-
حد جرب تكييف gree
انا بقالى فترةبدور على تكييف كويس و لقيت الفرق فى الفلوس مش كتير بين اغلب الموديلات وكله من الاخر كومبريسور صينى . المهم لقيت GREE و دورت على النت لقيت ان دة اكبر مصنع للتكييفات فى العالم و هو صينى اكيد و الكومبريسور هيتاشى متصنع فى الصين و بيتم تجميعه هنا فى طيبه المنزلاوى و هى نفس الشركة اللى بتجمع سامسونج.
الفكرة انى لقبت موديل حلو عندهم فيه كل امكانيات شارب و اكتر و تمنه كويس . بس كنت عاوز اعرف لو حد جربه او يعرف عنه مشاكل هو او Hisens
-
عندنا فى الشغل تلات تكييفات هاىسنيس
وتبريدهم كويس جدا بس عيبه ان قوة دفع الهوا من مروحه التكييف ضعيفة
يعنى سرعة المروحة عند اعلى حاجة وتحس كان السرعة زى السرعه التانية او حتى الاولى فى تكييفات تانية
-
اللى عندك دة بسبب الفلاتر لان الفلاتر لما بتتسد بتقلل اندفاع الهواء جامد... و فعلا هو هايستس محترم قوى كفايه انه بيتجمع هنا فى مصانع حلوان
-
هايسينس تكييف محترم انا عندى موديل الثرى ديمنشن وشغال كويس جدا . وبالنسبة للجرى هو الفرش مع اختلاف الاسماء والفرش برده كويس وحمار شغل خصوصا موديل سمارت
-
الجري ممتاز جدا وانصح بيه....
تحياتي
Sent from my Xperia Arc S using Forum Runner
-
عندي تكييف هاي سينس 3 حصان بارد فقط
انا ساكن في الدور الاخير والشمس عندي مخلية الصالون فرن بلدي
بسم الله ما شاء الله عليه بصراحة تكييف محترم وتبريد رائع بسيبه شغال تقريبا من الضهر لحد بالليل متأخر من غير ما الكمبروسور يفصل وكفاءة تبريد ثابته وبيرمي مسافة بعيدة بصراحة أنسح بيه وبشدة وهو تبع ضمان شمس
-
تمام او المهم ان كدة الناس بتشكر فى الماركتين سواء Gree او Hisens انا مستريح اكتر للجرى و حاسس ان الكومبريسو الهيتاشى دة هيعمل شغل كويس... الف شكر يا رجاله على النصيحه
-
بصراحة انا عندي تكييف يورك و ما شاء الله جميل وكلة امريكي مفيش فية اي حاجة صيني وضمان 5 سنين
-
بعد ازن صاحب الموضوع الاسعار عاملة اية
-
هى الاسعار متقاربه يعنى انا بدور على 2.25 و دة بيبدأ من 4700 و يطلع معاك لحد 5600 و دة على حسب انه بارد او بارد ساخن بلازما او بدون ومدى التحكم فى اتجاة الهواء.
Content Relevant URLs by
vBSEO 3.6.0 PL2