ربنا يباركلك في الموبيل ان شاء الله
ربنا يباركلك في الموبيل ان شاء الله
اشتريت الموبايل بحمد الله تعالى
انا لسة بقلب فى الموبايل ودة تانى موبايل اندرويد اشترية والاولانى كان سونى اريكسون برو
مش عارف لية نفسى مبتروحش ناحية السامسونج هههههههههههههههههههه
المهم
انا اشتريت الموبايل بسعر 2750 من محل الغزاوى فى الزقازيق وهو محل كبير وشهير جدا لمن يعرف او يعيش فى الشرقية ، وطبعا الموبايل جاى معاة قلم وجراب ولكن الجراب بيغطى الشاشة فقط دون ظهر الموبايل
ولما سألت البائع عن سكرين بروتكتور او جراب للموبايل قلى ان كل الاكسسوارت جاية الاسبوع الجاى للموبايل دة وباقى موبايلات الكاتيل اكسسوارتها موجودة ، فاضطريت مؤقتا انى اشترى سكرين بروتكتور لسامسونج s4 نظرا لتماثلهما فى الحجم تقريبا
مع العلم ان الموبايل شاشته لها حماية Dragon Trail Glass ومما قراته على النت والله اعلم ان هذة الحماية اقوى بسته اضعاف من الجوريلا جلاس
الموبايل من تعاملى المبدئى معاه اقدر اقول انه بسم الله ما شاء الله امكانياته تفوق سعره بكتير ويكفى انه كان معروض جانبة الجالاكسى جراند بنفس السعر مع فارق الامكانيات ودة سببب اساسى انى اشترى الموبايل فى ساعتها لانى قلت لنفسى الموبايلين جنب بعض وبسعر واحد والاتنين صناعة صينى فاية الى يخلينى اشترى الجراند بنفس السعر مع امكانيات اقل بكتير
وتوكلت على الله واشتريت الالكاتيل وان شاء الله يكون اختيار موفق
....الموبايل بخطين
....البطارية 2500 امبير
....الموبايل سرعته فى النت ابلا مبالغة طلقة مع العلم انى مشترك فى النت بسرعة 2 ميجا بس شتان بين الالكاتيل بسرعه 42 ميجا وبين السونى البرو بسرعه 7 ميجا مع العلم ان السامسونج اس 3 والجراند والنوت 2 كلهم بسرعه 21 ميجا
....الموبايل خفيف فعلا ولا تشعر انه ثقيل ابدا وتشعر اكثر فاكثر بخفته اذا مسكت فى اليد الاخرى نوت 2 او جراند
....الشاشة اكثر من ممتازة علشان IPS LCD ودى على فكرة بتوفر رؤية ممتازة من جميع الاتجاهات والرزيليوشون عالى 294 بيكسل والشاشة 5 انش والشاشة لها حماية Dragon Trail Glass كما ذكرت سابقا والشاشة هاى ديفنيشن 1280*720 كما ان الشاشة مطلية oleophobic coating ودى بردة على حسب ما قرات فى النت ان هذا الطلاء يجعل الشاشة لا تتأثر ببصمات الاصابع
....البروسيسور كواد كور عامل شغل جامد والجهاز سلس جدا وسريع مفيش تهنيجة ولا اى شئ مطلقا
.... الرام واحد جيجا
.... البلوتوث , v4.0
.... نظام التشغيل Android OS, v4.1 Jelly Bean
.... الموبايل جاى معاه قلم بيشتغل على كل حاجة فى الموبايل
.... الكاميرا الخلفية 8 ميجا بيكسل فل هاى ديفيشن 1080 والامامية 1.3 هادى ديفيشن 720 بس لسة مجربتهموش بالدرجة الى تخلينى احكم عليهم كويس
.... الموبايل تحس انه قيم وفخم وعلى فكرة انا جبت اللون الاسود والابيض معجبنيش
العيوب من وجهة نظرى
....الكاميرا الخلفية بارزة عن الموبايل مما قد يعرضها للخدوش بس ان شاء الله تتحل لما تنزل جرابات للموايل
....ذاكرة الموبايل 4 جيجا المتاح منها للمستخدم 2.5 جيجا ودى مساحة قليلة بالنسبة لامكانيات الموبايل وان كنت حليت المشكلة دى بكارت ميمورى للصور والفيديوهات وخلافة وتركت الذاكرة الداخلية للتطبيقان مع تشغيل برنامج نقل البرامج للذاكرة الخارجية
غير كدة انا مش عيوب للموبايل وهى عيوب بسيطة من وجهة نظرى وغير مؤثرة
صحيح البطارية غير قابلة للازالة وان كنت لا ارى مشكلة فى ذلك لان ذلك اصبح اتجاه عام فى الموبايلات والتاب والايباد
الخلاصة الموبايل صفق رابحة وانا والحمد لله سعيد بية جدا واتمنى من الله عز وجل انه يكون اختيار موفق واى استفسار سارد علية ان شاء الله على قدر معرفتى
مع العلم انى لسة بشوف امكانيات الجهاز فى التصوير والالعاب
آلف مبروك.. تعليق على البطارية بس : البطارية اللي ينفع تشيلها مفيدة لو حصل حاجة زي Boot loop مثلًا تقدر تشيلها، إنما لو مينفعش هتضطر تستنى لحد ما تخلص، إلا لو ينفع تدي نفس Effect إنك شلت البطارية بالضغط المطول على زرار الباور.
الله يبارك في حضرتك
بالنسبه للبطاريه فالايباد والتاب والنوت ١٠والنوت ٨ والاكسبيريا z والاكسيبيريا اكرو اس وغيرهم كتير بقت البطاريه فيهم بلت ان
وبالنسبه للموضوع الي حضرتك ذكرته فمحصلش ان احتجت في الاكسيبيريا برو اني اشيل البطارية والموضوع ده كان بيحصل معايا في النوكيا بس
يا باشا كفايه اني داخل علي نايل موتورز دلوقتي من الموبايل من غير ابلكيشين الاندرويد للمنتدي
ودخلته اسرع من اللاب ومن غير تهنيج ابدا ولا بطئ
الحمدلله علي نعمه
مبروك عليك ... أى جديد تكتشفه ابقى قوله على طول :)
عاوزك تجرب الكاميرا فى الفيديو وتقولى رايك
ولو نزلت برامج او العاب تشوف السخونية مع الشغل
وكمان البطارية بالشريحتين هيقعدوا كام ساعة شغل
وكفاية عليك كدة النهاردة :)
الف الف مبروك وربنا يباركلك فيه يارب
مبروك عليك الجهاز
البطارية قابلة للتغيير لكن بيتم فك الجهاز
سؤال مهم
ظهرت معك مشكلة قلب أرقام الإتصال لما يتشغل الموبايل عربي
إعمله عربي وجرب وقولي
-