احكلنا عن مغامراتك في ظل أزمة البنزين ( موضوع فكاهي )

بسم الله الرحمن الرحيم
السلام عليكم و رحمة الله و بركاته

طبعا في ظل الازمة اللي بنواجهها و شدة الاعصاب و الغضب

قولت نفك عن نفسنا شوية و كل واحد يحكي مغامراته الطريفة و هو بيحاول يحط بنزين


و هبدا بنفسي

نزلت من الساعة 10 الصبح بدور ع بنزين القاهرة الجديدة و م.نصر كلها مفيهاش و شوارع كتييير مهوية و شوارع مبتتحركش و وصلت لمصر الجديدة و الحدايق و كله مقفل
و فيه بنزينات قافلة مع ان عندها بنزين و شايف جراكن كبييرة بتطلع و بتدخل معبية و بنزينات عمالي تعبي لجراكن علي عربيات كارو و نص نقل بس هتقول ايه الناس كلها واقفين يتحسبنوا و يقولك مفيش رقابة ميدانية صح عليهم
ده غير خناقات عند كل بنزينة
سمعت واحد بيقول التاني في الشارع وطنية زهراء م نصر فيها و انه لسه ممون منها و انا في الماظة كده كده انا مروح و العربية مفيهاش بنزين طبعا قولت اشد ع هناك من الماظة ل سيتي ستارز من ورا لـالحي التامن للزهراء بحاول اتجنب اي مناطق فيها بنزينات عشان بتبقي مشلولة تماما غير كده الشوارع فاضية و الناس ماشيين يعقل اوووووي

( انا من زمان قولت يقلوا البنزين عشان الشوارع تفضي محدش بيصدقني هههه )

وصلت الحمد لله و الطابور واصل لحد السنترال فضلت واقف يجي ساعتين و في الاخر خلصت قولت مش مشكلة الناحية التانية اللي جنب الشبراوي فيها و الناس بتمون و روحت اتأكد بنفسي قلت ع الناحية التانية و فضلت واقف
واذ فجأة شخص عايز الحرق اقل حاجة معاه بيجو 504 و انا واقف راح راشق في العربية من ورا انزل ابص الله يرحم الشنطة بالكالون و هو معندوش خدش
الطريف بقي هنا يقولي

" انت زعلان ليه "

لا ابدا تعالي و انا اقولك
( هو اللي جابه لنفسه ع فكرة غلطش انا ) :10D5C8w1107:

و الاطرف البنزينة ديه كمان خلصت

خلاص العربية بقت ع اخر شرطة و انا بطبعي مش من النوعية اول ما اسمع ازمة بنزين اطلع اجري افوول طالما معايا
الناس هي اللي بتعمل الازمة او تزودها اول ما يسمع ازمة يطلع يجري يفوول و تلاقي التفويلة ديه 10 لتر في تانك 40 لتر بتبقي عايز تولع فيه

السلبيات اللي شوفتها

- مفيش مراعاة يعني و انا رايح اقف في الطابور شاب معاه اوبل وقف في وسط الشارع عايز يرجع لأنه مكنش عارف ان ده اخر الطابور يعتبر جيه قبلي و قبل اللي قدامي اللي معاه سكودا راح صاحب السكودا داخل و صاحب الفيكترا قاله انا جي و التاني طنشه و كبر دماغه رجعت و خليته يدخل قدامي و عربيته فصلت مفيش بنزين اساسا و بقينا بنزقها و سابنا و راح يدور ع حبة بنزين ياخدهم يحطهم يمشوه للبنزينة بس و بقينا بنزقها عقبال ما يجي و الناس بقت بتساعد حتي بتوع النقل و خاصة ان الفيكترا ما شاء الله تقيلة و في نفس الوقت مطلع جامد

- تاني حاجة الناس بتدخل تفوول كل واحد يدخل يفوول طب ايه اللي هيحصل لما تحط 20 لتر بالكتيير و تهمد في بيتكم شوية او تخف رجلك ع البنزين او طالما معاك اللي يكفيك بتحط ليه زيادة لازم تخلي عندك دم عشان غيرك اللي معهوش يقدر ياخد و البنزينة المفروض متسمحش باكتر من 20 لتر
و النتيجة لما روحت اتأكد من وجود بنزين بقيت ابص في مؤشرات البنزين في العربيات بغلاسة لقيت العربيات اللي بتحط اغلبهم معاه فوق نص التانك و فيه عربيات المؤشر قريب من الـFull و في الاخر الناس اللي عربيتهم ع اخر شرطة معرفوش ياخدوا لتر واحد و ركنوها و قفلوها و انا الحمد لله اني عرفت اروح البيت بالاحتياطي اللي باقي و اهي مركونة لحد ما تفرج و انزل بجيركن

