الحاجة اللي كنت عايز أقولهالك انك ينفع تزود و تنقص السرعة من ذراع المثبت من غير متدوس بنزين و لا فرامل هية موجودة في عربيات كتير منهم عربية أبويا و الدبرياج بتاعها أنا بنسي أنه فيها دبرياج أصلا من نعومته يعني أنا اللانسر الشكل الجديد بتاعة أختي عربية لامؤاخذة الأسترا 2004 فرق 4 سنين مع اني بحس بفرق كبير مابينهم و ربنا يوعدك بس الصراحة كان فس شكوة مدايقاني في الليون صوت موتورها ووووااااااااااططططططييييي يييييييييييييييي.
و بالنسبة للتست درايف استنا لغاية مدغدغها شوية أمركة و تخميسة و بعد كده اديهالك تلعب بيها شوية و بالمناسبة لو تعرف الأسترا 2004 بتاعة أبويا بالمثبت و لا ال307 2008 .
بس بكام هو أبويا جابلي العربية ة أنا علية الصيانات مأنت عارف شغل البهات ده.
و مرضتش عليا في ال307 متعرفش و لا ايه.:stuart::biggrin24::biggrin24::biggrin24:
قوللي اللي أنت شايفه
مين أحسن لو هتركب تركب ايه أوبل استرا 2004 بالمثبت و لا 307 2008
انا مركبش بيجو خالص اساسا اولا صيانتها صعبة و مش اي حد بيشتغل فيها و معقدة و قطع غيارها غاااااااااااااااااااااااا ااااااااااااااااااااااااا ااااااااااااااااااااااالي ة جدااااااااااااااااااااااا ااااااااااااااااااااااااا ااااااااااااااااااااااااا اااااا يبقي علي ايه بقي اشيل همها و ابقي مخنوق بالتوكيل لا لو الاختيار بين دي و دي يبقي استرا 2004 انما لو استرا 2004و ليون 2002 يبقي ليون 2002 طبعا :sifone:
و أنا معاك بس أنا 2008 :biggrin24::biggrin24::biggrin24::biggrin24::040:: biggrin24:
طب السيتروين c4 و لا الأسترا 2004 و لا الليون 2002 .:049::sailor:
و معلش بقه يا ابيزا حبيبي مضطر أقفل دلوقتي عشان أصحابي مستنيين تحت عايزين يسوقوا الليون بقه دول علي قلبي بيسوقوها أكتر مني. هافتح عالساعة 1 أو 1:30 .:friends::biggrin24::biggrin24::biggrin24::tt2::c oolgleamA::thumbsup::funny34d::7bteen:
انا عن نفسى اجيب الليون ووووووووووووووووووووووووو ووووش
و أنا برضه معاك. بس مظنش أنه أقوي موديل الجديده دي ال2004 جنبها و لا حاجة و مش تقوللي مبروك رشقت في تاكسي 504 أو هو اللي رشق فيه من وره الفضل لرشدي صحبي كان بيجرب الabs و أشتغل بغبه.
شكلى جيت متأخر جدا
بس واضح ان الموضوع انتهى على خير والحمد لله
الف مبروك يا هشام
بس على فكره انت لو كنت ركبت الاسترا كنت هتقول عليها احلى من الليون
العربيه وهى بتاعتك غير ما تكون بتقارنها بعربيه تانيه
العربيتين مالهومش حل طبعا
بس فى كام معلومه غلط قريتها وانا بتصفح الموضوع ده
الاسترا فيها مثبت سرعه وفتحة سقف فى اعلى فئة وايزى ترونك وكمان فى ال Gtc
بالنسبة للشكل دى ازواق بس اعتقد مفيش عربيه احلى من ال Gtc لا من بره ولا من جوه بس السعر؟؟؟؟
بالنسبة لموضوع جهاز الانذار اللى بموجات صوتيه بيحمى العربيه من الداخل
الانذار ده نازل فى الاوبل من موديلات 2000 فى الفكترا Cdx وده بيشتغل بكاميرا داخليه مش بموجات فوق صوتيه
بالنسبة للفتيس الشورت شيفت جميل جدا بس الايزى ترونك؟؟ اكيد احلى (مانيوال واتوماتك وبعزم بالمانيوال)
اكيد فى حاجات تانيه كنت عايز ارد عليها بس انا مش فاكرها
عشان ما نفتحش الموضوع تانى
العربيتين مفيش احلى من كده
ولو محتار اركب دى واركب دى واللى ترتحلها اكتر ما تفكرش دوس على طول
ده عشان لو اى حد بيقارن بين العربيتين
بس بالنسبالك انت دوست خلاص وان شاء الله هتلاقيها احلى من اى عربيه تانيه
بس متنساش اللفة بتاعتى برده :)
ميزة الليون بقي ان كل الحاجات دي فيها و ب بكام دلوقتي 142 الف في التوكيل بمناسبة رمضان:):):) الاسترا بقي تدفع كام عشان تاخدهم عموما دي حاجة و دي حاجة و ربنا يبارك لكل واحد في عربيته :)