الموضوع: انطباعاتي الاولي عن الاليزيه

انا بس حبيت اعمل تقرير مبدأي عن انطباعاتي الشخصيه عن العربيه عشان اللي بيفكر يشتري او يحجز

طبعا مش هعرف اعمل تقرير مفصل دلوقتي ... عالاقل لحد ملاقي بنزين .... العربيه كتر خيرها انها وصلت لتحت البيت

1-التكييف : جربته والعربيه واقفه .. وكان ممتاز ( التكييف دينسو ياباني )
2-صوت الموتور : عادي جدا وليس عالي كما كنت متوقع
3-عزل السياره : جيد جدا ولو قفلت الازاز مش بتحس بالدنيا
4-السحب: طبعا محرقتش عالعربيه خالصلأن مكنش فيها بنزين اصلا تحرقه بس عامه سحبها العادي جيد جدا
5-العفشه : العربيه تعاملها مع الطريق ممتاز ... ولا ناعمه اوي ولا بترزع ... ومريحه جدا مع الحفر والمطبات
6-الجري : طبعا لسه مجربتش ... بس كانت علي 80 وال rbm 2000
7-القعده والكراسي: مرييحه جدا .. تحس ان الكراسي حاضناك ;)
8-الكاسيت : مبهر واضائه شاشه المعلومات جذابه جدا وبتديك معلومات عن كل حاجه بتحصل فالعربيه .... نزلت من العربيه وانا جايب الفتيس علي N عادي يعني ..ز لقيتها بتنادي عليا قالتلي هات P وطبعا سمعت كلامها ;) , حاسس شويه وهتقولي ريح انت وانا هسوق مكانك
9- البارك سنسور : مفيد جدا خصوصا فالركنات الضيقه والجراج
10 - الفيتيس : جيد جدا .... مش بتحس بالنقلات خالص ... الا حاجه بسيطه اوي من التاني للتالت لو انت ماشي واحده واحده ... مش محسوسه اوي

لو اي حد عنده استفسار انا فالخدمه ... ادعولي بس ربنا يبعد عني العين

الف شكر يا باشا و يا سلام بقي لو كام صورة للعربية من برة و من جوة كدة :d

المشاركة الأصلية كتبت بواسطة omar_h

الف شكر يا باشا و يا سلام بقي لو كام صورة للعربية من برة و من جوة كدة :d

ربنا يبارك فيك ... عنيا ان شاء الله هصورها بس ارخصها بس

ربنا يباركلك يا دكتور بس بالنسبة للشاشة بتبينلك إيه بالنسبة لمعلومات عن العربية ؟ وهل فيها مقياس لدرجة الحرارة الخارجية

المشاركة الأصلية كتبت بواسطة Mohab555

الاليزيه عربيه محترمه جدا و ان شاء الله هى و البيجو 301 هيعملوا شغل عالى و ان شاء الله مبيعات اعلى و اعلى
خلى بالك مش هتحس بالعربيه قوى غير لما تاخد عليها و هيا كمان تكون خلصت فتره التليين اول 2000 او 3000 كم بعدها العربيه هتتحول معاك تماما ....
بس انا زعلان منك يا كبير
فين الصور ان وعدت الناس ..

ربنا يخليك يا كبييير ... هيا والبيجو محترمين جدا .. انا كنت اصلا رايح استلم بيجو وغيرت رأي علي اخر لحظه

هوا التليين 1000 كم ولا 3000؟؟ كتييير اوي 3000 دي

يا باشا العربيه لسخ مفيهاش نقطه بنزين ولا عارف ارخص ولا اعرف اسوقها حتي

المشاركة الأصلية كتبت بواسطة zooma2009

ربنا يخليك يا كبييير ... هيا والبيجو محترمين جدا .. انا كنت اصلا رايح استلم بيجو وغيرت رأي علي اخر لحظه

هوا التليين 1000 كم ولا 3000؟؟ كتييير اوي 3000 دي

يا باشا العربيه لسخ مفيهاش نقطه بنزين ولا عارف ارخص ولا اعرف اسوقها حتي

ياريت يا فندم تستغل عدم وجود بنزين و تقرأ المانوال كويس جدا عشان موضوع التليين دة فى فتى السنين كلها و كلام كلة من ايام العربيات اللى كانت بتشتغل بالمانفلة، انا عن نفسى هستلم العربية و هطير مع مراقبة الrpm بس انة ميكونش ثابت فترة طويلة و ميعديش ال4000 فترة طويلة برضة و كدة كدة الاجزاء اللى الواحد بيعلى فيها بالrpm فى طرقنا الجميلة تتعد على صوابع الايدين، و عمل الصيانة فى موعدها بعد استشارة التوكيل سواء 1500 او 2500 كم

المشاركة الأصلية كتبت بواسطة medori

ياريت يا فندم تستغل عدم وجود بنزين و تقرأ المانوال كويس جدا عشان موضوع التليين دة فى فتى السنين كلها و كلام كلة من ايام العربيات اللى كانت بتشتغل بالمانفلة، انا عن نفسى هستلم العربية و هطير مع مراقبة الrpm بس انة ميكونش ثابت فترة طويلة و ميعديش ال4000 فترة طويلة برضة و كدة كدة الاجزاء اللى الواحد بيعلى فيها بالrpm فى طرقنا الجميلة تتعد على صوابع الايدين، و عمل الصيانة فى موعدها بعد استشارة التوكيل سواء 1500 او 2500 كم

والله يا باشا ياريييت كان المانوال معايا

المعرض قالي بعد مترخص تجييب صوره الرخصه عشان تستلم المانوال والضمان مش عارف ايه العلاقه يعني

ياريت لو حد عنده معلومات اكيده عن فتره التليين يقولنا

يا جماعة ايه رايكم في الفئة الاولي مانيوال