بنت الباشا بتبلطج فى الشارع بعصا كهربائيه ممنوعه قانونا

السلام عليكم ورحمة الله وبركاته
النهارده شفت فيديو على موقوع youtube حاجه فى منتهى قلة الادب والقذاره والسفاله
وطبعا مش هاقدر احطلكو اللينك بتاعو عشان مليان الفاظ قذره
الفيديو مش جايب القصه من اولها
بس الموضوع ان شاب وبنت كل واحد بعربيته فى شارع فيصل بالنهار
والبنت تقريبا خبطتله عربيتو وبتقول انها اديتلو فلوس عشان يصلحها قام شتمها وبلطج عليها
الله اعلم اذا كان الكلام ده حصل ولا لأ عشان الصراحه البنت شكلها صايعه ومش هاممها حاجه وعماله تشتم والواد شكله محترم
قامت مطلعه العصا الكهربائيه دى وبتهدده قدام كل الناس عادى كدا وبتقوله يلا اركب عربيتك وامشى
المهم الموضوع كبر وقالتله انا واقفالك مش هامشى وانت كمان لو راجل و ....... خليك واقف
قامت مطلعه موبايلها وبتكلم واحد وبتقوله ابعتلى ظابط دلوقتى على شارع فيصل عشان واحد ..... خبطته واديته فلوس ومش عاجبه وقامت قايله للشاب على فكره ده ابويا وعميد فى مديرية امن الجيزه وهييجى يطلع ......... وكمية شتايم مهوله حتى انها ( استغفر الله العظيم ) سبته بربه
كل ده ادام الناس عادى جدا وكله واقف يتفرج فى شارع فيصل فى عز الظهر
الصراحه الفيديو ده استفزنى جدا ومش عارف بجد امتى هاتنتهى الحاجات دى

ايه دا :|

فين الفيديو :|

انا مش عارف اذا كان مسموح انى احط لينك لفيديو زى دا ولا لأ

يعني لو مفيهوش كلام او مناظر خارجه حطه :)

مفيش مناظر خارجه
بس زى ما انا حاكى فيه الفاظ وشتائم
عموما انا ممكن ابعت اللينك لاى حد عايزه فى رساله عالخاص

يا حضرات..
الفيديو موجود عند وائل عباس في الوعي المصري ...و لا انصح بالفرجة عليه .. لانها بنت سافلة .. و هي لم تسب الدين .. دي سبت لله عز وجل بذاته الالهية ( و نعوذ بالله من غضبه ) .. و لا ادري كيف ستتحمل هذه الحيوانة غضب الله عز وجل عليها ان لم تتب ..
ما المني فعلا ووجع لي قلبي : الفرجة السلبية للشعب المصري... :(
اعوذ بالله من الذل و الهوان .. و الخنوع و موت الضمير .. و من ذهاب المروءة و ضياع الكرامة ..
و ربنا يطلعنا منها علي خير ....

اووووووف :|

شفته و ياريتني ما شفته والله عنيا دمعت من الشتيمه التانيه دي

حلال فيها القتل

العبرة على اللى خلاها تتمكن ... !!!

من أول أبوها اللى معرفش يربيها ... لحد النظام الفاسد اللى بيخلى عميد فى الشرطة يفرض هيمنته و سيطرته على خلق الله و يفترى عليهم.

لا حول ولا قوة الا بالله

و قال ايه الستات جنس لطيف هي اصلا صايعة و الواد شكله محترم و مش عايز يرد عليها

معرفش ازاي هتستحمل غضب ربنا عليها

بجد حرام واحدة زى دى تعيش أصلا

لو الحكومة متاخدتش موقف في الموضوع اللي هينتشر إعلامياَ بكرة بالكتير .. و البنت دي هتبقي عالتليفون مع مني الشاذلي او معتز الدمرداش

أعتقد الناس مش هتسيبها في حالها و تقعد في بيتها فعلا !