- تالت حاجة محتاجيين رقابة ميدانية شديدة عشان البنزينات اللي مش راضية تطلع بنزين للناس و بتطلعه في جراكن و العربيات الكارو و النص نقل اللي مليانة جراكن و بيعبولهم و اللي يكلم يقوله ملكش فيه و خليك في حالك ياما يتضرب

- مفيش نظام و كله بيتكتل و خلاص و بيدخلوا بغباء و ده بيدل ع مدي جهل الكثيرين ده سواقين النقل اللي الناس بيقولوا عليهم بيشربوا و جهلاء عندهم نظام عن الكثير من اصحاب الملاكي الحاصليين ع المؤهلات العليا

واخيرا و ليس اخرا بعد كل ده روحت بالعربية ع اخر شرطة
و شكل اليوم ده مش ناوي يخلص الا لما ارتكب جناية
الاقي شخص مش عارف اقول ايه عليه ساب كل الباركينج و راكن مكاني تحت البيت
هي المشكلة مش في الركن لما بيكون ضيوف جايين بنسيبهم مراعاة للجيرة و كده كده كل المنطقة متفقيين مع بعض ع الاماكن منعا للمشاكل و الناس متفهمة
لكن الطريف فعلا
انه ساكن ع بعد عمارتين و عمارته فيها جراج تحت ده غير مكان لركن 3 عربيات قدام بوابة العمارة
( و كان هيجيبه لنفسه برده لأنه مش عاجبه بس جابها من قصيرها و لو كان كتر في الكلام مكنش يلوم غير نفسه انا جايب اخري طول اليوم )

طلعت البيت قولت هييييييه ما احلي وجود العجلة اخلص بقي اي حاجة قريبة ورايا اومال انا شايلها ليه اروح اطلعها و ارجلش الفرامل و اظبطها و جيت انزلها

:waaaht: لقيت الكاوتشتين مخرومين و لازم يتغيروا داخلي و خارجي :waaaht:

حقا كان يوم ظريف :nosmile:

و اخيرا احب اقول

http://nileup.com/up/uploads/nilemotors_13721758921.jpg


هل من مغامرات طريفة احسن انا قلبتها دراما ههههههههه

والله أنت راجل زي العسل

ربنا ينتقم من سارقي قوت الشعب تجار السوق السوداء وينتقم من كل صاحب محطة بيهرب وقود او مشارك في صناعة الازمة دي

انا شخصيا من يومين كانت العربية خلاص مفيهاش يمكن لتر واحد واضطريت احط 5 لتر 95 انقذوا الموقف ولسه ماشي بيهم لدلوقتي والصراحة مجربتش اقف امون بسبب المنظر المرعب امام البنزينات

ربنا يهون ويزيح الغمة

اكبر مغامرة عندي
ان محططش بنزين لسه لان مش لاقي بنزين
ولما بلاقي بيكون الوقت مش سامح اني انتظر 3 ساعات ..

انا بمون من البنزينه المتنقله عندنا فى المنطقه كتير اوى تلاقى حاطت كام جركن على كام قمع ويقولك الجركن بعشه جني ومافيش ريحه بنزين خاااااااالص ولا تشم ريحه بنزين وانت بتحط فى التانك منك لله يالى فى بالى ( م.... ) بدل ماخد وقف تانى ههههههههه

بص يا كبير انا النهاردة صحيت الساعة 8 الصبح معا انة اول يوم ليا في الاجازة وكنت عاوز انام واخدت العربية وطلعت علي بنزينة علي الطريق السريع عندنا في طنطا وقفت حوالي ساعتين الا ربع وكان باقي علي دوري 3 عربيات و البنزين خلص رحت واخد العربية وماشي قدام شوية بعدها ب 100 متر في بنزينة تانية وقفت فيها ساعة ونص وبرضو البنزين خلص قبل دوري ب 7 عربيات قلت لا بقي انا اروح احسن لان الجو بقي حر اوي وعاوز انام وانا مروح صاحبي كلمني قالي في بنزين في بنزينة جوة البلد قلت قشطة في طريقي كدة كدة اعدي عديت هناك لاقيت عربيتين وقفين قلت يااااااا فرج الله اخيرررررررررا همووووووون ولسة بقول هيييييييييييية لاقيتهم بيحطو يافطة لا يوجد بنزين بصراحة كان جوايا احساس اني عاوز اشكرلهم للصبح علي الي عملوة فينا دة واخدت بعضي وروحت ومحطتش ولا لتر بنزين

