هام جدا لكل من استلام الايليزيه

**zooma2009** · 26-06-2013 04:09 PM

اللي اعرفه ان العربيتين typical ... مفيش اي اختلاف ... يا راجل ده فانوس الاليزيه مكتوب عليه بيجو ستروين :D

الفكره اكيد الموضوع ليه علاقه بالصيانه بدليل ان التوكيل قال المفروض يزود فريون ( ما علينا ان ده ملوش علاقه) بس اكيد فيه حاجه تانيه فالصيانه

اتمني من ملاك البيجو والسيتروين كلهم المشاركه

**hossamkoshy** · 26-06-2013 05:15 PM

طيب ممكن حد يبعت email لستروين و يشرح لهم المشكلة
اكيد الناس دي عندها حل.......

**engmina2013** · 27-06-2013 02:58 AM

انا كنت متأكد أني المشكلة ديه أكيد هتكون في البيجو كمان لأنهم بالفعل عربية و حده
و احب أقول لصاحب البيجو أن الموضوع بيسوء كل مدي و ده هيبان معاك و هتلاقي بعدين أن العربية وانت واقف في الإشارة و دايس فرامل الأر بي أم ليتحرك سريع و العربية بسقف و هتحس برجرجة في العربية كل ده في اماكن الزحام الشديدة مع الحرارة العالية
بالمنسبة ديه انا رحت التوكيل كتير و كان آخر حاجة أنهم بعتوا برا يسألوا عن حل و برا مفهموش إيه المشكلة ف
اللي عرفته أن في مهندس كان جاي من برا يو م. ٢٣و لاغي سفره بسبب حال البلد
أرجو يا جماعة كل اللي استلم العربية سواء ستروين أو بيجو يجرب عربيته كويي في الزحمة عشان لو لقي المشكلة و بنسبة كبيرة هيلاقيها يجئ معانا التوكيل

**dozo** · 27-06-2013 04:58 AM

لا اله الا الله ...
العربيه دى مش موتورها 1600 !!!! يعنى موتور مش سعته صغيره عشان التكييف يأثر على سحب العربيه ... لازم التوكيل يشوف حل للموضوع ده لانه غير طبيعى .

**asuity** · 27-06-2013 10:36 AM

انا بأكد على كلام مينا.

اللي يفقع المرارة ان العربية بجد ممتازة جدا بس وهو التكييف مقفول انما اول ما التكييف بيشتغل العربية بتتحول لبطة بلدي واحيانا مش بتتحرك من مكانها.

عموما انا متابع معاهم في عز العرب وحاولت اتواصل مع PSA وبعت email بس اظاهر كده انه مارحش.

اللي يعرف يدلنا ازاي نوصل لفرنسا يا ريت يقولنا.

وحسبي الله ونعم الوكيل

**mezolove1984** · 27-06-2013 12:34 PM

المشاركة الأصلية كتبت بواسطة engmina2013

انا كنت متأكد أني المشكلة ديه أكيد هتكون في البيجو كمان لأنهم بالفعل عربية و حده
و احب أقول لصاحب البيجو أن الموضوع بيسوء كل مدي و ده هيبان معاك و هتلاقي بعدين أن العربية وانت واقف في الإشارة و دايس فرامل الأر بي أم ليتحرك سريع و العربية بسقف و هتحس برجرجة في العربية كل ده في اماكن الزحام الشديدة مع الحرارة العالية
بالمنسبة ديه انا رحت التوكيل كتير و كان آخر حاجة أنهم بعتوا برا يسألوا عن حل و برا مفهموش إيه المشكلة ف
اللي عرفته أن في مهندس كان جاي من برا يو م. ٢٣و لاغي سفره بسبب حال البلد
أرجو يا جماعة كل اللي استلم العربية سواء ستروين أو بيجو يجرب عربيته كويي في الزحمة عشان لو لقي المشكلة و بنسبة كبيرة هيلاقيها يجئ معانا التوكيل

انا مشاويرى مش طويله اوى بس كان فى يوم من حوالى اسبوعين درجه الحرارة وصلت 50 فى اليوم ده خدت مشوار من جامعه القاهره للعجوزة لمدينه نصر الساعه 2 الظهر بصراحه محستش برجرجه او تسقيف او حاجه العربيه كانت عاديه جدا

**mohjarr** · 27-06-2013 02:47 PM

لم تحدث معى المشكلة حتى الأن !! من الممكن أن يكون ذلك له علاقة بطريقة القيادة أو لأننى لم أكمل حتى الألف كيلو حتى الأن على الرغم من قيادتى للسيارة على القيادة العادية و السبورت مود و فى أيام وصلت درجة الحرارة على الشاشة إلى 44 .. لو حدثت معى أكيد هأذكرها بس لو المشكلة عامة أكيد هأساهم معاكم لإيصال الشكوى للشركة الأم .
صفحة الإتصال بالشركة من هنا http://www.peugeot.com/en/.......

**memoo1286** · 27-06-2013 03:15 PM

مينا يا صديقى جرب تحط بنزين 95 وجرب وقولنا الأخبار

**Hossam_hassan4** · 19-07-2013 03:01 AM

المشاركة الأصلية كتبت بواسطة zooma2009

اللي اعرفه ان العربيتين typical ... مفيش اي اختلاف ... يا راجل ده فانوس الاليزيه مكتوب عليه بيجو ستروين :d

الفكره اكيد الموضوع ليه علاقه بالصيانه بدليل ان التوكيل قال المفروض يزود فريون ( ما علينا ان ده ملوش علاقه) بس اكيد فيه حاجه تانيه فالصيانه

اتمني من ملاك البيجو والسيتروين كلهم المشاركه

ممكن ضغط الفريون ليه علاقه لان كان عندي مشكله ان التكييف فجاه بيتحول لمروحه و يجيب هوا سخن بمجرد ما ظبطوا ضغط الفريون الموضوع اتظبط :)

**seeworld** · 21-07-2013 12:40 AM

ياجماعة انا اخوكم جديد فى المنتدى
انا الحمدلله استلمت الاليزية بعد حيرة كتير وكنت هجيب البيجو لكن الحمدلله استلمت الاليزية
العربية استلمتها من اسبوع وعاملة دلوقتى 700 كيلو معايا
والعربية من ناحية السحب ماشاء الله بدون تكييف
ولو شغلت التكييف بتقل حاجة بسيطة جدا
تقيمى العام للسيارة جيد جدا ينقصها بس بعض الكماليات انا معاى الهاى لاين بدون فتحة سقف ولا كراسى جلد او كهرباء ولا مرايات ضم
زى الكيا
لكن يميزها الثبات انا جربت العربية على سرعة 160 على الدائرى وانا رايح التجمع ماشاء الله ثبات رائع وخصوصا فى المنحينات

لكن بالنسبة للاعضاء اللى بتشتكى من التكييف والسحب مش عارف بس انا مش قبلتنى المشكلة دى
لانى لسة 700 كيلو