ربنا يخلنا الموبايل اللى كاشف كل حاجه

كشف تعذيب الظباط ولسه هيكشف حاجات كتير

بجدحسبى الله ونعم الوكيل فى البنت

ربنا لا تؤاخذنا بما فعل السفهاء منّا

اقتباس:

---

المشاركة الأصلية كتبت بواسطة PRO-DRIVE

اووووووف :|

شفته و ياريتني ما شفته والله عنيا دمعت من الشتيمه التانيه دي

حلال فيها القتل

---

لسه شايفه .... يخرب بيت القرف .... دى إتمكنت قوى و واثقة من نفسها جداً ..... و لما الهانم دورت على شتيمة أفظع و أفظع من اللى إتقالت لها .. وصلت لدرجة الكفر .... ربنا ياخد كل اللى وصلك للدرجة دى و ياخدك إنتى كمان يا مقرفة.

إسمحولى أنا بعد ما كنت ناسى و بضحك على نفسى و إفتكرت تانى ... أنا هبدأ إجراءات السفر فى أقرب فرصة بعد إستشارة الوالد ... هو مش سفر ... هو هجرة تماماً من البلد دى و يا رب صبرنى الكام سنة اللى فاضلين فى الكلية دول ... و ربنا يوفقنى فى أى حتة بره المخروبة ... :(

ربنا المنتقم

أنا مشفتش الفيديو للأسف
بس تخيلته
وسبب تخيلي أن كل لحظه بنشوف التطاول من أهالي الرتب ولا حول ولاقوة إلا بالله
:اننا مش بشر وكأنهم ناس من عالم تاني أسياد

ربنا ينتقم منهم وخصوصا ذوي النفوذ الي بيستغلوها في ذل الناس وأخذ ماليس لهم

فين الفديو يا شباب , انتو عملانين تشفوة على الخاص و بس و لا اية , زى ما يكون حاجة ممنوعة و لا اية .
مهو يا تحتو الفيديو على المنتدى يا نقفل على الموضوع دة , اية الفكرة من مناقشة حاجة مشفنهاش .

اقتباس:

---

المشاركة الأصلية كتبت بواسطة wawoo

فين الفديو يا شباب , انتو عملانين تشفوة على الخاص و بس و لا اية , زى ما يكون حاجة ممنوعة و لا اية .
مهو يا تحتو الفيديو على المنتدى يا نقفل على الموضوع دة , اية الفكرة من مناقشة حاجة مشفنهاش .

---

الفيديو للأسف مينفعش يتحط لأنه فيه ألفاظ منافية للذوق العام.

لكن ممكن توصله من خلال موقع الوعى المصرى لوائل عباسى ... بس تحذير: الفيديو فيه ألفاظ خارجة كتير ممكن تضايق البعض .. لو هتتأذى من سماعها بلاش أحسن.

موقع الوعى المصرى : الوعي المصري

الهم اهلك الظالمين بالظالمين و اخرجنا من بينهم سالمين
انتوا عايزين ايه "من شابه اباه ما ظلم"
دي متربيه في قسم ولسه ياما حنشوف

بعد كل اللي اتقال صراحة مش ناوي أشوف الفيديو ده ........حسبي الله و نعم الوكيل .....اللهم لا تؤاخذنا بما فعل السفهاء منا

اقتباس:

---

المشاركة الأصلية كتبت بواسطة Chicco

بعد كل اللي اتقال صراحة مش ناوي أشوف الفيديو ده ........حسبي الله و نعم الوكيل .....اللهم لا تؤاخذنا بما فعل السفهاء منا

---

لأ بلاش تشوفه يا دكتور ... لحسن تغير رأيك و متجيش مصر :biggrin24:

اقتباس:

---

المشاركة الأصلية كتبت بواسطة Chicco

بعد كل اللي اتقال صراحة مش ناوي أشوف الفيديو ده ........حسبي الله و نعم الوكيل .....اللهم لا تؤاخذنا بما فعل السفهاء منا

---

بالضبط كدة يا شيكو , اصل الواحد مش ناقص حرقة دم قبل رمضان ," اللهم لا تؤاخذنا بما فعل السفهاء منا "

اقتباس:

---

المشاركة الأصلية كتبت بواسطة meza

لأ بلاش تشوفه يا دكتور ... لحسن تغير رأيك و متجيش مصر :biggrin24:

---

اقتباس:

---

المشاركة الأصلية كتبت بواسطة wawoo

بالضبط كدة يا شيكو , اصل الواحد مش ناقص حرقة دم قبل رمضان ," اللهم لا تؤاخذنا بما فعل السفهاء منا "

---

جاي إن شاء الله يا meza باشا .....بس ححاول ما أسوقش خالص
wawoo باشا ...هي الحكاية مش ناقصة ذنوب ......و اللي في الفيديو أتوصف خلاص...... ربنا يرحمنا برحمته

الواد مش مؤدب ولا حاجة دة وقفلها فى الشارع ومش عايز يمشى وشتمها كمان ، بس طبعا مش مبرر يعنى.

الفيديو أهو *******************

================
تم حذف اللينك لمخالفه محتواه لقواعد المنتدي

الاشراف.

للعلم هذه الفتاة ليست بنت باشا ولا أي شيء و هذا من مصدر موثوق منه..

و طالما قلبكم على مصر كدا يبقى تقدمو ببلاغ بنمرة السيارة و أرفعو عليها دعوى سب الذات الإلهية " ولا هو كان حلو بس لما ناس رفعتها على سعد الدين إبراهيم؟"

لا تعليق عشان منفجرش...

عظيمة يا صفط...يا أرض اللبن...يا مهد الزبادي...وقوالب الجبن

مع اعتذاري لصاحب التوقيع

هو الفيديو مقصوص باحتراف بحيث كلنا نبقى ضد البنت واللى يتشدد لها لكن علشان يبقى حكما صح لازم نعرف القصة كلها - ودا لا يشمل جزء إهانة الخالق جل وعلا تباركت أسماؤه وصفاته.

الملحوظة إن السيارة ملاكى اسكندرية والبت بتدعى إن أبوها فى أمن الجيزة.. مش راكبة على بعضها..

واللى غاظنى برضه الناس فى الشارع وسلبيتهم وتفرجهم على القصة من باب الفضول والتطفل فقط لا غير...

هو بصراحة أبوخ حاجة في الفيديو ده إنهم أكيد هايشدوا حيلهم على السيلف ديفينس في الفترة الجاية
خصوصاً وإن واضح إن الفيديو ده هايكون مادة دسمة للإعلام في الفترة الجاية
انا مش معايا سيلف ديفينس بس كنت بافكر أشتري :)

أنا شايف أن البنت غلطانه لآنها وقفه بتشتم
ومحدش بيحاول يتدخل علشنها
معنا كدا أنها فعلا غلطانه
هو فى بنت مهما كانت أخلاقها و تربيتها تقول
ألفاظ ذى دى
وبعدين السب فى الذات الأاهيه دا فى حد ذاتو ذنب عظيم
أرحمنا يا رب

واضح فعلا ان الفيديو فى اتجاه واحد وهو ضد البنت والولد مكانش مسالم اوى بدليل انه مش عايز يمشى ومعتقدتش ان ابوها يكون حاجة مهمة !!! وملاحظة د/احمد فى محلها ملاكى اسكندرية وابوها فى مديرية امن الجيزة هى شكلها بنت مش مظبوطة وتعرف ظابط هناك فبتهدد الولد بيه والشتيمة اللى بتقولها متصدرش من انسانة محترمة من اساسه

اقتباس:

---

جاي إن شاء الله يا meza باشا .....بس ححاول ما أسوقش خالص

---

تيجى بألف سلامة يا دكتور شيكو ... :)

أول ما حضرتك تنزل من المطار تركب تاكسى العاصمة على طول و تنااااااااام لحد ما توصل البيت بالسلامة .. بلاش تتفرج عالعربيات من أول يوم كده .. إستنى لما تاخد عالجو ... :biggrin24:

تطور طبيعى لسلطه اسياد البلد

اقتباس:

---

للعلم هذه الفتاة ليست بنت باشا ولا أي شيء و هذا من مصدر موثوق منه..

---

حضرتك متأكد من الكلام ده ... يعنى هى بتدعى عشان ترهب الواد بس ؟!

