الموضوع: مقارنه مهمه حتفيد ناس كتير جيتا ولا اوكتافيا A5

Octavia Finishing is really better.

رأى الشخصى جيـــــتـــــــا

باشا انا عايز اقولك حاجه...انتا مش محدد من المقارنه هدفك ونتا بتقارن ايه بالظبط...العربيه تبقى استخدام عائلى ولا استخدام رياضى..؟؟

أولا العربيتين الى انتا حطيتهم دول استخدام عاائلى وفى تصنيفهم نازلين من الشركه على انهم كداا

يعنى لما تيجي تقول ان العربيتين ثابتين على 170....الشركه مش مصممهالك عشان تجيب بيها 170 يا ريسالثبات الى فيها دا بيبقى عشان يقاوم اقصى درجات المخاطر وال instability على الطريق سواء رمله او مطره او اى ظروف طارئه ولكن مش عشان تقفل بيها امبير وتفضل ثابته معاك وتاخد بيها غرز وملفات عالديق وخمسات وبتاع والكلام داا

زي بالظبط كدا لما اعملك مستشفى عشان تعور نفسك كل يوم وتروح تتعالج فيها....فاهم قصدى

so

لما نيجي نقول عربيه للجرى والغرز والكلام دا يبقى نقول عربيه رياضيه زي شيفروليه كورفت مثلا او بورش بوكستر...وهكذا..حاجه نازله تبع كاتيجورى السبور


دا أولا...ثانيا بقه

الكلام دا لما دورت عالنت عن الاوكتافيا A5 او MK2 Type-z

The second generation was introduced in March 2004, based on the Volkswagen Group A5 (PQ35) platform also used by other Volkswagen Group cars, including the Audi A3 II, VW Golf Mk5, VW Jetta Mk5, SEAT León II, SEAT Altea, VW Golf Plus, VW Touran and VW Tiguan. Along with a new internal combustion engine range, also shared with other models of the Volkswagen Group, body changes included more legroom for rear seat passengers (a weak point in the original model) and increased ground clearance at front and rear to reduce the risk of grounding on steep ramps or facing kerbs.


يعنى ياجماعه من الأخر الفروق ضئيله جدا ممكن تكون الشنطه والكنبه الى ورا ودى متعيبش فى اساسيات العربيه بس انا عن نفسى عندنا اوكتافيا A5 فى البيت بصراحه عربيه محترمه سحبها جميل وتحس انها فايقه كدا بس فى نظرى مش رياضيه

المشاركة الأصلية كتبت بواسطة ahmed samy

ياترى لو هاشتري , مين مناسبة أكتر؟؟


و أحب أضيف رأيي لأني باركب الاتنين (a5 و جيتا)
مش بتوعي طبعا ...بس واحدة بتاعة حمايا و التانية بتاعة صاحبي أخويا يعني الاتنين بتوعي في الأخر و أنا اللي باصلحهم لو حصل فيهم حاجة
طبعا دي ملاحظات شخصية ...

1 - الشكل
طبعا أذواق ولو ان واجهة الجيتا متكلفة أكتر على الأقل و تحمل علامة الصانع الأقوى

2 - الاتساع
الأوكتافيا أوسع حاجة بسيطة ..تلاحظها في مساحة الرأس للركاب الخلفيين ..الجيتا ضيقة في النقطة دي

3 - الاعتمادية
و أنا أقصد بيها هنا تعدد و مرونة الاستخدام ...الأوكتافيا تكسب بسبب شنطتها الواسعة و ارتفاعها عن الأرض (ممكن تحمل فيها كتييير)

4 - الارتفاع
الجيتا من أوطى السيارات في السوق المصري ..تالت ورا و تحك في مطب عالي ...و عمري ماركبت ورا ولا حد ركب معايا فيها ورا الا وحكينا (بس على فكرة مع التعود ربنا بيسهل و الدنيا بتمشي تمام)

5 - السحب
فارق ضئيل جدا لصالح الجيتا لن تلحظه الا عند قيادة السيارتين بشكل متوالي السبب هو تصميم الجيتا و هناك مقولة (لم أجد لها اثباتا ولا نفيا) تقول ان الفرق في عدد الصبابات في الموتور هو السبب 8 في اسكودا و 16 في الجيتا أي ان الجيتا تحمل جيلا أحدث من نفس المحرك بس مش مقتنع لأن ده كان هايعمل فرق ملحوظ .

6 - العفشة :
خشونة ملحوظة و مزعجة للبعض فى الأوكتافيا ..ارهاق على الطرق الطويلة و لكن في المكابل احساس بقوة التعليق و ان العربية تفوت في الحديد الحقيقة.

أما الجيتا فهي أقل خشونة بالطبع و ان كانت لا تصل أبدا للسيارات اليابانية
في نقطة كمان ..الجيتا اللي رينجاتها 17" و low profile tire بترجعنا لمشكلة الخشونة و تعب الظهر في السفر الطويل ..

7 - عزل المقصورة :
العزل في اسكودا فاااشل صوت العفشة و الموتور شديد الوضوح و صوت الهوا في الجسم على السرعات العالية مزعج أيضا (طبعا مش مزعج زي اللانسر يعني).

الجيتا العزل أفضل كثيييرا في نقطة صوت الهوا ..تقريبا غير موجود بالمرة
أما صوت الموتور فهو واااضح تماما كأنها في حجرك زي الأوكتافيا
صوت العفشة أقل وضوحا

8 - الثبات ..
حدث ولا حرج السيارتين يتمتعان بثبات رائع في أسوأ الظروف الجوية و حتى سرعة 160 - 170
بعد هذه السرعة تجد الجيتا أكثر طمأنة بسبب ارتفاعها القليل

9 - حساس الركن
في الأوكتافيا تظهر درجات الرادار على شاشة الكاسيت لتعلمك بمدى قرب الحاجز مع الصفارة طبعا بس الميزة هي انها بتعرفك هو يمين و لا شمال و قرب أكتر من اليمين ولا من الشمال .

