التقييم شامل كل شئ ( صيانه - قطع غيار - خدمة ما بعد البيع ) بالنسبه للفرع الرئيسي فقط (فرع أبو رواش )
هل يوجد تحسن أم لا ؟؟؟
عرض للطباعة
التقييم شامل كل شئ ( صيانه - قطع غيار - خدمة ما بعد البيع ) بالنسبه للفرع الرئيسي فقط (فرع أبو رواش )
هل يوجد تحسن أم لا ؟؟؟
بلاش احراج يا هندسة اكيد انت عارف رد فعل الناس هيبقى ايه ههههههههههههههههههههههه
انا بصراحة فى الاستلام ماوجهتش اى وقت او اى صعوبة انما الصيانة انا عملتها عند عصام صفا
بصو يا جماعة انا معايا جين 2012 و تقريبا روحت أبو رواش حوالى 12مرة :-) يمكن عشان شغلى فى القرية الذكية فكنت أعدى عليهم الصبح أسيبها و انا مروح أخدها عشان كان فيها حاجات كتير بس الحمد لله إتظبطت
بمنتهى الصراحة من غير تحيز أنا كان واصلنى سمعة سيئة جدا بس حبى للعربية خلانى أجيبها برده المهم لاقيت الدنا حلوة كتير و المهندسين الشباب اللى هناك كلهم محترمين و متفهمين و بيحاولوا يعملو اللى يقدروا عليه.
المشكلة فى حاجتين، أولا لازم حجز حتى لو فيه مشكلة كبيرة و دى حاجة عادية
ثانيا أسعار المصنعيات عاليه تقريبا الساعة ب 120 جنيه، يعنى لو كان عندك أى مشكلة و العربية قعدوا فيها 4 ساعات يعنى هاتكلفك 480 جنيه و ده طبعا كتير أوى غير قطع الغيار
آخر حاجة قطع الغيار دائما أحجزها و أفضل أزن عليهم لحد لما يقولولى جت بعد شهرين تلاته
إنما التصنيف العام بصراحة جيد و حقيقى أنا سعيد بمعرفة إصطف مهندسين الإستقبال هناك و اللى بيسمعوا منك كل شكوتك و بينصحوك باللى يقدروا عليه.
و ربنا يسهل يكون أفضل و أفضل.
بالنسبة لي جيد جدا ....... كل مرة أروح أعمل الصيانة و مفيش مشاكل معاهم الحمد لله .
سئ ، مفيش مرة اروح إلا لما اقعد خمس ساعات على الاقل فى صيانات عادية!
دة حتي صيانة الالف اللى ميبتعملش فيها غير تغير زيت وتربيط عفشة ، تقريبا كنت وصلت على الساعه 11 ، استلمتها وهما بيقفلوا التوكيل وبيروحوا!.
موديل 2012 و رحت 12 مره !! خير يا باشا ايه الى كان بيحصل معاك ؟؟اقتباس:
المشاركة الأصلية كتبت بواسطة emadmohiy
سيء علشان قطع الغيار الغير متوفرة
سيء علشان الوقت الطويل
سيء علشان احيانا مش بيعرفوا يحلوا المشكلة وبيخبطوا ساعات
سيء علشان الغلاء والاستغلال
أنا عن نفسي روحت مرتين أبو رواش صيانة الخمسة وصيانة العشرة ... وكان السبب إني كنت عايز أضبط القنطرة بسبب الحدفة الشهيرة في موديل 2012 ... وكمان أغير المراية الشمال لأنها كانت بتاعة عربية دركسيون يمين ... أول مرة فضل من الساعة العاشرة صباحا لغاية الساعة السادسة بس بيعمل الصيانة ويضبط القنطرة ... منالتوقيت ده فضلت العربية مرمية برة الجراج مستنية دورها فيضبط الزوايا حوالي خمس ساعات بدون أي مبالغة من 12 لغاية 5 مبتعملش حاجة ... وطبعا لما جيت أقوله على المراية قالي إن الوقت خلص وتعالى المرة اللى جاية بقى
المرة اللى بعدها قلت أنا مش هاستنى كتير بقى دي صيانة عادية وتغيير المراية بس ... اللى هية أصلا موجودة وهو أكدلى كدة ... لاقيت نسخة طبق الأصل من الملل اللى فات وبرضه مشيت الساعة 6 مساء وبدون تركيب المرايا عشان كانت لسة هاتترش وهو ما رشهاش طول اليوم وكان الاتفاق إنه يحجزهالي ويرشها وآجبي بعدها باسبوع أركبها في 10 دقائق وأمشي من غير انتظار كتير
روحت الإسبوع اللى بعده ركبتها في حوالي ساعتين بدون عمل أي صيانات فقط تركيب المرايا
...
