معلومه جديده لسه عارفها بخصوص توزيع الفرامل
فكرة الفرامل بسيطه جدا" لكن هوضح حاجه بسيطه جدا" لسه عارفها طازه
أحيانا" بتقابلنا مشكله فى بعض السيارات وهى تيل الفرامل بيخلص فى الجنب اليمين قبل الشمال
يعنى التيل فى ناحية اليمين خلص والشمال لسه مليان فيه النص أو أقل
السبب يرجع لكذا سبب
ممكن زوايا أو الماستر الفرعى للجنب اللى فيه المشكله ( الكلبرات ) محجره ومحتاجه صيانه
لكن لو أتأكدت ان العيب مش منهم يبقى أول ما تسأل ميكانيكى يقولك الماستر بايظ الحق غيره
http://imageshack.us/a/img13/7348/vcpk.jpg
وبعد ما تغيره تلاقي مفيش تغيير !!!!!!
السبب هو
لو بصيت على الماستر هتلاقي داخله 2 خرطوم للقربه ( قربة الباكم طبعا" ) راكبه فيه على طول
وطالع منه ماسورتين رفيعين
الماسورتين دول واحده للفرامل الأمامية والأخرى للفرامل الخلفيه
أمشى مع الماسورتين هتلاقيهم داخلين على حاجه متفرعه شكل الكابوريا :clown: بالشكل ده
http://imageshack.us/a/img15/9956/h8cg.jpg
خد بالك وركز كويس
هتلاقى الكابوريا أو العقربه داخلها الماسورتين وطالع منها 4
هو ده أسمه الموزع
http://imageshack.us/a/img839/1986/c2eo.jpg
http://imageshack.us/a/img823/2469/0kmd.jpg
فايدته بياخد ماسورة الفرامل الأمامية وبيوزعها للعجلتين الأماميتين و الماسوره الخاصه بالفرامل الخلفيه للعجلتين الخلفيتين
يبقى كده مشكلة الفرامل جنب أشد من جنب سببها الموزع وليس الماستر
فى بعض السيارات الموزع بيبقى راكب فى الماستر نفسه بالشكل ده
http://imageshack.us/a/img541/2411/sj6u.jpg
يارب أكون وصلتلكوا المعلومه بوضوح .