-
ههههههههههههههههههههههههه ههههههههههههههه
بجد اسلوبك رائع و كوميدى
متستغربش من اللى بيقولوا على الموتوسيكل مكنة
دول بيقولوا على العربية عجلة
دايما كان نفسى اتعلم سواقة الموتوسيكل ,, عمرى ما سقت بنفسى , دايما بركب ورا حد و فعلا بيدى شعور كبير اوى بالحرية و الانطلاق و بحب اوى شعور الهوا هو بيضرب ف وشك ,, بجد روعة غير انه زى ما انت قولت سهل ف الركن و منجز ف الوقت و مش مكلف
لكن تعالى اتفرج ف المستشفى ,, شبة يوميا فى حالات حوادث موتوسيكلات , دا غير حوادث الموتوسيكلات اللى الواحد شفها بعينه ,,,, دا كله بيخلينى افكر الف مرة
دا غير ان فى مشكلة خطيرة تانية ,, انه بيجيب برد ف الشتا ههههههههههههههههه
-
يا راجل حرام عليك موتسيكل ايه وبتاع ايه بس
من اسبوعين تلاتة روحت الجامعة من غير العربية ورجعت مع صاحبى على الموتسيكل "صينى اسمه دايون باين"
المهم البيه بيمشى برضه زى التعبان كدة بين العربيات وهووووووب قمت لابس فى مراية عربية فورد اكسبلورور علشان عالية عن الارض وشوية قام لابس مطب وقمت متزحلق لأخر الكرسى وربنا ستر وماوقعتش
-
معلش ياجماعة المشكلة مش في الموتوسيكل المشكلة في ثقافة الناس هنا.
يعني اللي يركب موتوسيكل على الاقل يلبس خوذة نضيفة (معتمده dot مش من اللي ب 30 جنية) و يمشي بطريقة دفاعية مش زي التعبان زي ماقولتو.
الناس بره و في دول افقر مننا بكتير بيركبو موتوسيكلات بكميات غير طبيعية و مفيش عندهم المشكلات بتاعتنا دي يبقى العيب مش في الموتوسيكل.
-
ههههههههههههههههههههههه
طريقتك تحفه
بس انا ما بحبهوش اخر مره ركبته لما كنت رايح اخد عربيتى من الفرق مع بتاع الدوكو قالى تركب قولتله اركب ياعم انتا شايفنى صغير وقمت راكب بقى ومشى فى طريق كله مطبات وكانت الساعه 1 ونص بليل وبطلت وماكنتش عايزه تدور وفى حتة بنت كلب وفى الاخر دارت وكمل بقى طيران على المطبات وتعبان ماشى
بس فعلآ احلى حاجه فيه لما الهواء يخبط فيك احساس تحفه بس ده طبعآ ما يخلنيش اركبه تانى :d
-
أنا الموضوع معايا مختلف شوية , لأنى عندة الاثنين , يعنى أنا معايا فيسبا , ومعايا عربية ماتريكس
يمكن الموضوع معايا لى علاقة بالفلوس
يعنى مصاريف السيارة يوم واحد = مصاريف الفيسبا فى اسبوع
دة غير الركنة , والملفات , وحاجات كتيير جداً
وانا راكب الفيسبا , لما حد ينادى عليا يقولى أنت يا ( عم , ياريس , كابتن )
وأنا راكب العربية , لما حد بينادى عليا يقولى أنت يا ( بيه, يااستاذ , باش مهندس)
وأخيراُ أنا بفضل الفيسبا
-
يغووووووووووووووووووووووو وووووور الموتوسيكل بكل مميزاته
انا مركب شريحة و 9 مسامير بسببه
يغور يغور يغور
-
انا ليه حادثتين مره خبطت موتوسيكل في مصيف زمان في جمصه الموتوسيكل الصغير ده معرفش اسمه ايه خبطته وكان سايقه واحد سوداني والواد وقع في الارض وقعد يمثل انه هيموت وبتاع وكان يوم زي الزفت خدته وطلعت به مستشفى الطوارئ في المنصوره الساعه كانت الفجر وكان زمان ايام الطريق القديم
ومره تانيه كنت في جمصه برده (كان عندنا شقه زمان فيها فكنت لاجئ هناك) واجرت المتوسيكل الصغير ده وكنت واخد ابن خالي ورايا وطايرين بقه وهوووووووووب طلعت لي بنت ساقه التاعه اللي هي ب 4 عجلات ودركسيون دي وحديد في حديد وراحت دب فيا طيرتني وابن خالي رجله دخلت في الجنزير واتفرمت وخدله يومها يجي 10 غرز في رجله غير الكدمات وانا برده اتبهدلت بس مش زيه وكان يوم زفت برده طبعا كده كانت نهايه الموتسيكلات معايا
ده غير بقه من شهر تقريبا ماشي الساعه 12 بليبل كنت مسافر وماشي 80 كده ولقيت مكنه هههههههه صيني جاي طاير بها وسبقني المهم بعدها ب 2 كيلو تقريبا لقيت المكنه دي مرميه على جمب الطريق والطريق اصلا ضلمه كحللللللللللل مفيش فيه لمبه وفي مطبات فهديت كده ادور على اللي كان راكبه لقيته مرمي بعد الموتوسيكل بكام متر كد ه وقايم بيتطوح ووشه كله دم مكنتش عارف اقف له ولا اعمل ايه المشكله كان معايا المدام والطلايق زباله فطبعا مكنتش اقدر اقف بس جه توكتوك كلن ماشي ورايا وقف له بصراحه وهو معدي من جمبي طاير كنت بشتم فيه وقلت لو وقعت يابن التيت ملكش ديه بس لما لقيته واقع مكنتش عارف اضحك ولا ايه بس صعب عليه
المشكله ان الاشكال اللي راكبه المكن الصيني ده معظمهم عيال شمامه وعيال شمال الشمال وبيستخدموه في السرقه والتحرش بالبنات وحاجه تقرف
-
خلاص يا جماعة توبة مش هعمل كدا تاني ههههههههههههههههههههههههه هههههههههههه
Content Relevant URLs by
vBSEO 3.6.0 PL2