كوميدي الموضوع عشان نضحك بدل ما يحصلنا حاجةصحيح أنا عمري ماشفت أزمة داخلالها علي شهر
الأزمة تقعد ٣ او ٤ ايام بالكثير اسبوع انما تدخل علي شهر والحكومة ولا دريانة بحاجة
هو فين هشام منديل اللي كان بيرضع العيال ولا كان بيلبس ملابس قطنية
ولا فين وزير البترول اللي بيقول مفيش أزمة
طاب فين ملهم الثورات حامي الديار ناصر المستضعفين مزلزل الزلازيل وحش الجبال عفريت الأسفلت فتي الشاشة الاول ونجم الجماهير الاسطي مرسي العياط
دة انت خليت مصر كلها تعيط
يا راجل دة لما شوية ناس طلعوا علي مكتب الإرشاد في المقطم طلعت في التلفزيون وعملت خطاب
لما الزرع عندك باظ في الحديقة عملت خطاب بتاع النباتات
خنقتنا بسوريا والشيعة وايران وحماس وفلسطين وحزب الله
طاب لما الشعب بيتحرق محدش معبرنا ليه
حسبي الله ونعم الوكيل
لقد شوهتوا الاسلام فما انتم الا مجموعة من المرتزقة اتخذتم الدين واجهة لكم
اخذلكم الله وكشف نواياكم

رحت أمون لقيت امه لا اله الا الله واقفه قلت مبدهاش مش هرجع الا لما أمون يادوب وقفت في الطابور 5 دقايق وكان بيني وبين المكنه ييجي 25 عربيه على الصف بتاعي وهوب بداو يخرجو من الطابور واحد ورا التاني لقيت بيني وبين المكنه عربيتين قلت كده فل أوي أول ما ييجي البنزين همون ويادوب 5 دقايق ولقيتهم بيمونو أتاريهم كانو بيقولو ان البنزين خلص عشان بتوع الجراكن والتكاتك يمشو.

ابن واحد صاحبى دفع خلو رجل من الطابور 10 جنية لواحد كان واقف بعربيتة قدام عشان يعرف يمون...اة و الله.!!!!

كان ناقص عندى ربع التانك بس لقيت بنزينه موبيل فيها عربيتين قلت اكمل التنك بالمره الكميه الى عايزاها العربيه بالكتير 12 لتر لقيته بيقولى 22 لتر :d
يعنى تقريبا نص التانك بالاحتياطى كمان

لو جنان إنك تطبع ورق مكتوب عليه " ربنا يخليك لينا يا مرسي " و توزعهم في طابور البنزين ... إتجنن :)

الموضوع فى تزايد

عندنا فى اسكندريه الصفوف على بنزين 80 وسولار بالعبيط

طوابير هابله هابله يعنى لو معدى من جنب بنزينه فيها سولار او 80 انصحك ما تعديش احسن هتتظبط

اقتباس:

---

المشاركة الأصلية كتبت بواسطة janagabr

طاب فين ملهم الثورات حامي الديار ناصر المستضعفين مزلزل الزلازيل وحش الجبال عفريت الأسفلت فتي الشاشة الاول ونجم الجماهير الاسطي مرسي العياط
دة انت خليت مصر كلها تعيط

---

التعلييييق دة جاااااامد اووي ضحكني اووووووي بجد

اقترح علي الاداره فتح قسم جديد خاص بالبنزين لان الموضوع هيطول واهو كمان يكون تأريخ وتسجيل للاحداث دي
ثانيا ما اظنش ان ازمه البنزين تعتبر شئ فكاهي او مضحك خصوصا لو شغلك معتمد كليا علي السياره
يعني انا لما اكون شغال ورادي بليل هخلص شغلي الساعه 8 الصبح واقف علي طابور بنزين لبليل وانام امتا ؟
للاسف المرور والترخيص اكل معظم اجازتي كان نفسي اقف في طابور البنزين عشان الصحبه الجامده اللي الواحد بيلاقيها هناك
الناس كلها بتتصاحب وتتكلم وكانهم جيران او اصدقاء سبحان الله
البنزينه المحترمه بترحم الناس من الزحمه والوقت

اقتباس:

---

المشاركة الأصلية كتبت بواسطة Dr.Mostafa Anwar

والله أنت راجل زي العسل

ربنا ينتقم من سارقي قوت الشعب تجار السوق السوداء وينتقم من كل صاحب محطة بيهرب وقود او مشارك في صناعة الازمة دي

انا شخصيا من يومين كانت العربية خلاص مفيهاش يمكن لتر واحد واضطريت احط 5 لتر 95 انقذوا الموقف ولسه ماشي بيهم لدلوقتي والصراحة مجربتش اقف امون بسبب المنظر المرعب امام البنزينات

ربنا يهون ويزيح الغمة

---

الله يكرمك يا باشا بس احنا عايزين اي مواقف كوميدية حصلت

اقتباس:

---

المشاركة الأصلية كتبت بواسطة S O P H O S

اكبر مغامرة عندي
ان محططش بنزين لسه لان مش لاقي بنزين
ولما بلاقي بيكون الوقت مش سامح اني انتظر 3 ساعات ..