10 - الشنطة :
أوكتافيا إشي خيال يا ناس

11 - قوة الجسم الخارجي
وده بيبان في الخطات الصغيرة جو البلد
الأوكتافيا عربة مدرعة فعلا وخصوصا الاكصدام الخلفى اللي ممكن يخرشم أي عدوان من الخلف
صاجها ناشف قوي الحقيقة
بس انا ما جربتش الجيتا في أي خبطة لحد دلوقتي ..ربنا يستر


أحب أضيف تعليق صغير على حتة الأصل و النسخة
الموضوع ده غير منطقي بالمرة
الشركة الأم زي مجموعة فولكس بتعمل مجموعة محركات و platforms و وحدات للتحكم و السيطرة و كل شركة تابعة للمجموعة (اللي منها شركة فولكس فاجن نفسها) بتاخد ما يناسب "سياسة الشركة التسويقية" و تضيف تبعا لذلك شخصيتها الخاصة
يعني مش ممكن نقول ان أودي شركة تابعة لفولكس و ان الأودي a3 نسخة من الجولف مثلا مع اشتراكهم في حاجات كثيرة مع فرق شاسع لصالح أودي .

و كذلك التوليدو و البورا ...السيارتان كانتا نسخة من بعض مع فروق جميلة في السيات زي المكيف الأوتو و المرايات الضم و مرأة التعتيم و لم تكن هذه الكماليات متاحة في بورا التي أيضا اكتسحت التوليدو (ومازالت حتى في المستعمل) بسبب فكرة الأم و التقليد مع ان اللي يركب توليدو ...يحس بطعم أحلى كتير من البورا الكئيبة و هما مشتركين في نفس المحرك و platform مع فروق طفيفة في التعليق لصالح التوليدو ....

و مازلت في انتظار الأراء

ماشاء الله عليك يا باشا ... تسلم إيدك والله .. انت راجل حيادي جدا و منطقي ، و أكتر حاجة عجبتني آخر تعليق بتاع الأصل و النسخة ... لإن ناس كتير بتهرتل بكلام مالوش أصل من الصحه فيه .
ألف مليون شكر على الموضوع الممتاز ده

سلام عليكم يا جماعة انا عارف انى الموضوع قديم بس انا حبيت افتح الموضوع تانى علشان اشارك برائى اللى يحتمل الصواب او الخطأ
انا بقالى فترة عاوز اشترى سيارة فى مصر علما بانى عايش وبشتغل فى دبى وبطبيعة الحال مش هقولكوا على العربيات فى الامارات بصراحة حاجة تشرح القلب اعلى مستوى سيارات وعلى فكرة انا معايا هنا تويتا كورولا 2008 ومازدا 6 2005 وممكن كنت انزل الكرولا لانى المالك الاول ليها بس بصراحة مردتش وفضلت انى اشترى الراااااااااااااااااااائع ة اوكتافيا a5 وده لعده اسباب :-
1- العربية ما شاء الله سمعتها حلوة جدا فى مصر وسعر اعادة البيع حلو جداااا
2- تحس وانت راكب العربية انك راكبة حاجة فخمة جدا وده يرجع للخامات المصنع بيها التابلوة على عكس التيوتا كرولا 2008
3- العربية عالية عن الارض وفى نفس الوقت ثاااااااااااااابتة جداااااااااا وده يرجع لانظمة التعليق فيها الممتازة
4- فيها تكنولجيا وامكانيات تحفة زى كمبيوتر الاعطال-حساب الكيلو متر المتبقى على حسب كمية البنزين - تحديد اقصى سرعة ممكن تمشى بيها -التحكم من التارة فى الكاسيت والسى دى والصوت -زرار لمعرفة ضغط الاطارات - وحاجات تانى انا مش فاكرها
5-صاج العربية قووووووووى جداااااا وبيستحمل كتير ده حتى الفوانيس الامامية ضد الكسر وبتستحمل زى الصاج
6-الشنطة بتاعتها واسعة بطريقة غريبة جداااا 560 لتر يعنى تشيل فيها زى ما انت عاوز
7-ده غير الرفاهيه اللى فى العربية من تلاجة وكراسى جلد وفتحة سقف وجى بى اس وكاركيت وتلفزيون ووصلة يو اس بى و اى بود وايه يو اكس والحاجات الخرجية زى الجنوط وحساسات المطر والزينون ونظام التحكم فى الاضاءة وحاجات كتيرر
8-ثبات العربية على السرعات العالية ومتحسش اصلا انك بتجرى بيها خااااالص لانى موتورها بيولد اقصى عزم يعتبر عند 4100 لفه
9-قطع غيار العربية رخيصة مش غالية زى ما فى ناس بتقول وفى منها تايوانى وتركى والمانى واصلى وبتتباع فى كل مكان
10- مراكز الخدمة بتاعتها حلوة جدا وفيها ناس محترمة بصراحة بتحاول تساعدك
وده كل اللى انا فاكرة من اللى خالنى اشترى الاوكتافيا a5 وعلى فكرة انا جبتها مستعملة موديل 2007 بس ماشية 41 الف بس يعتبر كسر زيرو

الجيتا الجديدة نزلت في السعودية.. أعتقد أن نزولها مصر سيغير كثيرا من المقاييس.. والله أعلم.