السيارات اﻷلمانى والامريكانى تحترم ..

**احمد فهمى** · 25-06-2013 04:45 AM

السلام عليكم ورحمة الله اخوانى اﻷفاضل ...
قد يبدو العنوان غريبآ لكنى اردت ان اشرككم معلومه هل تعلم ان السيارات الالمانى والامريكى لا يمكن اللعب فى عدادها؟ فهى تسجل رقم الكيلو متر فى الكنترول الخاص بها حتى لو غيرت العداد او نزلتو فالرقم الاصلى ثابت وبى ام دبليو ومرسيدس تسجل الرقم على كنترول الفتيس ايضآ يعنى الرقم متسجل مرتين فلا مجال من التلاعب.....

وطبعآ ده مش متوفر فى السيارات اليابانى والكورى والايطالى حتى احتمال انهم يعتقدو ان كل الشعوب ناس محترمه للاسف فى مصر 90% من العربيات المستعمله ملعوب فى عدادها يا من اصحابها يا من صاحب المعرض....

والادهى من ذلك السيارات الامريكى مع العلم انها الاكثر تكنولوجيا تقدمآ خلاف ما يعتقده الناس على الألمانى فمثلا الامريكى وهم اول شركه قبل كل الالمانى فى موضوع الرقم المسجل فى الكنترولات فعندهم ميزه عجيبه رقم الشاسيه هو نفسو رقم المتور فى كل سيارتهم وحتى الفتيس عليه رقم مطابق لرقم المتور يعنى لو غيرت متور او فتيس هيتعرف واضح ان الامريكان نصبو كتير على بعض فقررو يقفلو باب النصب خالص .... افتكرت واحد هنا طنانى ادالو نمرتى بيدور على فيكترا سى وكلمنى بعتو لصابر العربيه عدادها 65 الف كيلو بس الواقع كان 135 الف كيلو طبعآ صاحب العربيه جتلو صدمه كان فاكرها سايبه ولبسناه تمن الكشف عشان نصاب والحمد لله الراجل سلم وشكرآ للتكنولوجيا وربنا يكرمنا ونعمل حاجه احنا كمان حتى لو 128 اوتوماتيك ..

**فادى محمد** · 25-06-2013 09:42 AM

المشاركة الأصلية كتبت بواسطة hilal

معلومات جديدة اول مرة اعرفها
انا دايما باشتري العربية باحساسي وبالشكل العام اقدر اعرف العربية واقفة على حيلها وللا مخسعة دون الاهتمام بحكاية العداد ، العربية المتهانة بتكون واقفة زي الراجل مكسور الجناح ، وخراطيمها تعبانة
واقدر اعرف قطع الغيار اصلية او مقلدة من نوعية الخامات المستخدمة بدون النظر ايه اللي مكتوب عليها

اتفق معاك يا دكتور ..
الحمد لله يا دكتور ربنا اعطاني الحدث او السنس اللي بيوصلني للحقيقه من خلال الشكل
بمعني اني مثلا العربيه اللي موتورها مغسول بالجاز وبيبرق بحس انه عمل كده علشان يداري تسريب زيت او خلافه

انما اللي سايبها بترابها ده مش خايف من حاجه وواثق في حاجته .ده حاجه تانيه .تحياتي لصاحب الموضوع

**hilal** · 25-06-2013 10:33 AM

المشاركة الأصلية كتبت بواسطة فادى محمد

اتفق معاك يا دكتور ..
الحمد لله يا دكتور ربنا اعطاني الحدث او السنس اللي بيوصلني للحقيقه من خلال الشكل
بمعني اني مثلا العربيه اللي موتورها مغسول بالجاز وبيبرق بحس انه عمل كده علشان يداري تسريب زيت او خلافه :n_no[1]: انما اللي سايبها بترابها ده مش خايف من حاجه وواثق في حاجته .ده حاجه تانيه .تحياتي لصاحب الموضوع

أستاذ فادي
الحمد لله الذي رزقنا الفطنة والقدرة على التمييز
وأنا من أشد المعجبين بك شخصيا ، وأستفيد بكل كلمة تكتبها
واليوم الذي لا أجدك فيه في المنتدى ، أحزن وأغادر سريعا
لأني متعود أن كل تعليقاتك في الجون زي ما بيقولوا
بارك الله فيك وفي أسرتك ونفع بك الناس
أنت من عرفتني بالمرحوم محمد جمعة وجعلتني أبحث عن كل كتاباته
وتأثرت كثيرا بآخر مشاركة له وبكيت ، فلك الجزاء من الله ، ولك مني الشكر والتحية

**akmm** · 25-06-2013 10:56 AM

معلومه فعلا جديده .

