انا محبط ومكتئب وموش حاطط بنزين فى العربية ( قال يعنى فيه بنزين اصلا )
جركن البنزين بقى بيتباع ب 200 جند :( يارب افرجها
انا موش عارفنى :(
عرض للطباعة
انا محبط ومكتئب وموش حاطط بنزين فى العربية ( قال يعنى فيه بنزين اصلا )
جركن البنزين بقى بيتباع ب 200 جند :( يارب افرجها
انا موش عارفنى :(
200 جنيه ليه
العجل حلو برضه
بيخدوا فيه 3 اضعاف !! ده على كده بقي بسعر الـ 95 !
:10D5C8w1107:ههههههههههههه انا عملت ناصح وحطيت بنزين95 حطيت 20 لتر ودفعت 117.5 .كاني راكب جاجوار وماسك سيجار كوبي وعامل باشا زي بتوع الافلام بس ياخساره هشحت عليهم لاول الشهر الجاي
عندنا رخيص عن كده يا باشا
عامل 140 ال92 و 100 ال80 :d
يا جدعان الموضوع فك مش كدا اوى
يا مفول انهارده من فى اكتوبر عربيتين كل واحدة مزادتش عن 20 دقيقة
[QUOTE=yasserelsayad;3875070623]يا جدعان الموضوع فك مش كدا اوى
يا مفول انهارده من فى اكتوبر عربيتين كل واحدة مزادتش عن 20 دقيقة[/QOTE]
فك ف اكتوبر وحتت كتير لأ يا باشا
انا ف بلد جمب المنصوره وقفت 3 ساعات مره والبنزين خلص ف الاخر ومحطيتش
والنهاردة حطيت بعد ساعة بالضبط .
القاهرة فيها بنزين بس زحمة طبعا
ربنا يفرجها.
عندنا مفيش بنزين والطابور بيبقى حوالي 2 كيلو او اكتر قبل البنزينه
انا ملاحظ ان الدنيا بايظة قوى فى المنصورة بالذات انا عارف انها بايظة على كله بس اشمعنى المنصورة
الحتة اللي هما فيها زي ما الأستاذ صاحب الموضوع وضح بورسعيد,
وزود عليهم المنصورة وطنطا ودمنهور والبلاد اللي حواليهم وسيناء..
وأنا مكذبتكش, ومصدقك طالما بتقول شوفت وفولت ف تلت ساعة,
بس بقولك متعممش وتقول فك عشان لسه فيه ناس كتير بتعاني من أزمة حقيقية..
دا فيديو لسه متأخد أمبارح بليل من المنصورة,
‫اطول طابور بنزين في تاريخ مصر الحديث‬‎ - YouTube
وطبعاً دا أطول طابور بنزين في تاريخ الكرة الأرضية كان في سيناء من 3 أيام يوم الأتنين لو مكنتش شوفته,
‫رهيييب : أطول طابور بنزين فى تاريخ سيناء .. تصوير / أبوبكر شتيوي‬‎ - YouTube
استغلال يحاسب عليه ربنا
انا بصراحة ما كنتش مصدق حوار البنزين ده لحد يوم الاربع وكنت بخش اعلق هنا بقول اللى عاوز بنزين يجى شبرا
بس شبرا بقالها يومين مقفولة من طوابير البنزبن فى كل حتة
بس اللى لاحظتة ان كمية الناس اللى واقفة بجراكن 4 اضعاف اللى واقفين بعربيات وده فى حد ذاته ازمة
و عمال البنزينة طبعا احسنلهم يبيع فى الجركن بدل العربية وكله بالشلن بيحن "5جنيه"
فعلا مفيش بنزين وده اللى انا شوفته كمان فى بورسعيد - الاسماعيلية - الدقهلية - الشرقية - الغربية - سيناء ده اللى انا عارفه واذا فيه بنزين طابور طوله من غير مبالغة والله 3 او 4 كيلو
والدقهلية سامع من واحد صاحبى مولعين فى محطات وعربيات كمان من كتر الازمة وحصل عندنا فى بورسعيد مشاكل الازمة طاحنة فعلا
القاهرة والجيزة فيه زحمه علشان ابتدت المحافظات المجاورة تنزل تجيب بنزين ( الزحف المقدس )
مفول فى اريع دقايق 40 لتر ودفعت 40 جنيه وسبت الباقى
بنزين 80 مكنش فيه 92
والغريب ان العربيه ماشيه كويس ومش بتثقف
وحتى الوجه القبلى
ياجماعة والله الناس بقت بتسيب عربيتها امام المحطات وترجعلها تانى يوم علشان يحجز ارضية لحد البنزين ما يجى
دى حظوظ والله حظوظ
