سيفيك ٢٠١٠ VTI - كروز ٢٠١٣ High Line - شارك ٢٠١٣ High Line - ريو ٢٠١٣ High Line

**Ahmed TRAVCO** · 01-07-2013 07:01 PM

المشاركة الأصلية كتبت بواسطة simon659

بصراحه ومن كل قلبي الشارك لا يعلي عليها فتيس وماتور وعفشه وصالون وشكل واستهلاك بنزين وعلامه وكل حاجه ملهاش حل وان كان علي السوق مافيش حاجه مالهاش سوق بس تحافظ عليها انا حاليا بدور علي شارك كسر زيرو مع ان معايا اجيب كل الفأت دي ومش هتنازل عن الشارك وربنا يوفأك

بصراحة كلام محترم جدا... الواحد بس ما بيحبش يشكر زيادة في الشارك علشان الناس اللي مجربتهاش ممكن تفتكر الواحد بيبالغ او كدة علشان عربيته... بس والله العظيم الواحد ما استمتعش باي حاجة جربها في الفئة دي غير في الشارك... حتى لما واحد زميلي باع الكورولا الهايلاين 2012 من خمس شهور وجاب فانتازيا 2012 خليجي كسر زيرو وقعد يقوللي فيها شعر.. لما ركبتها والله العظيم حمدت ربنا ان معايا الشارك... طبعا الفانتازيا ملهاش حل وشنطتها بالذات مرعبة... بس لاقيت عفشتها ناشفة جدا وما لاحظتش تفوق ليها على الطريق خااالص... الشارك كل مشكلتها سمعتها في مصر اللي هي اصلا سوق العجب العجاب...

اتمنى من صاحب الموضوع يجيب شارك هايلاين واتمنى لحضرتك التوفيق!!

**ahmad.s** · 01-07-2013 07:50 PM

المشاركة الأصلية كتبت بواسطة ahmed travco

بصراحة كلام محترم جدا... الواحد بس ما بيحبش يشكر زيادة في الشارك علشان الناس اللي مجربتهاش ممكن تفتكر الواحد بيبالغ او كدة علشان عربيته... بس والله العظيم الواحد ما استمتعش باي حاجة جربها في الفئة دي غير في الشارك... حتى لما واحد زميلي باع الكورولا الهايلاين 2012 من خمس شهور وجاب فانتازيا 2012 خليجي كسر زيرو وقعد يقوللي فيها شعر.. لما ركبتها والله العظيم حمدت ربنا ان معايا الشارك... طبعا الفانتازيا ملهاش حل وشنطتها بالذات مرعبة... بس لاقيت عفشتها ناشفة جدا وما لاحظتش تفوق ليها على الطريق خااالص... الشارك كل مشكلتها سمعتها في مصر اللي هي اصلا سوق العجب العجاب...

اتمنى من صاحب الموضوع يجيب شارك هايلاين واتمنى لحضرتك التوفيق!!

المشاركة الأصلية كتبت بواسطة simon659

بصراحه ومن كل قلبي الشارك لا يعلي عليها فتيس وماتور وعفشه وصالون وشكل واستهلاك بنزين وعلامه وكل حاجه ملهاش حل وان كان علي السوق مافيش حاجه مالهاش سوق بس تحافظ عليها انا حاليا بدور علي شارك كسر زيرو مع ان معايا اجيب كل الفأت دي ومش هتنازل عن الشارك وربنا يوفأك

المشاركة الأصلية كتبت بواسطة mohamed1

المشكلة ان وكيلها وحش. سمعت كتير ان دايموند موتورز مش كويسين

**ahmad.s** · 01-07-2013 07:55 PM

المشاركة الأصلية كتبت بواسطة محمد أنور

لو قدامك سيفيك vti حالة نضيفة متسيبهاش

المشاركة الأصلية كتبت بواسطة motoxp

لو قدامك سيفيك vti حالة نضيفة متسيبهاش

المشاركة الأصلية كتبت بواسطة no comment

أعتبر ده توارد خواطر ... ولا كوبى بيست
طيب اشمعنا انا
لو قدامك سيفيك vti حالة نضيفة ما تسيبهاش :oc_sun1[1]:

بس برضوا الجديد جديد

مش لقيها خالص, سمعت ان التوكيل بيبع مستعمل و روحت لقيت عندهم واحدة lxi 2009 ب ١٤٥٠٠٠!!!

**Ahmed TRAVCO** · 01-07-2013 09:04 PM

المشاركة الأصلية كتبت بواسطة ahmad.s

المشكلة ان وكيلها وحش. سمعت كتير ان دايموند موتورز مش كويسين

شوف... انا شغلي في مرسى علم فبتعامل مع مركز خدمة معتمد من دايموند في الغردقة... لحد دلوقتي مشفتش حاجة وحشة من الناس.. هوة يمكن موضوع قطع الغيار اللي رذل فعلا لاني كنت عايز اركب كساحات وعتب (للاسف اتشالوا في 2012 مع الزينون مقابل تعديل الموتور)... المهم قالولي ان الكساحات ب1800 والعتب هيعدي 3000!!! بس بصراحة كتعامل حتى في التليفون الناس محترمة ولما كنت بفعل الضمان والحاجات دي كانوا ذوق جدا ولما بيدوني ميعاد بيلتزموا بيه...

اللي انا بقى متاكد منه ان دايموند احسن كتير من منصور مثلا.... ولا ايه؟؟

نصيحة لوجه الله... بلاش تقفل من عربية محترمة علشان توكيل!!!! عارف لو عربية عادية كنت ماشي تسيبها لو مش مطمن لتوكيلها... انما العربية دي ما تتسابش بالسعر ده صدقني.... يا راجل ده السيراتو بقت ب195000.... والالانترا ب183000... والفانتازيا عدت ال200000... والسيفيك هايلاين ب210000 والاسترا بتبدأ من 173000 بعد ما كانت قدامي والله من اربع شهور ب155000 بس الحمد لله انا صممت اجيب شارك هايلاين...
وعلى فكرة لو التوكيل سيء كان ممكن يستهبل ويزود السعر زي الباقي...

وانا سايق العربية مببقاش قاعد افكر في ان دايموند حلو ولا وحش اكتر ما ببقى مستمتع بالعربية وحاسس بثقة رهيييبة من ثباتها وعارف قيمتها كويس لاني عارف ان شاسيه عربيتي مثلا هوة نفسه اللي بيركبوا عليه الايفولوشن والاوتلاندر.. وببقى شايف على الطبيعة الراااحة الكبيرة جوة العربية وانا مسافر 700 كم من مرسى علم لبلدي طنطا كل شهر...

توكل على الله وربنا يوفقك!!!