كارينز 2014 مش عجبانى انا حر !!

**MoH.SaLaDiN** · 09-07-2013 03:28 AM

شكلها المختلف يحسسك ان فئة العربية اصلت اتغيرت من Suv الى HB بس طويلة شوية انا معتقدش ان عربيات الكيا الجديدة حتحقق انتشار زى الموديلات الاقدم بالرغم من انى لسه شارى ريو جديدة ومع انها ارخصهم الا انها لسه مانتشرتش وده مش من مصلحة المشترى

**esam_ayad** · 05-08-2013 12:01 AM

أنا شايف ان في هجوم زايد علي العربيه.
مع ان اختها السبورتاج غاليه جدا ونفس الماتور.
وفي ناس تانيه تقول اشتري البيجو 3008 أحسن منها ,طب ما البيجو المفروض انها تقريبا من 2009 وماشفتش منها في مصر الا نادراً.
الشكل ده أذواق وفي ناس عاجباها وفي ناس مش عاجباها لكن العربيه متغيره تماما في كل حاجه عن القديمه وتستاهل الزياده.

**Mohab.Nabil** · 06-08-2013 01:46 AM

المشاركة الأصلية كتبت بواسطة esam_ayad

وفي ناس تانيه تقول اشتري البيجو 3008 أحسن منها ,طب ما البيجو المفروض انها تقريبا من 2009 وماشفتش منها في مصر الا نادراً.

يا باشا الكارينز الجديدة لا تقارن بالـ 3008 بصراحة .. ديه حاجة و ديه حاجة تانية خالص

و اركب الاتنين كده ورا بعض هتحس بالفرق لوحدك على طول

**esam_ayad** · 06-08-2013 06:40 PM

المشاركة الأصلية كتبت بواسطة mohab.nabil

يا باشا الكارينز الجديدة لا تقارن بالـ 3008 بصراحة .. ديه حاجة و ديه حاجة تانية خالص

و اركب الاتنين كده ورا بعض هتحس بالفرق لوحدك على طول

كلامك تمام ياباشا وصح,البيجو مختلفه عن الكيا.
بس لما أكون محتاج للعربيه قطع غيار مش هالاقيها بسهوله والتوكيل كمان(-علي الأقل هنا في الكويت-وتقريبا مصر كمان) مش موفر كل قطع غيارها ولازم تستني فتره لحد مايعملو طلبيه لقطع الغيار المطلوبه علي عكس الكيا اللي قطع غيارها في كل مكان.
وعندي سؤال لحضرتك إنت ايه اللي خلاك تحس بالفرق الجامد اللي انت بتتكلم عليه ده؟ أنا بصراحه ماركبتش الـ3008 علشان أقدر أحكم عليها.

**Mohab.Nabil** · 09-08-2013 04:11 AM

المشاركة الأصلية كتبت بواسطة esam_ayad

كلامك تمام ياباشا وصح,البيجو مختلفه عن الكيا.
بس لما أكون محتاج للعربيه قطع غيار مش هالاقيها بسهوله والتوكيل كمان(-علي الأقل هنا في الكويت-وتقريبا مصر كمان) مش موفر كل قطع غيارها ولازم تستني فتره لحد مايعملو طلبيه لقطع الغيار المطلوبه علي عكس الكيا اللي قطع غيارها في كل مكان.
وعندي سؤال لحضرتك إنت ايه اللي خلاك تحس بالفرق الجامد اللي انت بتتكلم عليه ده؟ أنا بصراحه ماركبتش الـ3008 علشان أقدر أحكم عليها.

فى مصر كده كده هتتعامل مع التوكيل لأن الكيا هنا ضمانها 5 سنين .. فسعر قطع الغيار هيبقى تقريبا زى بعضه خصوصا ان اجيال هيونداى و كيا الجديدة قطع غيارهم الاصلية غالية مش رخيصة ..

فى الكويت معرفش الوضع بصراحة

لما تركب يا باشا هتحس بالفرق صدقنى .. اصل دا فرق خبرة و دقة و خامات و حاجات كتير اوى .. هو نفس الاحساس لما تشترى اى حاجة و تلاقى مكتوب عليها made in EU شوف بتبقى مرتاح ازاى و انت بتشتريها عشان ثقتك ان الصناعة ديه محترمة