توكيل كلارين دول ميعرفوش يعني ايه شغل بجد

**magedkahla** · 25-06-2013 03:47 AM

انا هحكيلكم مشكلتي من الأول انا معاية عربية استيشن جيبت رف خشب وحطيت عليه سمعتين كينوود 500 وات 5واي
المهم السمعات كنت مركبها على جي ام 600 وات علشان قولت بعد كدة هجيب يا سمعتين كمان يا صباية فبلاش ال 350 وكنت حاطط الجي ام على الربع بس موصيه للربع بس وشغال تمام وكل حاجة ومش بعلي الصوت جامد علشان السمعات متبوظش المهم السمعات ضربيت مني وبطلع صوت خروشة روحت للراجل إل اشتريتها منو طبعا كان فات 3 شهرو قالي لأ ده ملهاش ضمان روحت مكلم التوكيل قالي ليها ضمان 6 شهور هات العربية نبص عليها وممكن نغيرهالك انا كنت كلمت فرع مصر الجديدة اه والراجل سألني قالي انت مركبها فين قولتلو من عند فلا قالي هاتها نبص عليها الأول بعديها بإسبوع روحت بس روحت فرع احمد عرابي قالي أصلا مفيش ضمان على السمعات وانا مش بطلع ضمان روحت متخانق معاهم يعني ايه امال مين إل كلمني وقالي فيه ضمان قالي كلمو وروحلو كلمتو فعلا وقالي اه سعتك فيه ضمان روحت قولت طيب خد قولل لفرع اديت التلفون للموظف وقالو اه ليها ضمان بعدين خت التلفون تاني قالي ليها ضمان بس تكون مركبها من عندنا انا بقولو امال مين إل انا كلمتو من اسبوع وقالي انت ركبتها منين قولت عند فلا قالي تعالى اتفضل ومش عارف ايه قالي لأ محدش قال لحضرتك كده المهم اتخانقت في الفرع والمدير طلع وقالي خير حكيتلو الموضوع قالي هات العربية اول حاجة طلعو العيب من ال جي ام انو ضرب السمعات انا قولت انو واطي على الآخر
قالي بقى الرف ده هو إل خلى السماعة تضرب لازم تعملها بوكس بقولو يعني ايه انا اول مرة اسمع حاجة زي كدة وقالي حتى لو كان ليها ضمان حضرتك انا مش هعتبرو بسبب سوؤ التركيب روحت سايبهم ومشيت فإنتو ايه رأيكم هل الجي ام يضرب السمعات وانا فعلا موطيه ولا الرف فعلا يخليها تضرب يا ريت تجوبوني

**Ahmod** · 25-06-2013 04:20 AM

الجي ام الاول نوعه ايه ؟؟

2 شانيل ولا 4 ؟؟ وكنت موصل السماعات على الجي ام ازاي ؟؟

عموما هي السماعات الكينود ال 500 وات تقريبا بتخرج حوالي 100 rms وطبعا الجي ام ال 600 وات قوي عليهم بس انت بتقول انك موطي الجي ام للربع وماكنتش بتعلي الصوت يبقى احتمالية ان الجي ام حرقهم دي مستبعدة شوية

وطبعا قصة انه متركبة على رف والمفروض في بوكس ده اي كلام في اي حتة !!!!

الرف ممكن يخلي السماعات تزن لو مش مظبوطة او مش متركبة كويس بتحس ان فيه صوت زنة

حاول كدة تفصل السماعات من الجي ام وتركبها على الكاسيت وشوف الاخبار ايه

**eldell** · 29-06-2013 12:43 AM

اولا يااستاذ ماجد الجى ام نوعه ايه وعلى كلامك هو 4 تشانيل مش تو
لو سونى استحاله يخليهم يضربو لو سيمفونى ومعليه ممكن السماعه هتطير لاكن حضرتك بتقول انك موطيه فاستحاله هتطيره وبالنسبه للرف ده وش بيحور علييييك رف ايه الى يطيرها !!!!!!!
على فكره انا لسه من فتره قريبه متخانق مع نفس الفرع ده وكان حوار كبيييييير بس الحمد لله قضيت الى كنت عايزه من عنده ومشيت

**mr_vampire** · 29-06-2013 01:06 AM

المشاركة الأصلية كتبت بواسطة eldell

اولا يااستاذ ماجد الجى ام نوعه ايه وعلى كلامك هو 4 تشانيل مش تو
لو سونى استحاله يخليهم يضربو لو سيمفونى ومعليه ممكن السماعه هتطير لاكن حضرتك بتقول انك موطيه فاستحاله هتطيره وبالنسبه للرف ده وش بيحور علييييك رف ايه الى يطيرها !!!!!!!
على فكره انا لسه من فتره قريبه متخانق مع نفس الفرع ده وكان حوار كبيييييير بس الحمد لله قضيت الى كنت عايزه من عنده ومشيت

طب وبالنسة للاستفسار اللي تحته بتعليقين ده . invisible ولا ايييييييييييييييييييييه ؟؟؟؟؟؟؟

ينفع كدة يعني يامنقذي

**Ahmod** · 29-06-2013 01:23 AM

المشاركة الأصلية كتبت بواسطة mr_vampire

بعد اذن صاحب الموضوع.

