كان عندى حرارة الموتور بتعلى مع الطوالى من بداية الصيف وبحس ان العربية سحبها بيقل وقربة المية بتتنفخ قوى فغيرت غطاء الرادياتير بواحد ايطالى اصلى علشان خفت ان القربة او الخراطيم تنفجر وكانت النتيجة انى لقيت فية مية حوالين القربة لما بامشى فى الطوالى وفى السلانسية كانت المروحة بتشتغل 5 دقايق وتقف المهم روحت للدكتور الميكانيكى وقللى بص على الرادياتير اولا ونصحنى لو الرادياتير الأصلى ماتغيرش غيرة الاول روحت اشتريت رادياتير فيكا صينى ب 190 جنية واكتشفت ان الرادياتير القديم الأصلى الألمانى مربوط من غير قواعد كاوتش المهم جبت قاعدتين كاوتش ودول مهمين جدا علشان بيرفعوا الرادياتير فى وش فتحة الهواء اللى فى الشنب ويوم الجمعة اللى فاتت قررت اركبة بنفسى والمفاجئة بعد ماركبته وغسلت دورة التبريد من المية القديمة وجربت العربية مفيش اثر للسخونة نهائى وكل ماجرى الحرارة تنزل اكتر لغاية ماوصلت بالعربية ل 130 ك والحرارة ثابتة على 80 والمروحة مادرتش نهائى طول مانا ماشى ولما بمشى على السلانسية بتدور شوية والاقى الحرارة تنزل ل80 وتقف فى اقل من دقيقتين وكل ده وانا حاطط فى الرادياتير مية حنفية علشان اجرب التسريب قبل ماحط المية التوتال البرتقالى الجديدة وغطاء الرادياتير مابيطلعش مية نهائى انا حبيت انقل تجربتى دى وفعلا مشكلة الفليشيا فى الحرارة الزايدة تتلخص فى رادياتير جديد تحياتى !!!