محتاج المساعدة ضروري.. لمبة s بتنور وتطفي

**ahmedkasem** · 28-06-2013 12:33 AM

انا معايا اوبل فيكترا 95 اتوماتيك 2000 سي سي
انهارده كنت عند الميكانيكي بظبط الموتور عشان حساس الايرماس بيخرف عندي وكنت مغير حساس tps من يومين عشان سحب العربية كان في الضياع خالص واتعدل شوية بعد ما غيرت ال tps
المهم انهارده الميكانيكي ظبط الاير ماس علة قد ما يقدر ونضفلي الايدل بالبنزين وغير تيل الفرامل الخلفي
ده كل اللي اتعمل في العربية
المصيبة بقى حصلت وانا مروح في الطريق
كل خمسين متر لمبة الاس (s) بتاعة الفتيس تولع بشكل فلاش والسحب يضيع خالص
واضطر اني ابطل العربية واشغلها تاني عشان تطفي
الموضوع فضل يتكرر كل خمسين متر في الطريق لغاية ما كان هيجيلي شلل لحد ما روحت
وطبعا اول حاجة شكيت فيها او ما اللمبة دي نورت هو ان يكون زيت الباور بتاع الفتيس ناقص
لكن لقيته كامل ومفيهوش اي نقص

المهم انا مش عارف اعمل ايه دلوقتي فياريت حد يكسب فيا ثواب ويقولي العيب ده ممكن يكون ايه وعلاجه ازاي والتكلفة هتكون حوالي كام (قطع غيار ومصنعية)
لاني خايف امشي بالعربية تاني عشان الفتيس ما يتحرقش

**tananybasha** · 28-06-2013 01:09 AM

كده فيه مشكله فى الكهربا
مش مشكله فتيس
راجع التوصيلات و الفيش

**tananybasha** · 28-06-2013 01:09 AM

و ممكن التى بى اس ده يكون مدى اشاره غلط للفتيس

**ahmedkasem** · 28-06-2013 04:41 PM

يارب تطلع مشكلة فيوزات او مشكلة فيش عشان في ميكانيكي قالي دي مشكلة الحساسين بتوع الفتيس ودورت عليهم امبارح ملقتهمش عند بتوع الاستيراد
وواحد تاني قالي فلتر الزيت بتاع الفتيس مكتوم ولازم ننزل الجيربوكس ونفوره عشان نغير الفلتر ده
يعني من الاخر وجعلي بطني

**ahmedkasem** · 28-06-2013 10:08 PM

الحمد لله المشكلة اتحلت
والحل كان عن طريق اسبراي اسمه ابرو بتاع تنظيف نقاط التلامس في الالكترونيات
المهم اشتريته ومسكت كل فيش الحساسات اللي في العربية وعملتلها حملة نضافة بالاسبراي ده بما فيهم الحساسين بتوع الجير بوكس
واشتريت كمان اسبراي تاني بتاع تنظيف الكربراتير نوعه ابرو برضه ونضفت بيه حساس الايدل وحساس tps
وقولت اجرب العربية
والحمد لله المشكلة اتحلت ولمبة الاس مانورتش تاني لوحدها والسحب تمام
بس حصل مشكلة تانية اول مرة تحصل وهي ان ال rpm بقى مش ثابت خالص يعني بيعلى لوحده لغاية الاخر ويرجع تاني ويفضل يعمل كده طول ما العربية دايره ... (المؤشر بس هو اللي بيعلى ويوطى من غير ما صوت العربية يعلى )
ياتري ايه الحل في المشكلة الجديدة دي
معلش هي المشاكل لما بتحصل لازم تيجي بالجملة بس مفيش في ايد الواحد حاجة غير انه يقول (ربي اني لا اسألك رد القضاء ولكني اسألك اللطف فيه)

**Driver101** · 29-06-2013 11:48 AM

المشاركة الأصلية كتبت بواسطة ahmedkasem

الحمد لله المشكلة اتحلت
والحل كان عن طريق اسبراي اسمه ابرو بتاع تنظيف نقاط التلامس في الالكترونيات
المهم اشتريته ومسكت كل فيش الحساسات اللي في العربية وعملتلها حملة نضافة بالاسبراي ده بما فيهم الحساسين بتوع الجير بوكس
واشتريت كمان اسبراي تاني بتاع تنظيف الكربراتير نوعه ابرو برضه ونضفت بيه حساس الايدل وحساس tps
وقولت اجرب العربية
والحمد لله المشكلة اتحلت ولمبة الاس مانورتش تاني لوحدها والسحب تمام
بس حصل مشكلة تانية اول مرة تحصل وهي ان ال rpm بقى مش ثابت خالص يعني بيعلى لوحده لغاية الاخر ويرجع تاني ويفضل يعمل كده طول ما العربية دايره ... (المؤشر بس هو اللي بيعلى ويوطى من غير ما صوت العربية يعلى )
ياتري ايه الحل في المشكلة الجديدة دي
معلش هي المشاكل لما بتحصل لازم تيجي بالجملة بس مفيش في ايد الواحد حاجة غير انه يقول (ربي اني لا اسألك رد القضاء ولكني اسألك اللطف فيه)

هل في دخنة سودا من الشكمان، هل البوجيهات مهببة؟ احتمال يكون حساس الماف مش مظبوط، أو يكون حساس الإيدل عايز يتغير. روح لحد عنده كمبيوتر واكشف على العربية، ويا ريت ما تسيبش الميكانيكي يلعب في الماف.

**ahmedkasem** · 29-06-2013 12:06 PM

انا الماف عندي في مشكلة اساسا من زمان والعربية فعلا بتدخن دخنة سودة وبتهبب بوجيهات وبتاكل بنزين و100 كيلو بتاخد حوالي 22 لتر
بس موضوع rpm ده لسه حاصل معايا بعد موضوع التنضيف ده

**Driver101** · 29-06-2013 01:55 PM

حضرتك ساكن فين؟ وهل في حد قريب منك ممكن تكشف عنده كمبيوتر؟ وهل في إمكانية تروح جسر السويس؟

أنا الماف غلبني علشان ميكانيكي حط ايده فيه، بس الحمد لله رحت مركز الصفا واتظبط والدنيا الحمد لله تمام، مفيش دخنة سودا ومفيش هباب على البوجيهات والاستهلاك ظبط.