**shaddadfalcon1** · 25-06-2013 01:40 PM

طيب ماهو ممكن يغير الكونترول صح؟
وبعدين طالما دي حاجه مسجلة الكترونيا يبقي سهل جدا جدا اختراقها وتعديلها :)

**ayman hamdy** · 25-06-2013 01:50 PM

المشاركة الأصلية كتبت بواسطة shaddadfalcon1

طيب ماهو ممكن يغير الكونترول صح؟
وبعدين طالما دي حاجه مسجلة الكترونيا يبقي سهل جدا جدا اختراقها وتعديلها :)

دة صحيح وبيحصل وبدون تغيير اى حاجة تانية بس ممكن الكنترول الجديد يكون مسجل كيلو متر اعلى اية الحل بقي

**amr elsisi** · 25-06-2013 02:13 PM

انا العداد عندي كان عامل 300000 وباظ
غيرتو بواحد تاني عامل 24000
فين بئا بقرأ نفس القراءة
ولا قصدك لو كشفت كمبوتر حيديني الرقم القديم

**احمد فهمى** · 25-06-2013 04:56 PM

المشاركة الأصلية كتبت بواسطة hilal

معلومات جديدة اول مرة اعرفها
انا دايما باشتري العربية باحساسي وبالشكل العام اقدر اعرف العربية واقفة على حيلها وللا مخسعة دون الاهتمام بحكاية العداد ، العربية المتهانة بتكون واقفة زي الراجل مكسور الجناح ، وخراطيمها تعبانة
واقدر اعرف قطع الغيار اصلية او مقلدة من نوعية الخامات المستخدمة بدون النظر ايه اللي مكتوب عليها

للأسف فى عربيات شفتها موديل 2011 وعامله 90 الف كيلو وتقول زيرو ﻷن مفيش استهلاك واضح من الخارج لكن محرك وتعليق والكثير حالتهم على المحك ولو نزل العداد مش هتعرف ولو انت عرفت فى الف مش هيعرفو

المشاركة الأصلية كتبت بواسطة فادى محمد

اتفق معاك يا دكتور ..
الحمد لله يا دكتور ربنا اعطاني الحدث او السنس اللي بيوصلني للحقيقه من خلال الشكل
بمعني اني مثلا العربيه اللي موتورها مغسول بالجاز وبيبرق بحس انه عمل كده علشان يداري تسريب زيت او خلافه :n_no[1]: انما اللي سايبها بترابها ده مش خايف من حاجه وواثق في حاجته .ده حاجه تانيه .تحياتي لصاحب الموضوع

والله يا فادى انا شفت محترفين فى النصب وحاجات عدت عليا شخصيآ وفى العربيات موديل سنه او سنتين فاتو مستحيل تلاحظ زيت او غيرو

المشاركة الأصلية كتبت بواسطة kokowasfy

العربية مش بل الكيلو متر الكيلومتر يتلعب فية بسهولة اوى العربية بلحالة العامة ليها و حالة المتور يعنى انا معاية لانسر 2008 عامل 270 الف بس كل الصينات فى التوكيل و العربية فبريكة يعنى مش بلكيلو متر

صحيح ﻷنها معك بس حاليآ اكيد مش زي ما كانت عامله 30 الف كيلو يعنى عربيه زى عربيتك حاله تمام وعامله 270 الف كيلو وواحد نزلهالك 30 الف كيلو تفتكر هتعمل بيها كمان 270 الف كيلو بشكل طبيعى؟؟

المشاركة الأصلية كتبت بواسطة shaddadfalcon1

طيب ماهو ممكن يغير الكونترول صح؟
وبعدين طالما دي حاجه مسجلة الكترونيا يبقي سهل جدا جدا اختراقها وتعديلها :)

هتجيب منين كنترول عامل كيلو متر قليل من عربيه استيراد ومحدش بيبيع كنترول منغير متورو بس لو فرض فرقم العداد المسجل مبيتنقلش ولا بيتعدل هم عملو حساب الموضوع ده لا تقلق

المشاركة الأصلية كتبت بواسطة amr elsisi

انا العداد عندي كان عامل 300000 وباظ
غيرتو بواحد تاني عامل 24000
فين بئا بقرأ نفس القراءة
ولا قصدك لو كشفت كمبوتر حيديني الرقم القديم

الرقم مستجل على كنترول العربيه مش العداد وبيظهر من الكمبيوتر وده من اول الفيكترا سى والاسترا اتش قبل كده مفيش الكلام ده

-

الموضوع: السيارات اﻷلمانى والامريكانى تحترم ..

LinkBack

أدوات الموضوع

عرض

السيارات اﻷلمانى والامريكانى تحترم .. - انشر الموضوع فى :

-

-

-

-

-

المواضيع المتشابهه

شركة موباكو ...تحترم عملائها....وصنع في مصر

فترة التليين لم تحترم

طوف وشوف: أسعار السيارات في بلد تحترم الناس

الكلمات الدلالية لهذا الموضوع

المفضلات

المفضلات

ضوابط المشاركة