معلومه جديده لسه عارفها بخصوص توزيع الفرامل

**ahmed_h_g** · 27-06-2013 04:17 AM

فكرة الفرامل بسيطه جدا" لكن هوضح حاجه بسيطه جدا" لسه عارفها طازه
أحيانا" بتقابلنا مشكله فى بعض السيارات وهى تيل الفرامل بيخلص فى الجنب اليمين قبل الشمال
يعنى التيل فى ناحية اليمين خلص والشمال لسه مليان فيه النص أو أقل
السبب يرجع لكذا سبب
ممكن زوايا أو الماستر الفرعى للجنب اللى فيه المشكله ( الكلبرات ) محجره ومحتاجه صيانه
لكن لو أتأكدت ان العيب مش منهم يبقى أول ما تسأل ميكانيكى يقولك الماستر بايظ الحق غيره

وبعد ما تغيره تلاقي مفيش تغيير !!!!!!
السبب هو
لو بصيت على الماستر هتلاقي داخله 2 خرطوم للقربه ( قربة الباكم طبعا" ) راكبه فيه على طول
وطالع منه ماسورتين رفيعين
الماسورتين دول واحده للفرامل الأمامية والأخرى للفرامل الخلفيه
أمشى مع الماسورتين هتلاقيهم داخلين على حاجه متفرعه شكل الكابوريا بالشكل ده

خد بالك وركز كويس
هتلاقى الكابوريا أو العقربه داخلها الماسورتين وطالع منها 4
هو ده أسمه الموزع

فايدته بياخد ماسورة الفرامل الأمامية وبيوزعها للعجلتين الأماميتين و الماسوره الخاصه بالفرامل الخلفيه للعجلتين الخلفيتين
يبقى كده مشكلة الفرامل جنب أشد من جنب سببها الموزع وليس الماستر
فى بعض السيارات الموزع بيبقى راكب فى الماستر نفسه بالشكل ده

يارب أكون وصلتلكوا المعلومه بوضوح .

**sayed911** · 27-06-2013 06:38 AM

تصفيق حاد فعلا

**Ahmed Amin** · 27-06-2013 07:24 AM

موضوع ممتاز يا أحمد بيه, ومعلومات مهمة..
خصوصاً إني عايز أغير زيت الفرامل قريب..

مقلتليش بقي لاقيت المسدس اللي هتسحب بيه الباكم وتملأ من تحت,
ولا أيه أحسن طريق لتفريغ الزيت القديم, وملي الجديد بدل ما نكارك ويبقي فيه هوا في دورة الفرام ؟