الموضوع: أخر سعر صرف الدولار

المشاركة الأصلية كتبت بواسطة swimmer25

فهمتك بس أيام مرسي مكنش كدا
كان الفرق بين السعر في البنك والسعر في الصرافة بسيط جدا يعني بالكتير 10 قروش
لكن بالأسعار دي الفرق فوق 40 قرش
صح كدا ولا أنا فاكر غلط..ولو كان كدا يبقي ليه ؟

عشان ببساطة .... البنك دلوقتي فعلاً ماعندوش و السعر ده وهمي و السوق السوداء اعلى بحاجة حلوة

و لو البنك رفع ل 7.40 مثلا عشان يقتل السوق السوداء ....... الناس مستعدة تشتري ب 7.40 برضه و البنك مش هيكفي ....... قوم السوق السوداء هتطلع ل 8 و هكذا

الحل الوحيد للقضاء على السوق السوداء ان البنك يبيع ب 8 و لا 8.5 عشان ساعتها العرض يتساوى مع الطلب ......... بس ساعتها كان البيبسي هتبقى ب 5 جنيه !!!!


فاللي بيحصل دلوقتي هو محاولة لتثبيت قيمة الجنيه ....... السوق السوداء امر طبيعي طول ما البنك مش قادر يوفي احتياجات الافراد و الشركات و المستوردين ........


النقطة ان كل ما البنك المركزي ينزل عطاء ..... البنوك بتقدر توفي حاجات المستوردين (لغير السلع الاستراتيجية اللي دايما متوفر لها دولار زي الدواء و الغذاء الخ الخ) ....... يقوم المستوردين دول يبعدوا يومين تلاتة عن السوق السوداء يقوم الطلب يقل فالسعر يقع لفترة (على ما الكام مليار بتوع العطاء يخلصوا) لانخفاض الطلب ....... و عشان كده ساعات بتلاقي السعر نزل و وصل ل 715 مثلا ....... يخلص العطاء يقوم راجع ل 730 و 740 تاني

و كمان الشركات اللي مواردها دولار و يورو زينا برده بتبيع في السوق السوداء لأنها عايزه تبيع باعلي سعر .... يعني من الاخر كله بيدور علي مصلحته