هم مقابلتهم مش وحشة وبيحاولو فعلا يحلوا مشاكل العميل ... بس مشكلتهم إنهم فعلا مش مدربين كويس وعلى نحو احترافي يخليك تثق فيهم ومش كل المشاكل الجديدة عندهم حماس لاكتشافها واكتشاف طرق محترمة لحلها
أنا أول مرة أشوف توكيل يلزق شكرتون على قفل الكنبة عشان ما تعملش أصوات في المطبات ... أعتقد لما يكون في توكيل بالحجم ده لازم يكون عنده حل أكثر احترافية مثل تركيب قطعة مطاط قوية أو بلاستيك مصممة لتناسب شكل قفل الكنبة ويتم تركيبها عليه ليذهب الصوت بلا رجعة بدل الشكرتون اللى بعد شوية بيتقطع ويرجع الصوت تاني
بصراحة الحلول بتاعتهم حلول ميكانيكي شغال في منطقة شعبية ... إلا لو جالهم الحل المحترم من ماليزيا
... نقطة كمان ... الثلاث مرات اللى روحت فيهم حسيت الفنيين ما عندهمش حماس في الشغل .. تحس إنهم بيقضوا اليوم وخلاص ومش مهم إتقان الشغل .. المهم إنه يخلص ويغور ... ومافيش اهتمام وحرص على العربية وهم شغالين فيها ...
في مرة من المرات نسيو يحطوا الدواسة الورق عشان رجليهم ما تبهدلش دواسة العربية الموكيت والكيس اللى بيتحط على كرسي السائق ... خدت العربية منهم مليانة شحم وقرف على الدواسة بتاعتها والكرسي متبهدل وطلعوا عيني عقبال ما نضفتهم تاني
أنا شايفه توكيل حجمه كبير جدا وواخد ماركات من أنضف وأغلى ماركات العالم .. لكن مستواه توكيل في كي جي 1 ومقرف جدا
وحشين جدا
قطع الغيار مش منتشرة
عندك حق جدا فى الجملتين دول و خصوصا موضوع إهتمام الفنييناقتباس:
المشاركة الأصلية كتبت بواسطة d . A .\ ayman
بس لو سمحت عندى سؤال إزاى عرفت إن المرايا المتركبة بتاعة دريسكيون يمين يعنى إزاى أعرف إنى أنا كمان مش كده و انا مش واخد بالى مع العلم انا معايا جين 2012
مع الشكر.
اقتباس:
المشاركة الأصلية كتبت بواسطة emadmohiy
هي كانت مراية السواق ... وكنت لما أجيبها ناحية الشمال على الآخر مش بتجيب مساحة الرؤية اللى المفروض تجيبها ... يعني تبقى على الآخر وبرضه جايبة في مدى الرؤية بتاعها نص جسم العربية ويادوب حتة صغيرة من الطريق اللى ورايا ... وكنت فاكر إن ده العادي بتاعها لأني ما ركبتش بروتون قبل كدة ... لما جيت بقى أتكلم بالصدفة مع المهندس عن العيب ده لاقيته دخل قعد في العربية وبص فيها شوية كدة وقالي لأ دي مراية عربية دركسيون يمين ... واتغيرت في الضمان فعلا الحمد لله
شكرا جدا لإهتمامك و الرد و الحمد لله طلعت المرايا بتاعتى طبيعيةاقتباس:
المشاركة الأصلية كتبت بواسطة d . A .\ ayman
كل سنة و إنت طيب.
توكيل عز العرب توكيل غير امين على السيارات وتوكيل
يعني الواحد ميفكرش افضل لاني كنت بفكر في البرسونا خصوصا اني كمان من اسكندرية فمش عارف اخبارها ايه هنا بس اكيد مش هيكون افضل من القاهرة
اقتباس:
المشاركة الأصلية كتبت بواسطة fdido26
بص هاقول لحضرتك على حاجة
بعد تعاملي مع كذا توكيل توصلت لأنه التوكيل مش مهم نهائياً طالما قطع غيار العربية منتشرة برة ...
