صيانة ال 40 الف كيلو حقيقة أم خيااااااال ؟؟؟

**msco** · 25-06-2013 12:08 AM

السلام عليكم ورحمة الله وبركاته

ندخل في الموضوع على طول

السيارة : كيا سيراتو موديل 2011
العداد : 40 الف كيلو وشوية فكه
المده : سنتين وتلات شهور

دلوقتي انا المفروض اعمل صيانة ال 40 الف كيلو وحسب ما قرأت هنا في موضوع خاص بصيانة السيراتو

صيانة 40000
تغيير بوجيهات
تغير زيت فتيس
تغير فلتر بنزين
تغير فلتر هواء
تغير زيت فرامل
تغير زيت باور
تغير فلتر تكيف (حسب الحالة)
تنظيف بوابة الهواء + تنظيف الحساسات
تغير مياه التبريد

بس ياجماعة كتالوج العربية بيقول كلام غير ده تماماااااا .. يعنى على سبيل المثال

1- البوجيهات مكتوب في الكتالوج انها تتغير على 40 الف وانا كنت مغيرها على 20 الف وبالتالي مش هغيرها الوقتي لاني شايف ان حالتها ممتازة ولما غيرتها على ال 20 كانت بردة حالتها ممتازة

2- زيت الفتيس مكتوب انها لا يلزم الفحص او الصيانة وده لحد 120 الف كيلو متر او 8 سنوات

3 - في ظروف القيادة القاسية يتغير كل 100 الف كيلو متر

4- فلتر البنزين في الكتالوج كاتبين التغيير عند 60 الف كيلو متر

5- فلتر الهواء يتم تغييره كل 15 الف كيلو

6- زيت الفرامل فحص فقط

- زيت الباور ملقتش حاجة مكتوبة عنه

7- فلتر مكيف الهواء يتغير كل 15 الف كيلو

8- سائل التبريد يتم تغييرة كل 200 الف كيلو او بعد مرور 10 سنوات

ها يارجالة نعمل زي الكتالوج ولا نعمل اية بالظبط .؟؟؟؟

في انتظار ارائكم اللي ديما بنستفيد منها

**aboamina** · 25-06-2013 12:57 AM

طول ما حضرتك في الضمان لازم تمشي على جدول الصيانات اللي حطه التوكيل ولازم برضه تحط نوع الزيت المتعاقد معه مع التوكيل وطبعا مش شرط يكون انسب زيت... يااما هتخرج برة الضمان
انا كان معايا لوجان وفضلت متابع مع التوكيل لغاية ال60000ك وبعد سؤال كذا صنايعي داخل وخارج التوكيل الكل اكد ان معظم الحاجات اللي بيغيروها في التوكيل لسة ليها عمر طويل ده غير الاستهبال في المصنعيات وقررت آخد الريسك وأعمل الصيانات برة التوكيل وكنت بشتري الحاجة الاصلية واركبها برة وفي الوقت المناسب حسب نصايح ميكانيكي محترم كنت بتعامل معاه في اللوجان ووقتها طبعا خرجت برة الضمان مقابل ده حسيت بوفر كبير قوي عن اللي كنت بصرفه في التوكيل.

**Ahmed Amin** · 25-06-2013 02:22 AM

الجدول مظبوط وحقيقي ومفهوش أي غلطات,
نظرياً المفروض الحاجات دي تتغير في الوقت بتاعها زي ما هو مكتوب في الجدل,
بس عملياً أنت ممكن تستني علي حاجات ومتغيرهاش زي فلتر الهوا لو بتنضفه كل 10 الاف وشايف انو لسه كويس ممكن تخليه لصيانة ال60
وبيبقي مبالغ فيها لما يقلك تغير فلتر الهوا كل 10 الأف, مع أنه مفضل بس مش ضروري يعني.!
علي عكس فلتر البنزين, في بلدنا ووضعنا أنت لازم تغيره حسب الجدول’ ويفضل قبله كمان في الظروف اللي أحنا فيها دي..

