السلام عليكم

الحكاية باختصار أنى كنت سايب العربية فى ورشة سمكرة وعندما احتاج تدويرها عمل حاجة خلت الفتيس يلوك منه فاتصل بى قلتله شيل الغطاء المدور اللى تحت الفتيس هتلاقى كاوتش به علامة زورار دوس عليه حيفتح معاك
وبعد ما استلمت العربية كان سايب الغطاء والكاوتش اللى تحته مفكوك برة ثم بعدها اكتشفت ان نظام التحويل للمانيوال لا يعمل فعند نقل عصاية الفتيس لليمين للمانيوال لا يوجد إى اثر أو تغير حتى فى شاشة التابلوه مثل الأول ( علامة d تختفى ويظهر رقم النقلة ١ أو ٢ ،،،،،) الآن لا يوجد إى تغيير والعربية تعمل اوتوماتيك فقط

سؤال لأهل الخبرة بالميجان ٢ ،، إيه ممكن يتسبب فى ذلك وسؤال ثانى ما هى فائدة زورار اللوك اللى تحت الفتيس ده لانى اضطريت اعمل تخشينة للذراع البلاستيك اللى بيتحكم بوضع الزورار علشان اخليه دائمآ مضغوط لتحت وإلا عصاية الفتيس هتلوك على وضع ال p ولن يفتح حتى بعد تدوير الموتور مثل الأول

فى انتظار المساعدة
تحياتي للجميع