دي فعلا مشكلة قابلتني مع lg
كنت عايز انزله الجيلي بين بس معرفتش ... كل اللي قدرت عليه اني اعمله رووت
لكن مش هتحتاج تعمل كده الا لو انت غاوي برمجة و لعب في التلفون
نصيحة من واحد مجرب
من سنتين أشتريت موبايل ألكاتيل تاتش وكان امامى سامسونج وأخترت ألكاتيل بامكانات أعلى من سامسونج بس للأسف الموبايل بدأت مشاكله تظهر بعد 3شهور والله التليفون مرمى ف الدرج ولا له لزمة ،،خد الماركة اللى تلاقى له قطع غيار وسيبك من اللقطة .
كلام حضرتك صحيح
بس الموبايل مغرى فعلا خصوصا انه يكاد يكون زى النوت 2 بس مع فرق السعر الكبير بينهم
بس لية حضرتك مرحتش تعند رزق الله وكيل الكاتيل ويا اما يصلحوا الموبايل ياغيروة خصوصا انه على كلام حضرتك الموبايل كان لسة فى الضمان
وعلى فكرة رزق الله وكيل لكذا ماركة منها سونى مثلا
الجهاز ده كان فيه مشكلة بسيطة في تعريبه
لما تقلب الجهاز عربي لما بتكتب فيه رقم عشان تتصل بيه الرقم بيتكتب معكوس
ولو جالك إتصال الرقم بيظهر برضه معكوس
ونصيحة لو بتحب الخطين إنتظر شوية لما ينزل خطين لأنه نزل في الخليج خطين
-
ربنا يبارك لك فيه إن كنت مرتاح له نفسيا توكل على الله وأشتريته ولا تهتم بما يقال ،، إن شاء الله يكون فوق ما تظن وخير مما تتمنى .
كنت هنزل اشترية اخر الشهر الى فات بس المظاهرات والقلق الى فى البلد عطلنى
ولكن انا نازل بكرة الزقازيق اشترية ان شاء الله ............ ودعواتكم ان الموبايل يكون حلو عشان تمنه حوالى 2800 جنية
وانا شوفته على موقع رزق الله لقيته بخطين فعلا ودة طلبى
وبكرة ان شاء الله اقولكم عملت اية