الموضوع: اخيراااااااا عملتها

المشاركة الأصلية كتبت بواسطة alaa_dash

انا مونت امبارح من البنزينة اللي بعد مدخل محلة مرحوم ... و الواد خد 7 جنيه زيادة فعلا ..بس مش مشكلة

عشان انا راجع من القاهرة و كوووول لمحطات قافلة و لالي اكنت فاتحة كانت اللي جنب الكاتدرائية و انت رايح العباسية

و الطابور كان لحد مطلع الكوبري :)

كانت الساعة 12 تقريبا و طلعت ممون الساعة 12.30 ..

متهيألي ديه مصر للبترول اللي قصدكم عليها

ايوه اللى بعد مدخل محلة مرحوم هيه بنزينة مصر للبترول .... البنزينة ديه مدفعش فيها اكتر من 1 جنيه بقشيش ... ولو مش عاجبه باخده منه ... وديه على طول البنزينة اللى بفول منها

ليه تدفع 7 جنيه !!!!
حرام والله ... بلاش سلبيه الله يكرمكم

المشاركة الأصلية كتبت بواسطة elawany13

البنزينة اللى على الزراعى فى اتجاه اسكندرية اللى بعد الشرطة العسكرية اسمها بنزينة مصر للبترول ... وديه صور ليها

http://www.nilemotors.net/nile/315229-a.html

انما لو هتلف وترجع طنطا أول بنزينة هتقابلك هى بنزينة التعاون اللى بعد الصوامع على طول ومشهورة بإسم بنزينة قرانشو (أقذر بنزينة فيكى ياطنطا من ناحية جودة البنزين ومن ناحية العمال الجشعين) وبيحصل فيها بلطجة ووساخة وقلة أدب ... مش بروحها الا مضطراً
ديه صور لبنزينة قرانشو

http://www.nilemotors.net/nile/340413-a.html

البنزينة الأولى بتاعت مصر للبترول هى المفضلة بالنسبة ليا على طول خلال السنتين اللى فاتوا وهيه اقرب بنزينة الى محل سكنى والعمال اللى هناك مبيعرفوش يكحوا معايا ... وكنت مضبط نفسى عليها على طول
بس المشكلة ان مواعيد التريلات اللى بتجيب بنزين اتغيرت فيها وبقت غير منتظمة
واتخنقت من التكاتيك اللى بيهجموا عليها ساعة ما بيجى بنزين والخيبه ان ليهم الأولوية وبيمونوا من غير طابور ولا حاجه
الخيبة كمان انهم فى الأزمة الأخيرة بقوا يوقفوا الملاكى على الطريق السريع فى حته مخنوقة وحاسس ان الانتظار هناك هيبقى خطر ... كمان الكهرباء بتقطع كتير
حسيت انى لو روحت البنزينة ديه فى الأزمة الشديدة قوى ديه مش هيحصل كويس
وحاسس انى هتخنق ولما هشوف الغلط هتخانق وهبقى الخسران فى الآخر
فقولت لنفسى خدها من قاصرها وروح بنزينة محترمة وعليها رقابة قوية علشان المشاكل ووجع الدماغ
علشان كده روحت بنزينة مصر للبترول اللى عند احمد ماهر وخد بالك كمان انها اقل بنزينة الكهرباء بتقطع عندها لشان فى منطقة حيوية كلها بنوك ومستشفى وكده
وملاحظ ان التريلا اللى بتيجى تفضى فيها البنزين بتيجى فى مواعيدها بإنتظام

اتفق معا حضرتك وهية فعلا بنزينة مصر للبترول الي علي الطريق وانت رايح اسكندرية وعيبها التريلات و التكاتك وفعلا مكان الانتظار بقي علي الطريق وانت عارف ان اصلا الطريق ديق جدا بعد الشرطة العسكرية لحد اخر البنزينة فبتبقي واقف و الطريق السريع الي جاي بياخد عربية واحدة وممكن فعلا يحصل مشاكل وانا لما بشوفها كدة مبقفش وبمشي عشان مش امان وفي حتة الكهرباء دي بصراحة عمرها ما حصلتلي في البنزينة دي ولانها اقرب بنزينة لبيتي بفول منها علي طول في الغالب ولما يبقي مفيش بضطر اروح للهبابة التانية الي قبل الجملة الي كل مرة بتخانق معاهم فيها عشان البقشيش وربنا يسهل و الازمة دي بقي تنتهي