اقتباس المشاركة الأصلية كتبت بواسطة hazemhany مشاهدة المشاركة
طيب انا معايا مبلغ كويس . وكنت هخلص في شقة اليومين دول .. انا عازب ومفيش ارتباط .. رأيكم ايه احولهم دولارات احسن ولا اخلص في الشقة؟!
فيه حالة من الكساد في سوق العقارات
ده ممكن يخلي زيادة اسعارها تأتي ببطئ وعلى استحياء بالرغم من ارتفاع سعر الدولار
لأنه بالأسعار القديمة مش عارف يبيع فلو زود حيبقى بيع غناوة يعني اتباعت اتباعت ولو متبعتش اديها قاعدة

الشقة بالنسبالك من الضرورات عشان موضوع الزواج ان شاء الله
فلو المبلغ جاهز خلص في شقة ميكونش سعرها كبير
ده اسمه شراء شقة للضرورة مش للتجارة وحفظ المال فيها
لان الدولار كل ما يزيد حتقول كان زماني حولتهم دولار وفكتهم دلوقتي واشتريت شقة بسعر اعلى
الاحساس ده ممكن متحسهوش لو سعر الشقة مش كبير جدا
الشقق الغالية ممكن متعرفش تبيعها بالسعر اللي دفعته فيها لو مستعجل
وممكن تقعد جنبها شهور او سنين للأسف

فكرة التقسيط طويل الاجل كويسة اللي بيكون خمس سنين
لأن ارتفاع سعر الدولار سنويا ممكن يكون اكبر بكتير من نسبة الفائدة سنويا

طبعا انا بفتحلك افكار عشان تاخدها وتحسبها على حالتك
لو نفعت واقتنعت بها يبقى كويس ولو منفعتش يبقى انساها