---

لا عادي انا طول اليوم و في الاخر رجعت بيتنا اركنها لأ و اتخبطت و لقيت واحد راكن مكاني ههههههههه

اقتباس:

---

المشاركة الأصلية كتبت بواسطة ahmed air

انا بمون من البنزينه المتنقله عندنا فى المنطقه كتير اوى تلاقى حاطت كام جركن على كام قمع ويقولك الجركن بعشه جني ومافيش ريحه بنزين خاااااااالص ولا تشم ريحه بنزين وانت بتحط فى التانك منك لله يالى فى بالى ( م.... ) بدل ماخد وقف تانى ههههههههه

---

لا يا باشا ده بنزين بس من الحنفية عالطول هههههههههههههههه هم دول اللي شوفتهم في البنزينات انهاردة كارو و نص نقل و داخلين يعبوا جراكن متقدرتش تعدها من كترها

اقتباس:

---

المشاركة الأصلية كتبت بواسطة M I D O

بص يا كبير انا النهاردة صحيت الساعة 8 الصبح معا انة اول يوم ليا في الاجازة وكنت عاوز انام واخدت العربية وطلعت علي بنزينة علي الطريق السريع عندنا في طنطا وقفت حوالي ساعتين الا ربع وكان باقي علي دوري 3 عربيات و البنزين خلص رحت واخد العربية وماشي قدام شوية بعدها ب 100 متر في بنزينة تانية وقفت فيها ساعة ونص وبرضو البنزين خلص قبل دوري ب 7 عربيات قلت لا بقي انا اروح احسن لان الجو بقي حر اوي وعاوز انام وانا مروح صاحبي كلمني قالي في بنزين في بنزينة جوة البلد قلت قشطة في طريقي كدة كدة اعدي عديت هناك لاقيت عربيتين وقفين قلت يااااااا فرج الله اخيرررررررررا همووووووون ولسة بقول هيييييييييييية لاقيتهم بيحطو يافطة لا يوجد بنزين بصراحة كان جوايا احساس اني عاوز اشكرلهم للصبح علي الي عملوة فينا دة واخدت بعضي وروحت ومحطتش ولا لتر بنزين

---

هههههههههههههههههههه بصراحة انت تغلبت عليا في الموقف ده لكن انا تغلبت عليكم جميعا واحد دخل في الشنطة ضيعهالي و اللي راكن مكاني و رجعت ع الاحتياطي :10D5C8w1107:

اقتباس:

---

المشاركة الأصلية كتبت بواسطة Ahmed_Adham

رحت أمون لقيت امه لا اله الا الله واقفه قلت مبدهاش مش هرجع الا لما أمون يادوب وقفت في الطابور 5 دقايق وكان بيني وبين المكنه ييجي 25 عربيه على الصف بتاعي وهوب بداو يخرجو من الطابور واحد ورا التاني لقيت بيني وبين المكنه عربيتين قلت كده فل أوي أول ما ييجي البنزين همون ويادوب 5 دقايق ولقيتهم بيمونو أتاريهم كانو بيقولو ان البنزين خلص عشان بتوع الجراكن والتكاتك يمشو.

---

طب كويس انهم عملوا كده احسن من اللي شوفتهم انهاردة بيعبولهم و اللي يتكلم يتضرب

اقتباس:

---

المشاركة الأصلية كتبت بواسطة mirra

ابن واحد صاحبى دفع خلو رجل من الطابور 10 جنية لواحد كان واقف بعربيتة قدام عشان يعرف يمون...اة و الله.!!!!

---

يخربيت الفهلوة و استغلال ظروف الناس يعني انا خليت واحد يدخل و قولت مجتش من عربية و ده يديهاله بـ10 ج طب الواحد عرف لو حب يطلع بمصلحة هيعمل ايه ههههههههههههههه

اقتباس:

---

المشاركة الأصلية كتبت بواسطة aliabdo

كان ناقص عندى ربع التانك بس لقيت بنزينه موبيل فيها عربيتين قلت اكمل التنك بالمره الكميه الى عايزاها العربيه بالكتير 12 لتر لقيته بيقولى 22 لتر :d
يعنى تقريبا نص التانك بالاحتياطى كمان

---

حاجة من الاتنين ياما المؤشر بيشتغلك ياما العداد بيستعبط D:

اقتباس:

---

المشاركة الأصلية كتبت بواسطة aldesha989

الموضوع فى تزايد

عندنا فى اسكندريه الصفوف على بنزين 80 وسولار بالعبيط

طوابير هابله هابله يعنى لو معدى من جنب بنزينه فيها سولار او 80 انصحك ما تعديش احسن هتتظبط

