الموضوع: اقضى على النمل فورا

المشاركة الأصلية كتبت بواسطة mohammedgido

هههههههههه بسجل اسم الدوا في ورقة بعد ما حضرتك كتابتة فسجلتة بعنوان ( لعلاج النمل ) ههههههههههههههههه

هههههههههههه ده انت صعبان عليك النمل بقى وكمان بتعالحه

صدقني انت مش محتاج تشرح للصيدلي
انت تهرش قدامه وهو هيجيب الدوا على طول وبسرعة قبل كل الناس عشان يخلص

بس بقي يا جدعان كفايه تهريج ..

ده انا .................................. النمل اللي عندي .. هههههههههههههههههههههههه
احتمال كبير اشتريه ومخفش الدوا اصلا عشان اعذبهم ده وروني ايام سودا

لو عايز تقضي عالنمل فعلاً ..

اي رش هترشه عالنمل نفسه وهو ماشي .. هيموت الكام نمله اللي ماشيين .. ويقفل الطريق بتاعهم يوم ولا يومين
لحد ما اثر الرش يختفي ويرجع طابور النمل تاني


الحل اللي جاب مالاخر معايا

اني لما اشوف نمله .. افضل متابعها لحد ما اشوف هتدخل في اني فتحه .. لازم نهاية مشاورها يكون فتحه في البلاط او السيراميك او الخشب او الحيطه

وبعدين اشوف الطريق العكسي واراقب نمله واشوف الفتحه التانيه اللي بيرجعولها فين

وكدة ابقى عرفت مخرجه ومدخله .. واي مبيد ولو حتى بيرسول بتاع الناموس

وارش على الفتحه واركز على ان الرش يدخل جواها .. واعمل نفس الحكايه عالفتحه التانيه

وبعدين ارش عالنمل اللي في السكه بينهم

كدة انا قضيت على المستعمره بتاعتهم تماماً

ممكن يظهر تاني بقى مستعمره تانيه في فتحات تانيه ومكان تاني .. واعمل نفس الحوار .. والحكايه دي بتحصل مرتين بالكتير في الصيف

اقولكو انا بقى على احسن طريقة تقضى بيها عالنمل نهائى خالص وعلى ضمانتى مش هتلاقى ولا نمول صغير حتى بيتمشى فى الشقة

دوا اسمه ملاثيون وده هتلاقية عند بتوع المنظفات وسعره 10 جنيه وده من اقوى المبيدات الحشرية اللى بتقضى على جميع انواع الحشرات ومنها النمل وده بتنقط منه بسيط جدا فى جردل المسح على المياه هتلاقى لونها بقى ابيض ويفضل تحط معاه شوية فنيك او صابون رابسو يدى ريحة حلوة شوية بس عشان ريحته صعبه اوى وتمسح بيه الشقة او اي مكان فيه نمل او حشرات وانسى انك تشوف حشرات تانى فى شقتك ودى صورته