اقتباس:

---

و طالما قلبكم على مصر كدا يبقى تقدمو ببلاغ بنمرة السيارة و أرفعو عليها دعوى سب الذات الإلهية " ولا هو كان حلو بس لما ناس رفعتها على سعد الدين إبراهيم؟"

---

الفيديو إتنشر يوم 25 أغسطس ... يعنى من يومين .. و اللى شافوه عاليوتيوب 8000 واحد .. يعنى أكيد واحد فيهم كان محامى أو حتى من حركة من الحركات المعارضة و راح رفع قضية .... يا مسهل بس القضية تمشى و متتركنش على جنب.

اقتباس:

---

هو الفيديو مقصوص باحتراف بحيث كلنا نبقى ضد البنت واللى يتشدد لها لكن علشان يبقى حكما صح لازم نعرف القصة كلها - ودا لا يشمل جزء إهانة الخالق جل وعلا تباركت أسماؤه وصفاته.

الملحوظة إن السيارة ملاكى اسكندرية والبت بتدعى إن أبوها فى أمن الجيزة.. مش راكبة على بعضها..

واللى غاظنى برضه الناس فى الشارع وسلبيتهم وتفرجهم على القصة من باب الفضول والتطفل فقط لا غير...

---

الله أعلم إذا كان مقصوص ولا لأ ... ممكن الراجل يكون إبتدى تصوير بالموبايل متأخر.

بس البنت مفترية قوى فى الجزء ده من الفيديو على عكس الشاب .. أخره لما فاض بيه شتم شتمتين و خلاص .. لكن ولا جرى ناحيتها بعصاية و لا إتهجم عليها ... و هى دايماً اللى كانت بتجرى ناحيته كأنها هتضربه مثلاً.

بالنسبة للسلبية ... فدى مش حاجة جديدة علينا ... إحنا شعب سلبى.

حد يبعتلى اللينك على الخاص

بدال عربية ملاكى اسكندرية

يبقى لازم اشوفه :cuss:

الصراحة أشك في حقيقة هذا المقطع
وانهم مؤجورين لتصوير هذا الفلم

لأن غالبا أبناء الضباط الشرطة والجيش
تكون تربيتهم بها نوع من الشدة والأنضباط

أما مظهر هذه الفتاة وطريقة كلامها
يوحي بأنها لم يتم تربيتها خالص
وانها فتاة ليل

ولو كان والدها رائد وليس عميد
كما تزعم كانت بمجرد حدوث المشكلة
كانت أتصلت بالنجدة أو أبوها
دون عمل فضيحة لها ولأبوها

----------

الخناقة بين الشاب والفتاة ليست هي المشكلة

لأن لو حتى أبوها عميد
أكيد الشاب لديه أيضاً معارف
ولو تطور الأمر سوف تكون هناك قضايا متبادلة بنهم وشغل محاميين
------------------

المصييبه هي سب الذات الإلهية

وهذه موضوعات عنها

الاحتفال بشارون بـ "سب الذات الإلهية"!!

ما حكم شتم الذات الإلهية؟

ما حكم سب الدين وسب الرب وشتم الرسول صلى الله عليه وسلم ؟

سبَّ شخص الدين في حالة غضب فقال له بعض الناس إنك قد كفرت وخرجت من ملة الإسلام والمسلمين وإن زواجك قد صار مفسوخاً فما قولكم في ذلك ؟

حملة ضد سب الذات الإلهية

استاذ على شكرا على اللينكات
بس لى اعتراض على كلامك
ليه نفترض انهم مؤجرين وان الكلام ده غلط
طيب مين من مصلحته انه يعمل كده ؟؟ هيستفيد ايه ؟؟
نقطه كمان .. شدة مين ياستاذى
انت مش شايف ابناء الظباط بيعملوا ايه ومعرضينها ازاى
مفيش حاجه اسمها اسلوب تربيه لان فى تجاوزات والسطله اللى معاهم مخليهام كده
وفى مثل انجليزى بيقول
Authority corrupts او Power Corrupts

البنت دى واحد مش مظبوطه من الاخر ربنا ياخدها بنت ستين فى سبعين عمرها ماهتكون بنت ناس ابدا

شوفته ويارتنى ما شوفته

ربنا كبير

اعتقد ان الموضوع ده مش هايعدى كده ، حد شاف كميه التعليقات على الفيديو ده على الفيس بوك
الولد نمرته
ملاكى جيزة
517098