---

عايزين مواقف كوميدية مش حالة البنزينات :)

اقتباس:

---

المشاركة الأصلية كتبت بواسطة mahmoud85

اقترح علي الاداره فتح قسم جديد خاص بالبنزين لان الموضوع هيطول واهو كمان يكون تأريخ وتسجيل للاحداث دي
ثانيا ما اظنش ان ازمه البنزين تعتبر شئ فكاهي او مضحك خصوصا لو شغلك معتمد كليا علي السياره
يعني انا لما اكون شغال ورادي بليل هخلص شغلي الساعه 8 الصبح واقف علي طابور بنزين لبليل وانام امتا ؟
للاسف المرور والترخيص اكل معظم اجازتي كان نفسي اقف في طابور البنزين عشان الصحبه الجامده اللي الواحد بيلاقيها هناك
الناس كلها بتتصاحب وتتكلم وكانهم جيران او اصدقاء سبحان الله
البنزينه المحترمه بترحم الناس من الزحمه والوقت

---

محدش قال ان ازمة البنزين شئ فكاهي او مضحك لكن الموضوع واضح المواقف الكوميدية اللي واجهتك بسبب ازمة البنزين

الله يكون فى عونكم جميعا الحمد لله انا بقضيها مواصلات وربنا يستر متقفش هيا التانية
البنزينات عندنا الطوابير اقل حاجة ممكت تعدى 10 ساعات وصفين بنزينة وطنية هيا الوحيدة اللى فيها نظام شوية ومفيش جراكن انما الباقى حدث ولا حرج على المهازل اللى بتحصل وضرب النار والمعارك اللى بتحصل فيها
وبفكر فعلا فى عجلة وشايف انه حل معقول فى بورسعيد
بس فى القاهرة الله يكون فى عونكم بجد
ويعدى الايام الجاية على خير

ال وانا الي رايح اشتري عربيه 2000 سي سي كده الحق ابدل واجيب حاجه قدرة اتنين حمار وفول تبن وبرسيم واهو الواحد يحس بجو البلد

https://m.ak.fbcdn.net/sphotos-d.ak/..._3182028_n.jpg

رايح احط بنزين النهارده
المهم واقف في الطابور ساعه فاتزنقت فعايز اروح الحمام
فقولت للي ورايا معلش هقفل العربيه و اروح تخش الحمام في اقرب قهوه
لقيته بيقولي و ليه يا عم و راح مديني ازازه فاضيه

قلتله انت عامل حسابك ولا ايه

قالي اه و معايا ترمس شاي و سندوتشات كمان

و في الاخر ممونتش و مروح و العربيه علي اخر شرطه و هروح بكره مشاوير الشغل كلها مواصلات

مفيش مواقف كوميدية للاسف مواقف محزنة من خناقات و مشاحنات و عربيات بتريح على بعضها و اصحابها بينزلوا يتخانقوا و عربيات قافلة طريق سريع بسبب طوابير البنزين هى دى الكوميديا السوداء اللى حصلت معايا

واحد صاحبي راح البنزينة قال للراجل اللي هناك عندك بنزين ؟؟؟؟ قالوا لأ ... و هو عنده جوه

النهارده شفت مشاهد تاريخيه :
1- شل في شارع اللاسلكي طابور عملاق م المحطه لغايه سوبر ماركت مترو للي يعرف المكا هتفاجا ا العربيات كلها او اغلبها مفيهاش اي قائد ليها و كلها مغلق تبدا م مترو و تتهي عن طرمبه البنزين واضح ا دول اتثبتوا في الطابور و خلص عليهم البنزين ( الساعه الواحده ظهرا)
2- انا في توتال الاتوستراد من 1 الي 3.30 حصل فيهم الاتي موت و ده الأهم - خلصت ص علبه السجاير عليه و علي الاتين اللي كاوا في العربيتين اللي جنبي يمين و شمال ( اخوه و صداقه و جيره طابور) اخت بعربيه ماتريكس اخترقت الصف بتاعي و صممت اها تدخل قدامي سبتها و كا نجزائها كسر باكته الباب الأيمن الخلفي ليها هي اللي كسرتها و الله لانها استغبت في الدخول .و روحت الحمد لله بنقط من كل حته .
3- مشهد ليلي شارع النصر المعادي طابور خرافي من محطه كالتكس اللي في اول الشارع امام مدخل صقر قريش و ينتهي عند كشك السجاير المقابل لمؤمن ماساه بجد الناس دي كلها هتمون امتي؟؟؟؟!!!!!

