جبت كاسييت بايونيير ومحتاج رايكوا في السماعات ضروري قبل ما اشتري

**Mamoud salah H** · 24-06-2013 11:22 PM

الحمد لله النهاردة جبت كاسيت بايونيير 2450 dehجبته ب630 من عند الارخص
ولسة لسماعات هجيبهم بكرة ان شاء الله بس انا احترت وانا هناك قالي احسن نوع هو بايونيير 400 وات وبيقولي دبل بيز مع ان المقاس 9*6 مش عارف ازااي وقعد يشكر في اي سماعة بايونيير وانها احسن من الكينوود وانا نازل وكنت ناوي علي كينوود 400:450 وات
بس انا كدة احترت من الاخر ايز سماعة تطلع بييز قوي ونقي وصووت نقي مهما اعلي الصووت ميظهرش خروشة يعني صوت وبيز نقي ومحترمفي كل المستويات الصوتية والميزانية 500 اقصي حد

ملحووووظة مهمة جدا:انا هركب السماعات من غييييييييييييييير جي ام يععني الكاسيت +السماعتين البيضاوي +سماعتين سوني للابواب وشكرا علي كدة

**waleed alsudy** · 25-06-2013 12:29 AM

شوف حبيبي انا الحمدلله مجرب كل السماعات والكاستات
بس لو عايز صوت نقي وبيز خفيف يبقى البايونير 400
عايز بيز عالي يبقى كين وود
عايز صوت وتربل حط اكس بلوود
انت هتحط كام سماعه وانا اقولك تعمل ايه
لو هتحط اربعه ممكن تحط بايونير وكن وود
لو اثنين بس يبقى توكل على الله وحط بايونير

**Mamoud salah H** · 25-06-2013 01:26 AM

هركب سماعتيين بس والمطلوب اني اسمع صووت نقي وبيز قوي مهما اعلي الصوت ملقيش اي زنة او خرفشة

**Ahmod** · 25-06-2013 04:27 AM

ماهو بص يا باشا السماعات لوحدها على الكاسيت من غير جي ام مش هتديلك الصوت اللى انت متخيله ولازم لما تعلي يحصل خروشة !!

تاني حاجة عشان تاخد البيز القوي يبقى لازم صب او بازوكا

وطالما مش هتجيب جي ام يبقى الفروقات بين السماعات مش هتبقى قوية اوي لان كدة كدة انت مش هتاخد طاقة السماعة كلها

خليك في الكينود ال 400 وات مع 2 سوني مدورة في الابواب 13 سم

او ممكن تجيب البايونير ال 500 وات ولو ان الناس كلها اجمعت ان الكينود افضل !!

المهم لو هتجيب بايونير تتاكد انها الاصلية مش المضروبة لان في منها كتير مضروب

والكينود تجيب الفتنامي

**Ahmod** · 25-06-2013 04:15 PM

المشاركة الأصلية كتبت بواسطة mamoud salah h

منا هجيب جي ام بس دام شوية مش دللوقتي عشان ببح فلووس خلاص يدوب اجيب سماعتين وانا عندي سماعتين سوني ابواب 13 بسس انا علي الاقل اسمع صوت وببز كويس في الميد رينج علي الاقل لحد اما اجيب جي ام وبفكر كة من كتر ما ريت اني اجيب كينوود 400 دبل بيز او العادية

وبالنسبة لبايونيير افرق ازاي بين الاصلي والمضرووب

الكينود الدبل بيز اغلى ومش هتعرف تاخد منها الاداء اللى يحسسك بيها الا لو مركب معاها جي ام !!

اما البايونير فالثقة من المكان اللى انت بتشتري منه

اشتري من التوكيل (عندك واحد في شارع طلعت حرب - وواحد تاني خد يمين بعد ميدان سفنكس اكنك طالع على الكورنيش هتلاقي على يمينك بعد البنزينة او قبلها بشوية مش فاكر )

او تشتري من محل معتمد زي ادريان - وفيه ناس بتمدح في اخرصهم اللى في التوفيقية

**Ahmod** · 25-06-2013 05:48 PM

المشاركة الأصلية كتبت بواسطة mamoud salah h

تمام طب اخر حاجة عشان انزل اشتري اخر كﻻم كينوود عادي 400او500
او بايونيير 450 او 500

بص يا باشا هو مبدئيا الكينود ال 450 وات ب 450 جنيه

البايونير ال 500 وات بحوالي 350 جنيه

ففقيه فرق 100 جنيه في السعر !!!

معروف ان الكينود كبيز اقوى من البايونير مافيش كلام !! البايونير ممكن تكون افضل شوية في التربلات

لكن كنقاء صوت مش عارف بصراحة لاني مسمعتهمش !!!!!

وكدة ولا كدة انا محتار نفس الحيرة بتاعتك دي لكن هجيب الكينود لاني اتشائمت من البايونير من ساعت مالجي ام البايونير اللى جبته باظ !!!

وتاني حاجة لاني بحب اسمع الصوت مكتوم وفيه بيز اكتر من التربلات

لو تستنى لاول الشهر ممكن ننزله نجبهم مع بعض لاني ناوي جديا اشتري سماعات

**Ahmod** · 25-06-2013 06:26 PM

المشاركة الأصلية كتبت بواسطة Mamoud salah H

مش عارف والله يا باشا اقولك ايه ربنا يكرمك علي صبرك ومساعدتك معايا
انا كدة قررت اني اجيب كينوود واقتنعت اكتر منا مقتنع بيها اصلا
بس السؤال هنا بقي افضل سماعة كينوود في دول 400 ولا450 ولا500
انا معايا 500 جنييه

وفعلا كن نفسي استني وانزل مع حضرتك بس المشكلة اني بوضب حجات تانية في العربية وممكن اصرف فلووس الماعات لو استنيت ومش هعرف اجمع فلووس تاني ليهم قريب في مضطر انجز النهاردة قبل بكرة وكمان الواحد مش ضامن ايه هيحصل في يوم 30 وعايز اخلص العربية قبلها ان شاء الله وكرر اسفي تاني

انا مش عارف فيه كينود 500 وات ولا لاء !! بسب اكيد هتبقى اغلى

اللى اعرفه ان الكينود ال 400 وات بحوالي 350 جنيه او 375

الكينود ال 450 مابين 420 ل 450 على حسب هتشتريها منين

فاعتقد بالنسبة للميزانية بتاعتك ال 450 وات انسب حاجة لكن ممكن تسال برضوا على سعر ال 500 ان كانت موجودة !!!!

المهم بس ماتنساش تقولنا رايك عشان ياما هتشجعني اجبها ياما هتقولي جيب البايونير