استاذ Ahmod لو عايز اركب جي ام علي سماعتين كينوود 500 وات 5 واي. انا مش هعلي الصوت اوي انا بس عايز اسمع صوت نقي وبيز كويس اسمعه انا مش هسمع الشارع كله يعني.

وايه النظام لو هركب 4 سماعات هيبقي الجي ام ايه ؟؟؟؟ وايه الافضل يبقي الاربع سماعات زي بعض ولا يبقي نوعين مختلفين ؟؟؟؟

واخيرا واسف للاطالة. ايه الفرق بيه جي ام 2 شانيل و 4 ؟؟؟؟؟

انا على حسب تجربتي مع الجي امات !! انقى واحد في الخرج بتاعه هو البايونير

بس في نفس الوقت مش بيستحمل الضغط عليه !!! يعني لازم تجيب جي ام اقوى بكتير من السماعات / الصب اللى انت هتركبه عليه

لو فرضنا مثلا هتركبه على سماعات الخرج بتاعه 100rms للسماعة الواحدة يعني انت محتاج 200rms للسماعتين يبقى تجيب جي ام بيخرج على الاقل 400rms عشان لما يشتغل يشتغل باقل من نص طاقته بالتالي مش هيحصل معاك منه مشاكل

الكينود ال 500 وات انا مش عارف بالظبط الخرج بتاعها ايه بس الكينود ال 450 كان الخرج بتاعها 110rms

اعتقد ال 500 ممكن تكون في حدود 130rms للسماعة او اقل شوية ممكن 120rms

يعني ممكن تجبلهم البايونير ال 820 وات ال 2 شانيل وده بيخرج 380 rms هو غالي وقوي على السماعات بس هتسمع منه صوت نضيف

بس الجي ام البايونير لازم تحافظ عليه وماتضغطش عليه والا هيبوظ منك !!

او ممكن تشوف الكينود برضوا نقاءه لا يقل عن البايونير وفي نفس الوقت بيستحمل

و اخيرا عندك الجي ام السيمفوني ال 350 وات هيبقى كويس اوي للسماعتين

اما بالنسبة لنقطة سماعتين او اربع سماعات مش هتفرق !! فيه ناس مثلا تقول الكينود سماعة بيز وبيحبو يجيبو 2 كينود مع 2 بايونير عشان يوازن

بس انا شايف انك بتمن ال 4 سماعات تجبلك سماعتين كينود 600 وات دبل بيز (الاتنين ب 850 جنيه ) احسن من الاربع بكتييير وهتسمع كلام تاااني بقى خالص

بس دول لو هتجبهم لازملهم جي ام شدييد وسعتها انصحك بالكينود ال 720 وات Class - D اللى بيجي بالمروحة بتاعته Built in

**mr_vampire** · 29-06-2013 02:19 AM

الف شكر ياباشا.

يعني نقدر نلخص الكلام الكبير الكتير ده مع العلم ان السماعتين لقيت الواحدة 120 rms والاتنين 240 rms فممكن نقول انهم محتاجين جي ام بيطلع مش اقل من 400 rms عشان يشتغل مرتاح ومن غير حمل عليه.

صح كدة ولا انا فالبتنجان ؟؟؟؟؟؟؟؟؟؟؟
وايه الفرق بين 2 و 4 شانيل وايه الافضل معايا فحالة سماعتين بس كينوود 500 وات ؟؟؟؟

**mr_vampire** · 29-06-2013 02:23 AM

المشاركة الأصلية كتبت بواسطة eldell

حبيب قلبى والله مخدتش باااااالى
لو سماعتين هات 350 وات كينووود
لو 4 يبقى سونى 600 وات او كينوود 720 وعادى بالنسبه للسماعات ممكن يبقو غييير بعض يعنى ممكن تركب اتنين سونى واتنيك كينوود علشان تريبلات السونى تظبط الدنيا معاااااك

حبيب قلبي ياغالي ولا يهمك . بنكشك بس

طب لو جبت كينوود 720 وركبته علي السامعتين بس ( عشان لو حبيت ازود كمان سماعتين ادام ) هل هيبقي ليه تاثير او هيبقي شديد عليهم وممكن يبوظهم ؟؟؟؟؟؟؟

**eldell** · 29-06-2013 02:51 AM

المشاركة الأصلية كتبت بواسطة mr_vampire

حبيب قلبي ياغالي ولا يهمك . بنكشك بس :10d5c8w1107:

طب لو جبت كينوود 720 وركبته علي السامعتين بس ( عشان لو حبيت ازود كمان سماعتين ادام ) هل هيبقي ليه تاثير او هيبقي شديد عليهم وممكن يبوظهم ؟؟؟؟؟؟؟

حبيبى

لا عاااادى ركب 720 ووصل السماعتين على 2 تشانيل بس مش هيبوظ حاجه متقلقش وسيب التو تشانيل التانييين لما تجيب السماعتين التانييين عااادى