والله يا جماعة معلش مش هزار بس يمكن حظ اخر مرة يوم الاتنين نزلت امون من بنزينة جنبنا لقتها فااااااااضية مفهاش ولا عربية مصدقتش و دخلت فولت و مشيت زي الفل البنزينة في شارع القصر العيني وقبليها بردو دخلت امون كنت تاني عربية اللي قدامي طلع و دخلت وراة يمكن انا محظوظ و علي فكرة يستحسن تمون الفجر كدة بتبقي في بنزينة في شارع رمسيس بصلي الفجر و ارووح تكون لسة العربية مفضية بنزين افول و امشي

صحيح شر البلية ما يضحك ! أنا مفول من اسبوع وباقي عندي نص التانك متبت عليه مش راضي احرك العربية

انا وقفت النهارده في موبيل عند عمارات اغاخان تقريبا ساعه و شويه عشان احط بنزين و كان طابور طويل و بعد ما مشيت كان الطابور واصل لحد نزله كوبري امبابه ده غير ان الطابور كان 3 طوابير و طبعا جراكن بنزين بتتملي و خارجه متعرفش بتروح فين اكيد بتتهرب و طبعا كنت متنرفز و على اخري و عملت حركه انا متضايق من نفسي لحد دلوقتي اني كنت قفلت داخله و خارجه بتاعت شارع و عطلت كام عربيه بسببي بس كنت خلاص جبت اخري و مش طايق و خصوصا ان في ناس بتدي اشاره يمين و في الاخر يقوم واقف قدامك في الطابور و ديه حاجه منتهى قله الادب ابقى واقف في الطابور و حد يجي يخش على الجاهز طب ليه حرام بجد

اقتباس:

---

المشاركة الأصلية كتبت بواسطة ZOoOoMA

انا وقفت النهارده في موبيل عند عمارات اغاخان تقريبا ساعه و شويه عشان احط بنزين و كان طابور طويل و بعد ما مشيت كان الطابور واصل لحد نزله كوبري امبابه ده غير ان الطابور كان 3 طوابير و طبعا جراكن بنزين بتتملي و خارجه متعرفش بتروح فين اكيد بتتهرب و طبعا كنت متنرفز و على اخري و عملت حركه انا متضايق من نفسي لحد دلوقتي اني كنت قفلت داخله و خارجه بتاعت شارع و عطلت كام عربيه بسببي بس كنت خلاص جبت اخري و مش طايق و خصوصا ان في ناس بتدي اشاره يمين و في الاخر يقوم واقف قدامك في الطابور و ديه حاجه منتهى قله الادب ابقى واقف في الطابور و حد يجي يخش على الجاهز طب ليه حرام بجد

---

يا سلام يديك اشارة انه عايز يعدى ويقوم داخل قدامك بعد ساعات وقفة وحرقة دم
دنا كنت حطيته هو وعربيته فى الشنطة لغاية ما يبانلوا اصحاب:10_1_104v[1]:

اقتباس:

---

المشاركة الأصلية كتبت بواسطة Amr Axel

:waaaht: لقيت الكاوتشتين مخرومين و لازم يتغيروا داخلي و خارجي :waaaht:

---

حاول متجبش داخلى وخارجي ممكن تجيب تيوبلس هانكوك راجع الموضوع دا.....
http://www.nilemotors.net/Nile/345521-a.html


:36_2_33::36_2_33::POINTIy2[2]:

اقتباس:

---

المشاركة الأصلية كتبت بواسطة holt_za

واحد صاحبي راح البنزينة قال للراجل اللي هناك عندك بنزين ؟؟؟؟ قالوا لأ ... و هو عنده جوه

---

ههههههههههههههههههههههههه ههههههههههههههههههههههههه ههههههههههههههههههه ههههههههههههههههههههههههه ههههههههههههههههههههههههه ههههههههههههههههه

عندي ابني 3 سنين .. قولتله النكته دي من شهر كده .. مش بيبطل ضحك مع انه مش فاهمها اصلا

بسم الله الرحمن الرحيم ...
الازمه عندنا في دمياط بقالها تقريبا شهر ونص مفش عارف احكي ايه ولا ايه بس كلها بلاوي سودا وخناقات .. بس احلي حاجه كميه الصداقات اللي الواحد بيعملها هناك ... انا اتعرفت علي بتاع 4 معرفه بنزينه زي الفل عيال كفاءه