التوكيل - أي توكيل على فكرة - بيصرف مصنعيات غالية جدا وبيكون كسبان من خدمة ما بعد البيع والصيانات اللى بيعملها أكتر من مكسبه من العربيات نفسها .. يبقى لو ما كانش هايريح العميل ويحلله كل مشاكله ويكون في معاملة محترفة ومهنية مع العميل يبقى بلاش منه كتوكيل ويبقى الميكانيكي اللى برة أفضل منه
بس بشرط إن الواحد يكون فاهم في العربية وعارف هو هايعمل إيه عشان مايجيش ميكانيكي يشتغله
يعني مثلا أنا بطلت أتعامل مع توكيل سوزوكي ونيسان "مودرن موتورز " من حوالي 20 ألف كيلو وكملت بعد كدة الصيانات برة أو حتى كنت بعملها بنفسي
وأعتقد نفس الشيء هايحصل مع عز العرب
حتى عصام صفا كنت بقول إنه كويس ... بس مسكت الفني هناك وهو بيعمل الصيانة الأخيرة رايح يزود مياة في قربة الردياتير من الحنفية بالصدفة ... وعملت فضيحة ولكن هم اتعودوا على كدة ... وأحلى حاجة لما يطلب من العميل إنه يتفضل في الاستراحة طب بذمتك أثق فيكو إزاي على العربية بعد كدة
الخلاصة طالما هاتقدر تتصرف في قطع الغيار من برة يبقى التوكيل ممكن ما يكونش جزء من المعادلة ... لكن لو قطع الغيار مش موجودة برة يبقى لازم الواحد يبص للتوكي ويقيمه كويس جدا قبل قرار الشراء
لسه امبارح عامل صيانه ال5000كم لجين تو بتاعه صديق عمري عند الغد موتورز في المنصوره
غير ان المركز متواضع جداا - فاسعار الصيانات زادت بمنشور من عز العرب ده اللي لتفاجات به
بعد المره الاولي في صيانه الالف عندهم
الصيانه اصبحت ب430ج بعد ماكانت ب207 ج ( اللي هي تغيير زيت + فلتر) !!!!!
لما سالت ليه؟؟؟ قالوا انهم بيحاسبوا العميل علي الوقت المستغرق لانجاز الصيانه اللي
قدروه ب 1.6 من الساعه واساسا ماخدش منهم تلت ساعه لان المركز بينش !!
بالمناسبه في صيانه ال20 الف كم لاحظت ان فلتر البنزين اغلي من البوجيهات!
الفلتر ب143ج والبوجيهات ب132ج . سالت برده المهندس . ليييييه؟؟؟
ده اي فلتر عباره عن شويه ورق ومرشحات . في الاوبل الفلتر الماني من التوكيل
ب45ج ! ليه كده؟؟ مفيش رد.
ده غير اني كنت مجهز له شويه مشاكل في العربيه ماعرفش يحل اي منهم وقاللي
لازم تتقبلها كده علي وضعها زي الفرامل - باب الشنطه بيعلق ( السنتر) - الابواب تقيله
جدا في فتحها وده اللي بيكسر الاوكر- تزييق في التابلوه مع تشغيل التكييف - المساحات
جلدها ناشف ومابيمسحش - الايه بي اس حساس جدا وبيشتغل من اقل دوسه ؟؟
واقول ايه؟؟؟
الabs حساس؟اخويا معاه جين 2 و المشاكل دي لو يقدر يجي مركز خدمة في القاهرة زي عصام صفا و انساءالله هتتحل.الabs بيشتغل من اقل دوسة بيقي الكاوتش وحش لان طبيعتها مش كدة انا سوقتها كتير و فراملها بسم الله ما شاء الله قريبة من الاوبل و التوكيل في استهبال جامد في اسعار قطع الغيار برة ارخص.اقتباس:
المشاركة الأصلية كتبت بواسطة فادى محمد
الكاوتش جديد لان العربيه 2013 عامله 5000كم بساقتباس:
المشاركة الأصلية كتبت بواسطة omar elgezeiry
هو الكاوتش نوعه مش حلو تحس انه طري زياده عن اللزوم
ويزحلق من اقل فرمله وبالتالي الايه بي اس يشتغل علطول! ده مجرد تخمين
ان شاء الله هروح لعصام وصفا بس في الصيانه الجايه
:beated:ان شاء الله المشاكل تتحل و عصام صفا من احسن مراكز الخدمة و كذا واحد اشتكا من الحكاية بتاعت الكاوتش.اقتباس:
المشاركة الأصلية كتبت بواسطة فادى محمد
ممكن اسأل عن مكان عصام صفا لأنى من المريوطية و
من الأفضل اروح له و لأ اروح للتوكيل ف الأول 1000 كم
و شكرا لردودكم
25 شارع دكتور طه حسين-النزهة الجديدة(عصام صفا)اقتباس:
المشاركة الأصلية كتبت بواسطة روبرت مجدي
لو عايز التوكيل انصحك تروح فرع العجوزة و ده فضهر معرض المصرية فرع المهندسين
الفرع ده ميزته انه بيبقي فاضي و بتقدر تتابع عربيتك و انت واقف برة بتبقي شايف كل حاجة هما بيعملوها
احد مهندسين التوكيل دخل يعمل لايك واختار "ممتاز"
و دلوقتى ؟؟؟
في نقطة خلتني احترم التوكيل دهاقتباس:
المشاركة الأصلية كتبت بواسطة el prince
عز العرب الوحيد اللي بيدي ضمان علي العفشة 3 سنين او 100 الف كيلو ايهما اقرب
اغلب التوكيلات ان مكانش كلها بتدي ضمان 20 الف كيلو بس او سنة
ابسط الأشياء يا سادة يا كرام
أنا استلمت العربية الساجا و مساحتها مصدية
و طلبت مساحات جديدة و الكلام ده من شهر 5 و مفيش مساحات حتى الآن