أخر سعر صرف الدولار

**aif** · 15-02-2015 01:53 PM

سعر الشراء من الصرافة الخميس 12 فبراير 7.73

**drmsadek1979** · 15-02-2015 04:29 PM

المشاركة الأصلية كتبت بواسطة timtim

في رأي بيقول ان الازمة اللي حصلت وارتفاع السعر في السوق السوداء كان مترتب ليصل البنك للسعر المعلن حاليا .. لان طبعا الصعود حوالي 50قرش في فترة قصيرة كان هايبقى صعب..
وبيضرب المثل برفع سعر انابيب الغاز .. سبقه ازمه كبيرة وسوق سوداء وبعد ماتم رفع السعر الرسمي ل 25ج توفرت الانابيب في المستودعات والناس فرحت انه تم القضاء على السوق السوداء...
رأيكم ايه في الكلام دا؟

سعر الانبوبة 10 جنيه انت جبت السعر دا منين ؟؟

**أبو_يوسف** · 16-02-2015 08:19 AM

المشاركة الأصلية كتبت بواسطة drmsadek1979

سعر الانبوبة 10 جنيه انت جبت السعر دا منين ؟؟

أعتذر عن عدم تحري الدقة في السعر..

ولكن يبقى السؤال..
هل البنك المركزي هزم السوق الموازية (السوداء) بالضربة القاضية كما يقال؟
أم ان السوق السوداء هي التي اجبرت البنك على رفع سعر الدولار؟
أم تم الامر بالاتفاق ؟

**wawamoha** · 19-02-2015 08:34 AM

any news?

**sherifahmed** · 19-02-2015 10:25 AM

لا مفيش اتفاق و لا حاجة
مفيش مصدر دخل بالدولار لمصر فى الوقت الحالى كبير و منتظم زى قبل الثورة المباركة ايام الاحتياطى الضخم و الفساد
دا قيمة عملتك الحالية اودام المقياس الدولى اللى هو الدولار و دا اللى كان مفروض يحصل بدل ما تبدد احتياطيك فى الحفاظ على قيمة عملتك و هى ماتسواش
و مصر حاليا ماشية زى ما الكتاب بتاع صندوق النقد بيقول اللى هو باختصار مخل ان الحاجة تتباع بسعرها الحقيقى و دا سب رفع الدعم على البنزين و باقى المحروقات و السلع تدريجيا للوصول لسعرها الحقيقى

**ashekwalaa** · 19-02-2015 08:35 PM

يا رفاق الكفاح

الوالد باعتلي حوالة 5 آلاف دولار

هل تنصحوني بتحويلها حاليا

وعلى كام ؟؟؟

ولا أسيبهم وأدور على حد يسلفني 40 ألف جنيه باقي ثمن العربية

**salodas** · 22-02-2015 12:45 PM

updates

**mo7elmy** · 22-02-2015 01:04 PM

المشاركة الأصلية كتبت بواسطة mo7elmy

يا جماعة لو سمحتوا احب اقولكم على حاجة القرار الى اتخد من البنك المركزى زى كل القرارات الى بتتاخد فى مصر والتى تفتقد الى الرؤية المستقبلية للقرار ودارسة السلبيات المستقبلية للقرار بعد الايجابية اللحظية .......وتفسيرا لكلامى بشكل اقتصادى سليم يقول ان حقا ايجابية القرار فى تحجيم السوق السوداء فعلا حصل ولكنه لم يستمر طويلا وهتشوفه الكلام دة على نص شهر مارس هتلاقوا الفرق هيرجع لحدود ال5% بين الرسمى والغير الرسمى ودى هشرحها فى وقت لاحق والاسباب الى هتأدى لكدة......انما هكمل فى السلبيات المستقبلية لقرار البنك المركزى وواهم السلبيات هى 1 - تبطئ دورة رأس المال للشركات والمصانع حيث ان البنك المركزى وضع زمن اطول لايداع العملة التى تقوم الشركات والمصانع بالاستيراد بها بمعنى لو توكيل سيارات مثلا بتستورد كل 3 شهور رسالة سيارات ب50 سيارة مثلا ودة معناه دورة رأس المال هنا تتراوح بين 3 او 4 مرات سنويا وتقدر مثلا ثمن السيارة ب100000 جنيه اذن تمن الرسالة 50*100000=5000000 خمسة مليون جنيه تقسمها على 7.63 = حوالى 650000 ستمائة وخمسون الف دولار انت بقى طولت ليه مدة ايداع المبلغ دة وحطيط سقف 50000 دولار حد اقصى شهريا يبقى هيتم الايداع على سنة كاملة لو مشى قانونى ودة معناه ان دورة الراس المال هتبقى مرة واحدة بس دة معناه ارباح اقل ضرائب اقل جمارك اقل ......2- زيادة اسعار البضاعة الحاضرة حاليا وتعزيز سعرها لتبطئ بيعها حتى يحافظ على ما يسمى بحركة البيع وحتى لايصبح فترة من الزمن لا يوجد فيها بضاعة تباع حتى تأتى البضاعة الجديدة مما يؤدى على التكالب فى حجز السلعة القادمة فى الرسالة الجديدة يعنى اسعار اعلى وتضخم اكثر وركود اكبر.....3- التحفيز والتشجيع على التهريب بسبب اثار النقطتين رقم 1 و 2 ........وشكرا طولت عليكم

**mo7elmy** · 22-02-2015 01:20 PM

السلام عليكم يا جماعة انا من اسبوعين كنت كتبت الكلام الى فوق دة من وجهة نظرى البسيطة على السلبيات المستقبلية لقرار البنك المركزى وكنت شرحت كام نقطة على السلبيات دى........... الخبر الرئيسى لاهرام السيارات يوم الجمعة بيقول ......قررت شركات السيارات رفع اسعارها منذ ايام من 3 الى 6 الاف جنيه ( وخدوا بالكم لم يحدد الفئة السعرية التى تم عليها الزيادة ) وهناك بعض الشركات من المتوقع رفع اسعارها هذا الاسبوع وذلك بسبب ارتفاع سعر الدولار امام الجنية وعدم توافره فى السوق الموازية بعد القرارات الاخيرة للبنك المركزى (هنا بقى المفروض البضاعة الى تغلى هى الرسالة الى جاية مش الموجودة دلوقتى ودة الى قلت عليه فوق تعزيز البضاعة الحضرة عشان يحافظ على ما يسمى بحركة البيع ) الذى لا يسمح بتداول العملة الاجنبية الا بتعاملات بسيطة لا تفى باحتياجات شركات السيارات التى تحتاج الى مئات الالاف من الدولارات فى الشهر الواحد . حيث ان الشركات تقوم بتحويل اسعار السيارات للشركات الام بالعملة الصعبة مع الوضع فى الاعتبار ان هناك شكات لابد من الحصول على تلك العملة عن طريق البنوك طبقا للوائحها التى تلزمها بالتعامل معالجهات الرسمية وليس من خلال السوق الموازية . وقد حالت القرارات الاخيرة دون ذلك لانها لا تسمح بايداع اكثر من 10 الاف دولار فى اليوم و50 الف دولار فى الاسبوع كحد اقصى من شأن ذلك ان يعرقل عملية الاستيراد وتحويل العملة لتسديد قيمة فواتير السيارات للشركات الام ...... يارب تكون وجهة نظرى الى كتبتها لحضراتكم من اسبوعين وصلت