من كام يوم رايح امون وقفنا بتاع ساعتين ولسه اودامنا بتاع 30 عربيه كده وكان بيني وبين صاحبي اللي كلمني وقالي ان فيه بنزين عربيه صغيره كده اللي اسمها فطوطه والراجل صاحبها فاتح الصندوق واحنا قاعدين معاه ومزاجنا عنب .. وبتاع الشاي معدي ضربنا شاي .. اه .. مهو بقي في بتوع شاي دلوقتي في الطابور .. اصل احنا من زمان اوي .. ضربنا الشاي وتمام وفتحت اللاب خبطنا نص فيلم سمير ابو النيل ما هو اليوم مطول بقي والقعده حلوه علي العربيه اصل الراجل صاحب الفطوطه الله يباركله كان عامل الصندوق حاجه كده شبه البراكيه .. بشوات قاعدين .. وطبعا كالعاده البنزين خلص قبل منوصل للطرمبه ب عشييييييين عربيه كده
والسلام عليكم ورحمه الله وبركاته

اقتباس:

---

المشاركة الأصلية كتبت بواسطة dr.mostafa anwar

والله أنت راجل زي العسل

ربنا ينتقم من سارقي قوت الشعب تجار السوق السوداء وينتقم من كل صاحب محطة بيهرب وقود او مشارك في صناعة الازمة دي

انا شخصيا من يومين كانت العربية خلاص مفيهاش يمكن لتر واحد واضطريت احط 5 لتر 95 انقذوا الموقف ولسه ماشي بيهم لدلوقتي والصراحة مجربتش اقف امون بسبب المنظر المرعب امام البنزينات

ربنا يهون ويزيح الغمة

---

وينتقم من كل حاكم لا يعدل فى شعبه وكل مسئول لا يتقى الله

http://www.nilemotors.net/Nile/365477-a.html

انا معايا فيسبا مجهزة ( معاقين )
وللأسف من كتر اللف على البنزين عطلت منى بنزين فى وسط الشارع , المهم أتصلت بواحد صاحبى معاه فيسبا مجهزة
برده , وسألته حاول تيجيلى لأنى عطلان بنزين , المهم جه ومعاه زجاجة حوالى لتر , فيها بنزين المهم حطيت اللتر ومشيت , وبعد 10 دقائق لاقيتع بيتصل بيا بيوقلى الحقنى ياتامر الفيسبا وقفت ومش معايا ولا نقطة بنزين انا كنت مفكر الفيسبا فيها بنزين , مبقتش عارف اقوله أية , بس كل اللى قولت له ( اللى انا اعرفه ان اليومين دول فى أزمة بنزين ) قالى نعم ياروح ........ , أعمل اية دلوقت .

""خلصصص البنزين خلص هاهاهاهاها ، بيقولي خلصصصص هاهاها خلص ازاي ها خلص ليه ، لالالا اكيد مخلصش لالا اكيد لا ، ده احنا لسه علي الصبح ازاي خلص ، يعني اقف تاني في طابور في بنزينه و كده هاهاهاااا لالا اكيد لا ، بيقولك خلص ، الله يخربيتك يا مرسي ""

:8954[1]::whtauwant::36_2_49[1]:

ده تعليق واحد كان واقف امامي في البنزينه انهرده الصبح بعد واقفه ساعتين بعد البنزين ما خلص و كان فضلنا ٣ عربيات و نوصل للتانك , اما انا فكنت متنح وانا في الطابور ، كان كل همي اني اوصل للتانك و احط بنزين علشان اخلص و ادخل الحمام اللي في البنزينه، اصلي كنت مزنوق اوي بعد الوقفه دي :(

بعد واقفة في بنزينة الرحاب ساعتين و نص ( من 10 ل 12 و نص الظهر ) دخلت كان قدامي واحد .. بتاع البنزينة لاقيته بيقلي في واحدة معاها طفلة و محتاسة والبنزين قطع منها والطفلة بتعيط و بتاع ممكن تمون قبلك انا اسف جدا و كدة ..قلت مجتش علي واحدة .. الست هانم ..البرنسيسة .. الريسة .. الملكة .. فولت ..و جي بيحطلي ..حاطيت 4 لتر ...و البنزين فصل .. يعني الواحد غلطان انه عمل خير يعني ...و معندهاش دم و بتفول ... استغفر الله العظيم

رحت بعديها بنزينة شل في شارع التسعين ...هرجلللللةةةة و ناس بتعمل طابور مع نفسها و يقولك انا واقف من الفجر و انا شايفه لسة جاي .. و ناس كبيرة بتقل من نفسها و تتشتم عشان م محترمين و 700 طابور محدش عارف انهي فيهم الطابور الصح ...و ناس تدخل قدامك و انزل اتخانق و زعيق و قلة ادب و ناس معاها بي امات و مرسيدس و متربوش اصلا و منظر بس علي الفاضي .. لما وصلت للطرمبة فول عزبية لاند كروزر ١٢٠ لتر ..فدوري انا ..مدير المحطة يقلك كل واحد ليه 20 لتر عان كله يمون ....قلبتبهم مجنووون و زعيق و كنت همسك فيه ...فولولي و سبتهم يولعوا مع اللي ورايا...