انا اصلا كل اما اعدى على بنزينه الاقى من 100 الى 200 عربيه اقوم ماشى لسه معايا عشرة لتر وبحسس على الدواسه رايح البيت القديم لقيت بنزيه التعاون بيشيل القراطيس وبيدخل الناس وما فيش عربيات
هوب قمت راشق
قالى ما فيش الا 80 قلت لو حتى ينزين 70 فول
حظوظ بقه
انا البارح معدي علي كل البنزينات وكلها فيها من الأسكندريه لحد كفر الدوار ومفيش اي مشكلة غير الزحمة والناس اللي بجراكن واقفة تتخانق علي المكن طبعا
وبنزينة الأمارات مصر اللي علي الزراعي بعد الأسكندريه كان فيها وكان واقف قدامي حوالي 10 عربيات بالكتيير ووقفت دقيقة واحده واخدت بعضي ومشيت لما لقيت معايا اكتر من نص التنك قلت اسيب البنزين للي يستاهل وانا واثق ان معظم اللي واقفين معاهم زيي بس هو خوف وخلاص
فى كل المحافظات بقى كده موش المنصورة بس
افرجها من عندك يارب
انا فى ظهر البيت بنزينه وكمان فيها بنزين
بس التنك مليان
البنزينات فيها بس بتبيع سوق سودة و بتشتغل شوية و تقفل و الباقى يتهرب سوق سودة، و الجراكن عينى عينك بتتملى جوة البنزينة و الناس ساكتة
و سكاتنا ده جزء من الأزمة
واحد صاحبى حب يتدخل عشان يمنع الجراكن دى كان هيتقتل و الناس سايباه لوحده و قاعدة فى التكييف مستنية دورها
كانك عايش معانا يا باشا
انا من يومين كنت معدى جنب البنزينة ف الفجر , لقيت طابور طويييييل و ف الاخر لقيت البنزينة قافلة !!!!!
امبارح رحت احط بنزين , وقفت حوالى ساعة و نص و لقيت النزين خلص قبل ما اوصل بحوالى 15 عربية , رحت طالع على البنزينة اللى بعدها لقيت النور مطفى ف البنزينة و الناس واقفين ف الصف مستنين ,,, روحت ركنت العربية تحت البيت و مش ناوى اروح اقف ف طابور اربع و لا خمس ساعات و بالتالى غالبا مش هنزل بالعربية لحد ما الازمة تخف شوية
المنصوره:
من الساعه 8 صباحا وحتى 5 عصرا طابور 250 عربيه (عديتهم) وبرضه ملحقتش والبنزين خلص لرابع يوم على التوالي وقررت أركنها لحد ما الأزمه تخلص.
وبعدين !!!! حالة الغليان بتزيد
امبارح كنت مروح من مدينة نصر الساعه 3ونص الفجر
لاقيت بنزينه مصر الى فى اول الهرم فيها بنزين والناس واقفه طابور صغير" 15 عربيه تقريبا "على طرمبتين
رحت واقف
لاقيت مفيش ولا عربيه بتفول
دخلت بسال
بيقلوا الطرمبة العداد بتاعها نوره اتحرق ومش شايفين عشان كدا هنستنا للصبح وتعالا الساعه 8
طبعا كل الناس كانت بتتكلم انهم حرامية ومش عاوزين يبيعوا البنزين روحت واخد بعضى وماشى
انا فى الهرم - جيزه
يوم الجمعه 28/6 مفيش ولا نقطة بنزين فى شارع الهرم كله - الساعه 2:30 والساعه 5:00
يوم السبت - 29/6/2013 الحمد لله مونت بالظبط فى ساعه و تلت (100 دقيقه) بدأت 9:40 خلصت 11:00 بالثانيه
انا مشفتش - لكن سمعت ان عندنا جركن البنزين ال 92 - 20 لتر بيتباع ب 50 جنيه - وبيتباع ناقص
حسبنا الله ونعم الوكيل
انا مونت في المنصورة-طلخا في حوالي 1.45 بدايه من الساعه 11:20صباحا يوم الاربعاء 26/6
الخلاصه دي حظوظ اهم حاجه الشرطه تكون مأمنه البنزينه ده غير ان حتي الموتوسيكلات كانت واقفه في طابور وكمان الضباط عملين شغل حلو قوي لدرجه ان لما بيشوفوا واحد بتاع تكتك مش مريح بيطلبوا بطاقته ولو شكوا فيه بيفتشوه وفعلا لاقوا واد معاه ماطوه ومسكوه
المهم ان العمليه منظمه خالص والحمد لله بس ربنا يهون وتخلص علي خير وتظبط قبل رمضان
اما بقي الجراكن ف دي المشكله لانهم احيانا بيحطوا عليها بنزين مخلوط وسعات بيحطوا مياه كمان
تخيلوا