الموضوع: انطباعاتي الاولي عن الاليزيه

انا بس حبيت اعمل تقرير مبدأي عن انطباعاتي الشخصيه عن العربيه عشان اللي بيفكر يشتري او يحجز

طبعا مش هعرف اعمل تقرير مفصل دلوقتي ... عالاقل لحد ملاقي بنزين .... العربيه كتر خيرها انها وصلت لتحت البيت

1-التكييف : جربته والعربيه واقفه .. وكان ممتاز ( التكييف دينسو ياباني )
2-صوت الموتور : عادي جدا وليس عالي كما كنت متوقع
3-عزل السياره : جيد جدا ولو قفلت الازاز مش بتحس بالدنيا
4-السحب: طبعا محرقتش عالعربيه خالصلأن مكنش فيها بنزين اصلا تحرقه بس عامه سحبها العادي جيد جدا
5-العفشه : العربيه تعاملها مع الطريق ممتاز ... ولا ناعمه اوي ولا بترزع ... ومريحه جدا مع الحفر والمطبات
6-الجري : طبعا لسه مجربتش ... بس كانت علي 80 وال rbm 2000
7-القعده والكراسي: مرييحه جدا .. تحس ان الكراسي حاضناك ;)
8-الكاسيت : مبهر واضائه شاشه المعلومات جذابه جدا وبتديك معلومات عن كل حاجه بتحصل فالعربيه .... نزلت من العربيه وانا جايب الفتيس علي N عادي يعني ..ز لقيتها بتنادي عليا قالتلي هات P وطبعا سمعت كلامها ;) , حاسس شويه وهتقولي ريح انت وانا هسوق مكانك
9- البارك سنسور : مفيد جدا خصوصا فالركنات الضيقه والجراج
10 - الفيتيس : جيد جدا .... مش بتحس بالنقلات خالص ... الا حاجه بسيطه اوي من التاني للتالت لو انت ماشي واحده واحده ... مش محسوسه اوي

لو اي حد عنده استفسار انا فالخدمه ... ادعولي بس ربنا يبعد عني العين

المشاركة الأصلية كتبت بواسطة medori

مبروك يا باشا، شوقتنى استلم البيجو انا كمان :b4_095:، بس برضة هصبر لبعد 30/6 عشان احتفل بحاجتين، العربية و السلخ إن شاء الله :10d5c8w1107:

ربنا بفرحك بعربيتك ويسترها عالبلد والايام دي تعدي علي خير