السلام عليكم ورحمة الله وبركاته انا حبيت ازف ليكم البشرى الحلوة دى
انا كنت النهاردة فى المكس باكل عند زفير بتاع السمك وبالمناسبة هو مطعم اسماك جميل فى اسكندرية انصح اى حد بيه المهم منطقة المكس للى ميعرفهاش هى جنب الدخيلة اللى فيها الميناء المهم وانا قاعد شوفت مقطورات كتير محملة عربيات جديدة جاية من الميناء وطبعا شوفت عروسة بيجو الجديدة 301 متحملة على المقطورات دى
اعتقد هى دى الشحنة اللى اتكلموا عليها وقالوا جاية يوم 20 يونيو طبعا الوان العربية كلها جميلة ماشاء الله انا شفت البترولى جامد اوى وكمان الموكا اللى موجود فى البرشور شبه بتاع الريو كده برده جميل وكان فيه اسود وشامبين الصراحة الشامبين فى الاليزيه احلى بكتير واخيرا مبروك للناس اللى حتستلم ربنا يديكوا خيرها ويكفيكوا شرها و شر الاوفر برايس صراحة انا كان نفسى فيها او الاليزيه بس بعد موضوع الاوفر برايس ده والتأخير غالبا ناوى ان شاء الله على الريو هاى لاين طبعا ان عارف ان الاوروبى افضل من الكورى ولكن كماليات الهاى لاين تخليك متفكرش كتير فى الموضوع ده اتمنى العربية تنجح وتنتشر وبالتوفيق للجميع ماتنسوناش فى الدعاء بقة لما تستلموا ان شاء الله