بالنسبة للبوجيهات انا ليا تجربتين معاها, واحدة في لانسر قعدت معايا من الزيرو لحد 70 ألف كيلو لأنها كانت خليجي من الزيرو مش وكيل, ومكنتش بعمل الصيانات عندهم. لأنها مكنتش بتحتاج صيانة أصلا غير تغير زيت + فلتر زيت.
مع العلم أنها عملت ال 70 ألف دول في 3 سنين.

أما في البيجو علي ال 30 ألف كيلو فيه بوجيه باظ, وبقت ترعش وعرفت انو البوجيهات وغيرتهم الأربعة قبل صيانة ال 40 الف كيلو,
مع العلم أنها عملت ال 30 ألف دول في 3 سنين, عشان أستخدام الأنسر كان أعلي,
فأحتمال ركنة العربية كتير بوظت البوجية أو رطبب.

فالجدول مهم, والأفضل تمشي عليه, بس الواقع مختلف وعلي حسب طبيعة سواقتك, وظروف الجو والطرق اللي بنمشي عليها.

**ابو ليلى** · 25-06-2013 03:02 AM

المشاركة الأصلية كتبت بواسطة aboamina

طول ما حضرتك في الضمان لازم تمشي على جدول الصيانات اللي حطه التوكيل ولازم برضه تحط نوع الزيت المتعاقد معه مع التوكيل وطبعا مش شرط يكون انسب زيت... يااما هتخرج برة الضمان

كلام من الاخر
نصيحة بلاش تخرج بره الضمان ولاازم تعرف انه ليك وفى مصلحة العربية وخصوصا زيت الفتيس ....حافظ على الضمان لاخر يوم

**AHMED12345678** · 25-06-2013 03:17 AM

انا من يوم ما جبت عربيتى السيراتو 2011 وانا ماشى على الكتالوج
وعربيتى خليجى
بس ولا سألت فى يوم فى هجس التوكيل
يعنى زيت الفتيس الى بيغيرة التوكيل على اربعين الف كيلو مش حرام مع ان الكتالوج قال يتغير فى حالة القيادة الشاقة الشاقة الشاقة على مائة الف كيلو
يبقى التوكيل شوية نصابين

**msco** · 25-06-2013 03:25 AM

المشاركة الأصلية كتبت بواسطة ahmed12345678

انا من يوم ما جبت عربيتى السيراتو 2011 وانا ماشى على الكتالوج
وعربيتى خليجى
بس ولا سألت فى يوم فى هجس التوكيل
يعنى زيت الفتيس الى بيغيرة التوكيل على اربعين الف كيلو مش حرام مع ان الكتالوج قال يتغير فى حالة القيادة الشاقة الشاقة الشاقة على مائة الف كيلو
يبقى التوكيل شوية نصابين

طب ياباشا تقدر تفيدني انت غيرت اية بالظبط في عربيتك من يوم ما جبتها وغيرت على كام كيلو ؟؟

يعنى فلاتر الهوا -- البوجيهات .. فلتر المكيف ..الخ ؟؟

**ابو ليلى** · 25-06-2013 03:27 AM

المشاركة الأصلية كتبت بواسطة msco

ياباشا كلامك مظبوط بس لو تعرف كمية المشاكل اللي الناس هنا بيعانو منها مع وكيل كيا في السعودية ( الجبر ) خصوصا في المواضيع المتعلقة باالضمان

هتعرف ان الحوار ده كلام على الفاضي وناس كتير ظهرت عندها عيوب مصنعية ومخدوش لا حق ولا باطل مع انهم كانو ملتزمين مع الوكيل

لكن لما الوكيل يغير حاجات قبل عمرها وياخد اسعار مضاعفة والصيانة اللي انا هعملها برة ب 200 ريال يعملها هو ب 1000 ريال يبقى الضمان ده حجة عشان يضحكو بيها علينا
[overline]
على العموم ياباشا دة مش موضوعنا انا بستفسر عن الجدول بتاع الصيانة هل نمشي عليه ولا نمشي على الكلام التاني ؟؟؟ سواء كانت الصيانة برة التوكيل او جوا[/overline]

امشى على الكتالوج يا فندم
اخر سنة فى الضمان والعربية جابت فتيس لاقدر الله ؟ تمنه كام ( متوقع فى الكورى عموما )