اهه ياني علي دة يوم روحت الساعة 6مش شايف قدامي

اقتباس:

---

المشاركة الأصلية كتبت بواسطة أبو يوسف

انا معايا فيسبا مجهزة ( معاقين )
وللأسف من كتر اللف على البنزين عطلت منى بنزين فى وسط الشارع , المهم أتصلت بواحد صاحبى معاه فيسبا مجهزة
برده , وسألته حاول تيجيلى لأنى عطلان بنزين , المهم جه ومعاه زجاجة حوالى لتر , فيها بنزين المهم حطيت اللتر ومشيت , وبعد 10 دقائق لاقيتع بيتصل بيا بيوقلى الحقنى ياتامر الفيسبا وقفت ومش معايا ولا نقطة بنزين انا كنت مفكر الفيسبا فيها بنزين , مبقتش عارف اقوله أية , بس كل اللى قولت له ( اللى انا اعرفه ان اليومين دول فى أزمة بنزين ) قالى نعم ياروح ........ , أعمل اية دلوقت .

---

لو انا منك قول لصاحبك اركن الفسبا وتعاله بتاكسى ههههههههههههههههههه

انا بقيت بحسس على دواسة البنزين و ال sport mode بقى مجرد ديكور ف الفتيس

بس , احلى حاجة ف طابور البنزين انه بيقوى العلاقات الاجتماعية بين الناس ,,, تلاقى الناس نزلوا من عربياتهم و قعدوا يتكلموا مع بعض ,,, و اتفرج بقى على احلى تحليل سياسى و رياضى للى بيحصل ف مصر

احيانا ببص على الشعب المصرى انه غلبان و طيب و بيشقى ف الحياة و انه مش هو المتحكم ف حياته بس بسرعة بيحصل كام موقف بشوف فيهم الغلبان دا بقى هو المتحكم او قادر على شخص تانى و اشوف تحول غريب ,, و الوم نفسى انى اتعاطفت معاه

في ازمة البنزين اللي حصلت من كام اسبوع حصلت حاجه طريفه جدا .., عديت علي بنزينه وطنيه وجدت طابور حوالي 15عربيات قولت مش مهم هقف بدل ما الازمه تزيد وتبقي 50 عربيه بعد كده .., المهم بضرب بعيني كده لقيت في طرمبه لوحدها كده وعليها عربيتين فقط بتمون, بس علشان تدخل عندهم لازم تدخل عكس من مخرج البنزينه لأن المدخل مقفول بالعربيات اللي داخله ., المهم هوب هوب روحت داخل وقفت امام الطرمبه وفي دقيقتين كنت ممون وماشي .. هههههههههههههههههه

انا قبل الازمة باربع ايام فولت .. ولما شميت ريحتها قولت التانك ناقص عشرة لتر الحق ازودهم قبل ما الازمة تتنيل تزيد .. المهم اني فضلت بتاع اربع خمس ايام مش عارفة اكمل التانك بتاعي لحد مابقاش في التانك الا العشرة لتر اللي كان نفسي فيهم .. وكل ما اشوف بنزينة الاقي الطابور عامل ستين سبعين عربية وقافلين الطرق الجانبية بالعرض .. استنيت لما الليل جة واخدت جوزي وطلعنا فولناها من وطنية الواحات اللي عند الفردوس على الساعة 1 بالليل تقريبا وقولنا ياقاتل يامقتول وطبعا كان الطريق ماسك من المتميز او من قبلها كمان في اتجاه طريق الفيوم لحد البنزينة .. بتاع تلاتة اربعة كيلو

قبلها عدينا على سوبر ماركت نجيب اي عشا ومية وبيبسي لان باينها حتبقى سهرة صباحي فالواحد يعمل احتياطه
طبعا كان البنزين خلص ماكانش فيه غير اتنين تلاتة لتر ومش معقول حفضل اسيب العربية دايرة او ابطل وادور لما الطابور يقل .. ففضلنا نزق العربية بتاع 20 مرة والناس تتريق عليا .. طب اسيب الغلبان دة يزق عربية تهمة يعني ما انزل اساعده احسن

فيييييييييييييييييييييييي يييييييييييييييييييين لحد مافولنا على الساعة 4 الفجر .. وكنت حاطة ايدي على قلبي احسن الاقي الطلمبة فضيت .. ماصدقتش نفسي لما فولت في تلات ساعات .. وغيري خرج يفول من اسبوع ومارجعش :d

اقتباس:

---

المشاركة الأصلية كتبت بواسطة calipha3

لو جنان إنك تطبع ورق مكتوب عليه " ربنا يخليك لينا يا مرسي " و توزعهم في طابور البنزين ... إتجنن :)

---

Wowwwwwwwwwwwwwww