لحظة انتصار علي التوكتوك

**Mamoud salah H** · 28-06-2013 07:12 PM

والله انا فرحان اوي النهاردة

وانا ماشي في شبرا عندنا تحديدا في احد شوارع روض الفرج القديمة الي التوكتوك احتلها
المهم شارع ضيق علي يميني وواقف توكتوك علي ناصيته وسايب مساحة محترمة وكيويسة اني ادخل الشارع من وراه وقد كان فعلا وبلف من وراه وهدخل الشارع لحد هنا كل حاجة تمام ومفيش مشكلة المشكلة بقي وان بلف الباشا راااح راجع بضهروا من غير اي مقدمات ولا بص وراه ولا اي بتنجان المهم راح طااخ خبط في العربية من ورا المهم وروحت نازل وكنت ناوي علي شر بصراحة بس اول مابصييت عندي ملقتش ولا خربوش في العربية الحمد لله وببص عنده وم ايه بقي الاقي الفانوس عنده اتكسر والضهر الصفيح دة اتعوج وخرج من مكانه المهم انا شوفت المنظر دة روحت ضاحك ضحكة انتصار شريرة كدة وروحت راكب العربية وماشي من غير ما اتكلم

بس بصراحة فرحت اوي من المنظر دة
انا قولت اشارككم لحظة الانتصار دي عشان افرحكوا معايا

**CaptaiN-AhmeD** · 28-06-2013 07:18 PM

هههههههههههههههه الف مبروك احسن انا عنصري جدا معاهم وبكرهم لانهم شايفين نفسهم كلهم ماكجيفر وشايفين كل الملاكي ملهمش فيها
ونظرا لاحتلالهم الذي لا نهايه له
مبروك عالانتصار يا اخي وعقبال مكروباصات ال ترامكو ما حد يجبلنا حقنا منهم :p

**Mamoud salah H** · 28-06-2013 07:36 PM

ﻻ الميكروباصات دي موال تاني بس الحمد لله محتكتش بيهم ومش عايز بصراحة عشان دوول عربيات حديييد هتزعل الترﻻية الملاكي اوي ربنا يبعدهم عنا

**janagabr** · 28-06-2013 07:58 PM

الف مبروكأنا اقعدت اضحك ضحك
انهم غنيمة لنا
كنت تاخد الواد والتوك توك والركاب سبايا
مع تحيات
جبهة اوعي وشك والملاكي
او جبهة الملاكي راجعلكوا يا منطقة
بقيادة الجنرال محمود صلاح

**sasatony** · 28-06-2013 08:27 PM

التكاتك اسوء حاجة نزلت في البلد دي اعوذ بالله منها

**Mamoud salah H** · 28-06-2013 08:28 PM

المشاركة الأصلية كتبت بواسطة janagabr

الف مبروكأنا اقعدت اضحك ضحك
انهم غنيمة لنا
كنت تاخد الواد والتوك توك والركاب سبايا
مع تحيات
جبهة اوعي وشك والملاكي
او جبهة الملاكي راجعلكوا يا منطقة
بقيادة الجنرال محمود صلاح

هههههههههههههه

الفكرة اصلا ان الواد كان خايف وقعد يقولي مفيش حاجة حصلت يا بيه وحصل خيير يا باشا مش عارف اول مرة تحصل وسواق توكتوك يبقي محترم او مش عربجي كدة او يكوون حاسس ان هو غلطان ربنا يبعدنا عنهم
واحنا بعد كدة هنكون جبهة الملاكي راجع تاني وانا همسك قطاع التكاتك عن منطقة شبرا

**emad_2020** · 28-06-2013 09:12 PM

الف مبروك يا كبير عقبالى انا كمان لحسن بتجنن منهم اوى لو عليا عايز اكيب عربية نقل كبيرة واخبط فيهم واحد واحد هههههههههه

**Mamoud salah H** · 28-06-2013 09:29 PM

المشاركة الأصلية كتبت بواسطة emad_2020

الف مبروك يا كبير عقبالى انا كمان لحسن بتجنن منهم اوى لو عليا عايز اكيب عربية نقل كبيرة واخبط فيهم واحد واحد هههههههههه

انت عارف انا عندنا لودر الي بيهدوا بيه المباني دة الي في البتاع الكببر اوب الي قدام دة نفسي اعرف اسوقو وانا انزل الم التكاتك كله والميكروباصات

**janagabr** · 28-06-2013 11:01 PM

المشاركة الأصلية كتبت بواسطة mamoud salah h

هههههههههههههه

واحنا بعد كدة هنكون جبهة الملاكي راجع تاني وانا همسك قطاع التكاتك عن منطقة شبرا

هههههههههههه
يعني انت قائد التنظيم العسكري لجبهة الملاكي راجعلكوا يا منطقة قطاع التكاتك عن منطقة شبرا
وانا همسك قطاع الموتوسكلات
قبل كده كان واد بمتوسكل شايل انبوبتين علي يمين وشمال الموتوسكل وماشي في نصف الطريق
ازمرله مفيش - ارعشله مفيش
قومت مطلع دماغي من الشباك زي بتوع الميكروباسات وقولته متنجز ياد بدل ما اخبطك
فنفضلي
قومت خبطة من ورا قام دخل بالمتوسكل في الرصيف ووقع بس ماتعورش
وانا العربية ما حصلهاش حاجة ومشيت واقعدت اضحك
ومن هنا كان بداية استلامي لبتوع الموتسكلات
طبعا زمان قبل ما اجيب الالماني

**Ahmed Nasser** · 28-06-2013 11:55 PM

اللى متعرفوش
ان بتوع التكاتك بيكون خايف على التوكتوك اكتر منك كراكب عربية ملاكى
بس هو بيزنق عليك اونتو ماشين وبيحسسك انة سايق عربية كارو ومش فارقة معاه
هو بيعمل كدة عشان واخد فكرة ان بتوع الملاكى ملهمش فيها

هقولك على موقف حصل معايا
او ماجبت النوبيرا اللى معايا كنت لسة مافرحتش بيها
والعربية اساسا لسة معلقتش النمر
وروحت ياسيدى بيها فرح وبتع التاكتك بقى استغلو الموضوع وعمالين يفحروا فى التكاتكويزنقوا عليا
وطبعا واخدين عنى فكر انى لسة صغير ومبعرفش اسوق
ساعتها سنى كان حوالى 16 سنة ولما جبت اخرى معاهم دوست كام وسة للعربية وخليت الموتور فصل لقيتم بيبصولى ومش عاجبهم روحت مامرك بالعربية خليت الظلت اللى كان فى الطريق بيطير من حولين العربية
اقسم بالله انا سمعت واحد منهم وهو بيجرى كان برقع بالصوات تقول دبابة بتجرى وراة

بس هم اساسا مش مقتنعين ان احنا بتاع الملاكى محترفين فى السواقة لاننا اغلب الوقت بنكون ماشيين هاديين
ولما نحب نجرى ونبين مهارتنا بيكون على طريق سرع

وتحة منى ليك على انتصارك