والبت
ملاكى اسكندرية
180707

يعنى سهل اوى انهم يتجابوا لانى كمان اشك انها بنت عميد فعلا و هى بتتكلم فى الموبايل شكلها مكانتش بتكلم حد اصلا دى كانت بتهدد و خلاص

رقمها اصلا عادى جدا

ولا شرطة ولا قوات مسلحة
ده بتاع حد عادى


شكلها فى الاخر واحدة مش مظبوطة

اقتباس:

---

ليه نفترض انهم مؤجرين وان الكلام ده غلط
طيب مين من مصلحته انه يعمل كده ؟؟ هيستفيد ايه ؟؟

---

لأنه أحتمال وارد

وفيه أحتمال ان ابوها ليس عميد وانها بتكذب


---------

المشكله هي سب الذات الإلهية والناس سامعة وساكته

اقتباس:

---

إن سبّ الخالق العظيم ليس شيئا هيّن الخطر، إنه سفالة عميقة القرار، فقد أجمع العلماء على أن من سبّ الله تعالى فقد كَفـر، بل هنا أكبر أنواع الكفر، فهو أعظم من مجرد الردة عن الإسلام، نص على ذلك أهل العلم، قال ابن قدامة رحمه الله في "‏المغني"- : ومن سب الله تعالى كَفَـر، سواء كان مازحاً أو جاداً، وكذلك ‏من استهزأ بالله تعالى أو بآياته أو برسله أو كتبه، قال تعالى: (وَلَئِنْ سَأَلْتَهُمْ لَيَقُولُنَّ إِنَّمَا ‏كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ) [التوبة:65]. ‏

وعلينا أن ننظر في المكان الذي يعيش فيه هذا المستهتر، فإن كان السابّ مسلماً ناشئاً في بلاد الإسلام فلا يُعذر، لأن مسألة تعظيم الله وتوقيره من المسائل العظيمة المشهورة، وليست من المسائل الهيّنة الخفية.

بل إن الله تعالى نهى المؤمنين عن مجالسة من يستهزيء بآياته سبحانه: (وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذًا مِّثْلُهُمْ) [النساء:140]، أي: أيها المؤمنون، إن استمعتم إلى مَن يعلنون الاستهزاء بآيات الله تعالى، كنتم معهم فى الاستهانة بآيات الله، وشركاء لهم فى آثامهم؛ لأن الراضي بالكفر بآيات الله وبالاستهزاء بها يكون بعيدا عن حقيقة الإِيمان، ومستحقا للعقوبة من الله، قال صاحب الكشاف – الزمخشري – "فإن قلتَ: لِمَ يكونوا مثلهم بالمجالسة إليهم فى وقت الخوض؟ قلتُ: لأنهم إذا لم ينكروا عليهم كانوا راضين".

إنه التهديد الذي يرتجف له كيان المؤمن: (إنكم إذاً مثلهم)، قال القرطبى: "فدل بهذا على وجوب اجتناب أصحاب المعاصى إذا ظهر منهم منكر؛ لأن من لم يتجنبهم فقد رضى فعلهم، والرضا بالكفر كفر، قال الله تعالى: (إِنَّكُمْ إِذًا مِّثْلُهُمْ)، فكل من جلس فى مجلس معصية ولم ينكر عليهم يكون معهم فى الوزر سواء، وينبغى أن ينكر عليهم إذا تكلموا بالمعصية وعملوا بها، فإن لم يقدر على النكير عليهم فينبغى أن يقوم عنهم حتى لا يكون من أهل هذه الآية.

لا شك أن ضعف وليونة الدين في القلوب، أدى إلى هذا السلوك العبثي اللئيم، وهو سلوك جمع الكفرَ ظاهرا وباطنا، فهو كفر ظاهر، لجريان السب على لسان صاحبه دون وجل، وكفر باطن؛ لأنه سلوكٌ دال على استهانته بالله تعالى، وانعدام خشيته من الذي خلقه فسواه.

---

ياريت اللينك على الخاص لو سمحت

بجد اكتر حاجة بتنرفزنى