هل الغاء التكيف الساخن فى الميجان له اضرار على السياره

**asdfghjklzx** · 25-06-2013 04:52 AM

انا كان عندى مشكلة فى التكيف عرضتها فى المنتدى من يومين وهى ان عند بداية تشغيل التكيف فتحتين التكيف على يمين وشمال الدركسيون بيطلعوا هواء سخن جدا وبيستمر الحال على كده لمدة 8 دقايق على الاقل وبعدين يبتدوا يطلعوا هواء بارد ولكن اقل فى البروده بكتير من الفتحات الاخرى. رحت لواحد بتاع تكييف قالى ان العيب ممكن يكون تسريب هواء سخن وان الحل هو الغاء السخن فهل ده ليه ضرر على العربيه وهل لازم ميكانيكى شغال فالميجان اللى يلغيه ولا الموضوع بسيط ومش مستاهل لان انا من طنطا ومعرفش ميكانيكى شغال فالميجان لكن فية كتير بيشتغلوا فالالمانى

**aldesha989** · 25-06-2013 06:27 AM

الموضوع بسيط جدآ واى حد ممكن يلغيه

انا لسه لاغيه من تلات ايام عندى وهو تصميمه واحد فى كل العربيات خرطومين واحد داخل وواحد راجع للصالون بيكونو فى صدر العربيه ورا الماتور

الخرطومين دى اى حد يعملهم نص دايره يعنى يفك الخرطومين من صدر العربيه ويحط بينهم ماسوره حديد ويقفلوهم على بعض

او حاجه تانيه زى اللى انا عامله تشوف الخرطوم اللى طويل فيهم وتخده وتفك التانى وتربطه فى فتحات صدر العربيه علشان الماسورتين فى صدر العربيه ما يفضلوش مفتوحين وتخلى الخرطوم الصغير زى نص دايره

والخرطوم الطويل تخليه هو فى دورة التبريد وتخليهم نص دايره بس فى الماتور

وتعمل حسابك انك هتزود مايه لان معظم المايه هتنزل

**h_e_e** · 25-06-2013 01:08 PM

حوار نص التكيف سخن و النص التاني ساقع دا مليون في الميه شحن فريون لسه حاصله معايا اول الصيف دا

**asdfghjklzx** · 25-06-2013 02:51 PM

المشاركة الأصلية كتبت بواسطة h_e_e

حوار نص التكيف سخن و النص التاني ساقع دا مليون في الميه شحن فريون لسه حاصله معايا اول الصيف دا

نقص الشحن بيزود المشكلة لكن مش هو السبب المباشر لان المشكلة حصلت معايا وكنت لسه شاحن التكيف وبدات تزيد اما الشحن قل

**asdfghjklzx** · 25-06-2013 03:08 PM

المشاركة الأصلية كتبت بواسطة aldesha989

الموضوع بسيط جدآ واى حد ممكن يلغيه

انا لسه لاغيه من تلات ايام عندى وهو تصميمه واحد فى كل العربيات خرطومين واحد داخل وواحد راجع للصالون بيكونو فى صدر العربيه ورا الماتور

الخرطومين دى اى حد يعملهم نص دايره يعنى يفك الخرطومين من صدر العربيه ويحط بينهم ماسوره حديد ويقفلوهم على بعض

او حاجه تانيه زى اللى انا عامله تشوف الخرطوم اللى طويل فيهم وتخده وتفك التانى وتربطه فى فتحات صدر العربيه علشان الماسورتين فى صدر العربيه ما يفضلوش مفتوحين وتخلى الخرطوم الصغير زى نص دايره

والخرطوم الطويل تخليه هو فى دورة التبريد وتخليهم نص دايره بس فى الماتور

وتعمل حسابك انك هتزود مايه لان معظم المايه هتنزل

ممكن يابشا توضيح اكتر للطريقة التانية

**shawkylotfy** · 25-06-2013 08:55 PM

الافضل بلاش علشان دورة سائل التبريد تكون اطول والمية تدور فى دايرة اكبر فتبريد احسن للموتور وهن تجربة ملهاش تاثيير على التكييف علشان الاتنيين معزوليين عن بعض

**MohammedAladel** · 25-06-2013 10:06 PM

أزاى ملهاش تأثير على التكييف ؟؟ المفروض ان التبريد يكون أقوى بفرق ملحوظ

أنا ناوى أعملها قريب إن شاء الله

ولو فيه تسريب شحن يبقى لازم كبس دورة التكييف عشان تعرف التسريب سواء من الكاوتش أو من السربنتينة اللى فى التابلوه
أو حتى من السربنتينة نفسها اللى عند الرادياتير

**shawkylotfy** · 26-06-2013 03:00 AM

المشاركة الأصلية كتبت بواسطة mohammedaladel

أزاى ملهاش تأثير على التكييف ؟؟ المفروض ان التبريد يكون أقوى بفرق ملحوظ

أنا ناوى أعملها قريب إن شاء الله

ولو فيه تسريب شحن يبقى لازم كبس دورة التكييف عشان تعرف التسريب سواء من الكاوتش أو من السربنتينة اللى فى التابلوه
أو حتى من السربنتينة نفسها اللى عند الرادياتير

متلغهاش علشان عربيتك اتومالتيك والراديتير بيبرد الفتيس لو قصرت دورة التبريد مش تمام نصيحة وعن تجربة

**MohammedAladel** · 26-06-2013 11:29 AM

ما أنا ممكن أعمل ماسورة بنفس الطول بس أمشيها فى حوض الموتور وأثبتها

**Shiref_mohamed** · 26-06-2013 12:19 PM

المشاركة الأصلية كتبت بواسطة shawkylotfy

متلغهاش علشان عربيتك اتومالتيك والراديتير بيبرد الفتيس لو قصرت دورة التبريد مش تمام نصيحة وعن تجربة

الكلام ده مش صح يا استاذ شوقي لآن البوابة الى بتقفل على السخن في اول الدفايه وطالما حضرتك قافل السخن يبقى في الحالة ديه الدفاية ملغية بالفعل ..
وكل الى بتعمل انك بتفك الخرطومين الى واصلين للدفايه وتوصلهم ببعض بماسورة وشكراً

الموضوع: هل الغاء التكيف الساخن فى الميجان له اضرار على السياره

LinkBack

أدوات الموضوع

عرض

-

-

-

-

المواضيع المتشابهه

الغاء التكييف الساخن بالتوكيل

الغاء التكييف الساخن فيكترا a

هل تشغيل التكيف الساخن (الدفايه) هيأثرعلي الماروتي

عايزيين نلغي التكيف الساخن .... ايه رأيكم

هل الغاء التكيف الساخن يزيد من كفاءة التكيف البارد ( الثلاجة) ؟

الكلمات الدلالية لهذا الموضوع

المفضلات

المفضلات

ضوابط المشاركة