مقارنه مهمه حتفيد ناس كتير جيتا ولا اوكتافيا A5

**red_4_blood** · 27-09-2009 08:36 AM

يا جماعة انا عايز اعرف الشكل الجديد هينزل امتى للجيتا

عشان كدة مش هعرف اجيب الشكل الحالي لاني مش هينفع اجيبو و اقعد بيه سنة و ينزل الجديد

تاني حاجة عايز اعرف هل هي واطية ... يعني لو معايا في العربية 3 او 4 الجيتا هتحك ولا لا

**m_o_sakr** · 15-10-2009 12:23 PM

i prefer octavia

**seqoia** · 18-10-2009 10:41 AM

الاثنين حلوين بس ديكور الجيتا احلى من الاوكتافيا
والاثنين ميستهلوش اسعارهم
تصويت(جيتا)

**radwan214** · 23-10-2009 05:50 PM

انا عربتى أوكتافيا 2008 كاملة اليجانس وانا مرتاح فيها جدا وقوية لدرجة كبيرة وموفرة على الطوالى وغير اقتصادية داخل المدينة ودة نتيجة ان 90% من محطات البنزين حرامية ومعندهمش ضمير ولا توجد رقابة وبالنسبة للمساحة للراكب الخلفى واسعة جدا وذلك نظرا لان السائق لابد لة ان يقرب اكثر الى الدركسيون وذلك نظرا لطبيعة فيتيس البنزين لانك لازم تضغط علية من فوق بعكس اليابانى وبالنسبة الى الجيتا انا اتفرجت عليها فى نفس المعرض اللى اشتريت منة الاوكتافيا وكانت ضيقة وواطية وشنطتها صغيرة بالمقارنة االاوكتافيا. ومن وجهة نظرى اللى عايز عربية عملية يشترى الاوكتافيا احسن. ولولا اختلاف الاذواق لبارت السلع....
مهندس/ رضوان

**NaderNabil** · 23-10-2009 05:53 PM

المشاركة الأصلية كتبت بواسطة radwan214

السائق لابد لة ان يقرب اكثر الى الدركسيون وذلك نظرا لطبيعة فيتيس البنزين لانك لازم تضغط علية من فوق بعكس اليابانى

يعني إيه؟
مش فاهم

**monmonmon** · 30-10-2009 07:30 AM

مقارنة ممتازه و ليست سردا للمواصفات الفنية.. احييك
الف شكر
بس السيراتو فين منهم؟؟؟

**khaledtag** · 31-10-2009 11:35 PM

انا كان عندى لانسر و بعدين جبت اوكتافيا بس الفرق شاااااااسع طبعا
لكن يا جماعه هى عفشة الالمانى فاشله ليه ؟؟ ليه اليابانى وانت جواها حتى لو عربيه رخيصه جدا
تلاقى عفشتها حلوه اوى .. ليييييييييييييييييييييييي ييييييييييييييه ؟؟؟؟؟

**monmonmon** · 01-11-2009 08:01 AM

المشاركة الأصلية كتبت بواسطة khaledtag

انا كان عندى لانسر و بعدين جبت اوكتافيا بس الفرق شاااااااسع طبعا
لكن يا جماعه هى عفشة الالمانى فاشله ليه ؟؟ ليه اليابانى وانت جواها حتى لو عربيه رخيصه جدا
تلاقى عفشتها حلوه اوى .. ليييييييييييييييييييييييي ييييييييييييييه ؟؟؟؟؟

طيب لانسر موديل كام؟؟؟
حضرتك تقصد العفشة ناشفه؟؟؟ لو كده يبقى عندك حق
بس مش كل العربيات اكيد و متنساش ان الهدف من العفشة دى الثبات و التماسك العالى
و ده على حساب الراحه بالذات لو الكراسى ناشفه شويه

**waleedsaber** · 01-11-2009 08:45 PM

علي الرغم ان الموضوع من فترة لكن انا استفدت جدا و اثر عليا لدرجة اني اشتريت اوكتافيا فانتازيا بالفعل بدلا من الجيتا----و بدات اقارن نفس المواصفات المكتوبة في المشاركات--- بجد موقع محترم و ناس فاهمة --- شكري لصاحب الموضوع و لكل من قام بالرد